Huswi 24:2 - Hanunuu

² Magkun si Huswi sa tanan tawu, “Imaw inda ti pagsabihun Panginuun, ti Diyus Israil: Sa kabag-u, kanyu manga ginurang mag-uli sa dipay Sapa Iyupratis ag nagsamba sa iba ka manga diyus. Usa sa kanda si Tira kay ama ni Abraham ag ni Nahur.

Huswi 24:2 Iomraidhean Croise

Gimpuunan 11:22

Pagka 30 yi ka timpu si Sirug, ainanak kay anak lalaki, si Nahur.

Gimpuunan 11:24

Pagka 29 yi ka timpu si Nahur, ainanak kay anak lalaki, si Tira.

Gimpuunan 11:26

Pagka 70 yi ka timpu si Tira, ainanak kay manga anak lalaki sida ni Abram, ni Nahur ag ni Haran.

Gimpuunan 11:27

Inda ti tultulanun tungkul sa linahi ni Tira. Si Tira kay ama ni Abram, ni Nahur ag ni Haran. Si Haran kay ama ni Lut.

Gimpuunan 31:19

Nitaun waydi ginminan si Laban hampay uguyan kay manga karanidu, ag habang udwaya siya, bin-ul ni Rakil ti manga diyus-diyusan niya ama.

Gimpuunan 31:30

Alam niku magkaibug yi gid kawu muli. Dapat hayga tinakaw nimu kang manga diyus-diyusan?”

Gimpuunan 31:32

Dapat nu tungkul sa kanmu nadura pag manga diyus-diyusan, nu makitan nimu inda una sa kantapu sa kanmi, parusahi siya kamatayan. Sa atubangan nita manga katawuhan bilang manga kastigus, bantayi nimu nu may imaw kawu magkaapu atay sa kanmi, ag nu may imaw bul-a nimu.” Unman alam ni Hakub si Rakil maaw ti nagbuul manga diyus-diyusan ni Laban.

Gimpuunan 31:53

Mana ti Diyus nimu laki ni Abraham hanggan ti Diyus niku ama ni Nahur, imaw diman ti Diyus nida ama ni Tira, imaw ti humusay sa kanta duwa.” Nansumpa diman si Hakub sa kan Laban sa ngaran Diyus paggalangun niya ama ni Isaak.

Gimpuunan 35:4

Nakan ipinakaun nida sa kan Hakub ti manga diyus-diyusan nida hanggan kanda manga aritus paggamitun bilang anting-anting. Ilinubung inda tanan ni Hakub sa sirung puun kayu insina arani sa Sikim.

1 Krunika 1:27

ag si Abram imaw diman si Abraham.

Isikil 16:3

Sabihi siya aku, ti Panginuun Diyus, magbagaw sa kanya: ‘Usa kawu ka Kananiyu! Kanmu ama usa ka Amuriyu, ag kanmu ina usa ka Hitiyu.

Lukas 3:34

Si Huda anak ni Hakub. Si Hakub anak ni Isaak. Si Isaak anak ni Abraham. Si Abraham anak ni Tira. Si Tira anak ni Nahur.

Diyuturunumiyu 26:5

Bag-u sabihun niyu inda sa atubangan Panginuun niyu Diyus: ‘Kanmi ginurang si Hakub usa ka Aramiyu unman may pirmaminti ulian kaybi. Nag-atag siya sa Ihiptu ag nangulian ati kaibahan kay magtal-anakan. Pira-pira lang sida ati katpung, dapat nagyamu sida, pagka taynguna makapangyarihan yi pag nasyun.

Huswi 24:15

Dapat nu dayu kamu manirbi sa Panginuun, mamili kamu taynguna pag sirang nu si unu kanyu sirbihan. Manirbi aw lugud kamu sa manga diyus pag sirbihan niyu manga ginurang sa baliw dipay Sapa Iyupratis, ngatay sa manga diyus manga Amuriyu kanda daga taynguna kanyu pag-ulian. Dapat aku inda hanggan kang magtal-anakan mansirbi sa Panginuun.”