Huswi 22:5 - Hanunuu

⁵ Dapat danga gid niyu pagkalimti tupadun ti manga sugu ag manga tudlu ipinakaun sa kanyu ni Muysis imaw ti manugsirbi Panginuun. Mahala niyu ti Panginuun niyu Diyus, pagpangabuhi kamu angay sa kay kagustuhan, tupada kay manga sugu, pagmarig-un sa kanya, ag sirbihi niyu siya buu tagipusuun hanggan karadwa.”

Huswi 22:5 Iomraidhean Croise

Kanta 106:3

Mapalad ti tawu magbuwat tama ag matadlung sa tanan pag udas.

Kanta 78:7

Sa siyun pag paraan sumarig sida sa Diyus ag balaw nida malimtan kay manga binwat bagkus ngap tupadun nida kay manga sugu.

Pag-ighit 15:26

“Nu buu tagipusuun kamu sumunud sa kangku, ti Panginuun niyu Diyus, ag bumuwat mayad sa kang magbantay, ag sundun kang manga kasuguan hanggan surundanun, unman kamu padaran-an niku manga panakitun parihu sa ipinadara niku sa Ihiptu. Aku ti Panginuun kanyu manugbulung.”

Pag-ighit 20:6

Dapat pag-ipakakit niku kang pagmahal sa mayamu gid pag sinulput magmahal sa kangku ag magsunud sa manga sugu niku.

Pag-ighit 23:13

“Sunda niyu inda tanan kang sinabi sa kanyu. Danga kamu magdarangin sa tuhay pag manga diyus ngatay sampitun lang kanda ngaran.

Pag-ighit 23:25

Sambaha niyu aku, ti Panginuun niyu Diyus, ag pakan-an niku kamu abunda pag karan-unun ag danum. Paayadun niku kanyu mag-asaydan,

Kabagawan 4:23

Alagai kaayad kanmu isip, dahil nu hintay kanmu pag-isipun imaw diman kanmu buhi.

Isayas 55:2

Hayga niyu paggastusun kanyu kuwarta sa manga bagay bukun magkakaun? Hayga niyu pagtabuhun kanyu upa sa manga bagay bukun makapabusug sa kanyu? Pagpatingi kamu sa kangku ag makakaun kamu manga masarap pag karan-unun, ungud mabsug kamu.

Hirimyas 12:16

Basta nu tanggapun nida buu tagipusuun ti pagsarig niku manga nasakupan ag nu manumpa sida sa ngaran niku, parihu sa itinudlu nida sa manga nasakupan niku kuntay pagsumpa sa ngaran ni Baal, mahimu miminsan diman sida sa nasakupan niku.

Matiyu 22:37

Sinmagut si Hisus, “Ilubus nimu kanmu tagipusuun, kanmu karadwa hanggan kanmu pag-iisip sa kanmu pagmahal sa kanmu Panginuun Diyus.

Matiyu 4:10

Bag-u sinabi ni Hisus sa kanya, “Pagpakarayu kawu, Satanas, dahil nisurat sa Banal Kasuratan, ‘Sambahun nimu ti Diyus imaw kanmu Panginuun. Siya lang kanmu sirbihan.’ ”

Matiyu 6:24

Sinabi ni Hisus magkun, “Unman may makasirbi dungan sa duwa ka amu. Dahil dayuun niya ti usa, ti usa kay adiun. Sirbihan niya mayad ti usa ag pabay-anan lang kay usa. Dayu masirbihan niyu dungan ti Diyus hanggan ti kayamanan.

Lukas 1:74

Kita kay iribri sa kamang nita manga kalaban, agud masirbihan nita siya unman may kadalaan.

Huwan 12:26

Nu ti tawu magkaibug magbuwat kang buruwatun, kailangan siya pagkuyug sa kangku hampay una naan aku, ati diman siya sa kangku. Una hintay pag tawu nu tumupad siya sa kang buruwatun, dayawun siya niku Ama.”

Huwan 14:15

Sinabi ni Hisus magkun, “Nu pagmahalun gid niyu aku, tupadun waydi niyu kang manga ibinilin sa kanyu.

Binwat 11:23

Pagka siya rinmas-ug ati, nakitan niya kay papalad Diyus sa kanda. Nakan nakabaya gid siya. Kay pinaanyuan sida magkun pangungud sida pagmatinupadun sa Panginuun, danga sida magbul-iw.

Binwat 27:23

Dahil kis-ab yabi may napakakit sa kangku usa ka anghil Diyus. Sa tunda pag Diyus aku pag napasakup hanggan magsamba.

Ruma 1:9

Pirmi diman kamu kang pag-idarangin. Inda alam di gid Diyus imaw kang pagsirbihan buu niku tagipusuun sa kang magtudlu sa Mayad pag Barita tungkul sa kay Anak.

Ruma 12:9

Pag-ungud yi gid kanyu pagmahal. Pagsuku yi kamu sa daut, mayada niyu ti kaayadan.

Ruma 8:28

Alam nita sa tanan manga bagay ti Diyus minsan magbuwat sa manga magmahal sa kanya sa kanda ikaayad. Dahil sida pinili niya angay sa kay turunu.

