Huswi 3:5 - Hanunuu

⁵ Bag-u sinabihan ni Huswi ti manga tawu, “Lumpiyuha niyu kanyu sadili, dahil aldaw ipakakit Panginuun sa kanyu ti makadululaw pag manga bagay.”

Huswi 3:5 Iomraidhean Croise

Hub 1:5

Kada matapus kanda handaan, maghandug si Hub para sa kay manga anak hampay sida malumpiyu. Madlum surip waya siya mag-ipulaw maghandug manga handug pagsunugun para sa kada manga anak niya, dahil mag-isip siya barang nagkasala kay manga anak ag barang tinikis magbagaw daut laban sa Diyus sa kanda tagipusuun. Pirmi gid katida kay pagbuwatun ni Hub.

Kanta 77:15

Sa panab-anan nimu kapangyarihan irinibri nimu kanmu nasakupan pag manga linahi ni Hakub ag ni Husi.

Kanta 86:10

Dahil makamaskihan kawu, ag makadululaw kanmu manga buwat; ag kawu lang ti Diyus.

Huwil 2:16

Tipuna niyu ti manga tawu hampay buwatun ti tun-anun sa paglumpiyu sa kanda sadili, anak man ngatay gurangun, una ti manga lapsag hanggan ti manga bag-u mag-asawa.

Libitiku 10:3

Magkun si Muysis sa kan Aarun, “Tunda ngani kay ibug sabihun Panginuun katpung magkumun siya, ‘Kailangan kilalan-un manga manughandug kang kabanalan, ag kailangan dayawun aku sa atubangan tanan manga tawu.’ ” Unman nakasagut si Aarun.

Libitiku 20:7

Itigana niyu kanyu sadili para sa kangku ag pagpakabanal kamu dahil aku ti Panginuun kanyu Diyus.

Bilang 11:8

Pagpunpunun manga Israilita sa babaw daga kada surip ag paggalingun nida ngatay pagbaywun sa lusung. Bag-u paggatungun sa anglit ag pagbuwatun manipis pag tinapay. Kay lasa parihu sa tinapay tinama sa lana ulibu.

Huwan 17:19

Pag-ilubus niku pag-ipakaun kang sadili sa kanmu hampay sida kanmu diman sa panab-anan katutuuhanan.

Huswi 3:13

Nu mandipay yi ti manga manughandug may dara Kaban Panginuun makamaskihan sa buu kalibutan, umapas ti bulus danum sa Sapa Hurdan. Inda pag danum ginan sa babaw pumat-ung sa usa ka rugar.”

Huswi 3:4

hampay maalaman niyu nu naan kamu paglumakaw, dahil unman waya gid kamu nakalakaw siyun ginan sa kabag-u. Dapat danga lang kamu magpakarani sa Kaban Kasunduan; pagmay-imaw agwat manga 1,000 mitrus.”

Huswi 3:6

Sinabihan diman ni Huswi ti manga manughandug, “Daran-a yi niyu ti Kaban Kasunduan bag-u pag-una kamu sa manga tawu.” Ag sinunud ngani nida ti sinabi ni Huswi.

Huswi 7:13

“Pagtindug kawu ag sabihi ti manga tawu lumpiyuha kanda sadili para sa aldaw dahil aku, ti Panginuun Diyus Israil, magkumun: ‘Kamu pag manga Israilita, may itinagu kamu manga bagay ihinandug yi buu sa kangku. Unman kamu makalaban sa kanyu manga kalaban hanggan sa unman mab-ul inda pag manga bagay sa kanyu.

1 Samwil 16:5

Sinmagut si Samwil, “Hu, nag-ataytag aku hampay manhandug sa Panginuun. Lumpiyuha niyu kanyu sadili hampay umatubang sa kanya ag pagkuyug kamu sa kangku hampay minsan kita manhandug sa Panginuun.” Bag-u binwat ni Samwil ti buruwatun para sa paglumpiyu sa kan Isai kaibahan kay manga anak ag kinmuyug diman sida sa paghandug.