Huswi 23:6 - Hanunuu

⁶ “Pagpakarig-un kamu, ag siguraduha gid niyu tupadun ti tanan nakasurat sa Ribru Kasuguan ni Muysis. Danga gid niyu inda pagdayua.

Huswi 23:6 Iomraidhean Croise

1 Hari 2:3

ag tupada ti manga pag-isugu Panginuun kanmu Diyus. Pagsunud kawu sa kay manga paanyu, ag tupada kay manga surundanun hanggan manga sugu nakasurat sa Kasuguan ni Muysis, hampay manalu kawu sa tanan nimu buwatun, una naan tabug kawu.

Kanta 101:3

ag balaw niku pahintulutan ti kadautan. Kalaban gid niku ti manga pagbuwatun manga tawu magpakarayu sa Diyus; balaw gid niku tunda huwadun.

Kanta 119:102

Unman aku magsimray sa kanmu manga sugu, dahil kawu ti magtudlu sa kangku.

Hirimyas 9:3

Magkun ti Panginuun, “Pirmi sida alistu sa kapudilan parihu sa ugyung alistu yi ipabkas. Kapudilan ti maglutaw sa inda pag rugar ag balaw katutuuhanan. Mag-amat di gid kanda magbuwat kasalanan, ag unman nida aku pagkilalan-un.

1 Kurintu 16:13

Pagdahan kamu, pagpakarig-un kamu sa kanyu pagsarig, pagmatutum kanyu naisipan, kamu pagmabisug.

Diyuturunumiyu 12:32

“Sunda gid niyu ti tanan pag-isugu niku sa kanyu. Danga niyu inda pagdugangi ngatay pagbuhini.

Diyuturunumiyu 17:20

Sa panab-anan diman pirmi pag pagbasa, maamanan niya ti pagpadayaw-dayaw kuntay mas mayad siya kaysa kay kaparihu manga Israilita, ag makaaman siya sa paglabag sa manga sugu Panginuun. Nu sundun niya tanan inda, siya hanggan kay manga lahi humari dugay sa Israil.

Diyuturunumiyu 28:14

Nakan danga niyu paglabaga ti una hintay sa kang pag-isugu sa kanyu taynguna pag sirang, ag danga kamu magsunud sa iba pag manga diyus hanggan magsirbi sa kanda.

Diyuturunumiyu 5:32

“Nakan sunda gid niyu kaayad ti pag-isugu Panginuun niyu Diyus sa kanyu. Danga niyu paglabaga una di usa sa kay manga sugu.

Hibriyu 12:4

Sa kanyu maglaban sa kasalanan, udwaya nabuhus kanyu dugu sa kamatayan.

Ipinakakit 21:8

Dapat makuri masyadu ti malakawan manga madalain, manga unman nagsarig sa Diyus, manga magkadara sa daut pag kahalayan, manga maglibun sa kay kaparihu tawu, manga uragin, manga magsarig sa kapangyarihan ni Satanas, manga magsamba sa diyus-diyusan hanggan tanan pag manga pudilun. Iyamut sida sa malabdaban danaw apuy asupri, tida imaw ti ikadwa pag kamatayan.”