Diyuturunumiyu 10:20

Galanga niyu ti Panginuun niyu Diyus ag siya lang gid kanyu sirbihan. Pagsa kanya di gid kamu ag pagsumpa kamu sa kay lang ngaran.

Diyuturunumiyu 11:1

“Mahala niyu ti Panginuun niyu Diyus ag tupada kay manga sugu ag surundanun, hanggan palakaw ag kasuguan.

Diyuturunumiyu 11:13

“Nakan nu tupadun lang niyu pirmi ti pag-ipakaun niku pag manga sugu sa kanyu kainda kuntay mahalun niyu ti Panginuun niyu Diyus ag sirbihan niyu buu tagipusuun ag buu karadwa,

Diyuturunumiyu 11:22

“Nu tupadun niyu inda mayad ti tanan pag-ipakaun niku pag manga sugu sa kanyu kuntay mahalun niyu ti Panginuun niyu Diyus ag mangabuhi angay sa kay kagustuhan ag pumirmaminti sa kanya,

Diyuturunumiyu 13:4

Ti Panginuun lang kanyu Diyus ti sundun niyu ag igalang. Sunda siya hanggan kay manga sugu; sirbihi niyu siya ag pagsa kanya gid kamu.

Diyuturunumiyu 4:29

Dapat nu ligawun niyu ti Panginuun niyu Diyus, makitan niyu siya, basta hanapun niyu siya buu tagipusuun.

Diyuturunumiyu 4:4

Dapat kamu manga matinupadun sa Panginuun niyu Diyus buhi di tugka kainda.

Diyuturunumiyu 4:6

Sundun niyu inda maluag sa kanyu tagipusuun, dahil sa panab-anan niyu pagsunud maipakakit niyu kanyu kadunungan ag pan-intindi sa iba manga nasyun. Nu madnugan nida inda tanan pag surundanun sumabi sida, ‘Ungud duy maaw madunung ag maraintindihun ti manga tawu sa inda pag makapangyarihan pag nasyun.’

Diyuturunumiyu 4:9

Dapat pag-aman kamu! Danga niyu pag kalimti ti binwat Panginuun kanyu nakitan. Kailangan pumirmaminti inda sa kanyu tagipusuun habang magkabuhi kamu. Itudlu niyu inda sa kanyu manga anak hanggan sa kanyu manga kaumputan.

Diyuturunumiyu 5:10

Dapat pag-ipakakit niku kang pagmahal sa mayamu gid pag sinulput magmahal sa kangku ag magsunud sa manga sugu niku.

Diyuturunumiyu 6:17

Sunda gid niyu kaayad ti manga sugu, ti manga tudlu hanggan ti manga surundanun ipinakaun Panginuun niyu Diyus sa kanyu.

Hibriyu 12:15

Pagdahan kamu hampay unman may pumatlikud sa kanyu tanan sa kay pakaun Diyus karibrihan. Barang may magtubu ga ilamnun mapait sa kanyu bag-u miabay ti mayamu ngap pag patar-ari sumimray sa katutuuhanan.

Santiyagu 1:12

Papaladan Diyus ti tawu nu marig-un sa kay pagsarig una may paglakawan siya pagsubuk. Pagka nakalawuy yi sa pagsubuk, makatanggap siya buhi unman may katapusan, imaw kay atinaratu Panginuun pag pirimyu sa manga magmahal sa kanya.

Santiyagu 2:5

Isipa gid niyu, mahal niku pag manga patar-ari, pinili Diyus ti manga pugri sitay sa kalibutan hampay sida manga mayaman yi sa pagsarig, kaibahan yi niya sa kay maghari angay sa kay itinaratu sa manga magmahal sa kanya.

Huswi 23:8

bagkus ngap pagmatutum kamu sa Panginuun niyu Diyus, parihu sa kanyu pagbuwatun tugka kainda.

Ipinakakit 15:3

Bag-u kinanta nida ti kanta ni Muysis kay suruguun Diyus hanggan ti kanta Anak Karanidu magkun, “Kawu ti Panginuun Diyus ti makamaskihan sa tanan. Makapangyarihan ag makadululaw kanmu manga buwat. Kawu ti Hari manga nasyun tawu. Matadlung ag tutuu ti turunu nimu manga buwat.

1 Samwil 12:20

Sinabi ni Samwil sa manga tawu magkun, “Danga kamu magkadala, tutuu yi gid inda kanyu binwat pag kadautan. Dapat kamu danga magbul-iw sa Panginuun. Ilubus niyu kanyu buu tagipusuun sa kanyu pagsirbi sa kanya.

1 Samwil 12:24

Pagmaginalangun yi gid kamu sa Panginuun, ag pagsirbi sa kanya may katapatan sa buu niyu tagipusuun. Isip-isipa gid niyu nu kabitay kay kadaka kay binwat sa kanyu.

1 Samwil 7:3

Binmagaw si Samwil sa manga Israilita magkun, “Nu ilubus gid waydi niyu kanyu tagipusuun sa Panginuun, yamtan yi niyu kanyu manga pagsarigan pag manga diyus-diyusan hanggan si Astarut. Ipasakup niyu lubus kanyu sadili sa Panginuun, sa kanya lang kamu pagsumirbi. Bag-u iribri niya kamu ginan sa kamang manga Pilistiyu.”