Huswi 22:10 - Hanunuu

¹⁰ Pagras-ug nida sa Gililut, arani sa Sapa Hurdan, namatindug sida ati daka pag harandugan. Inda pag rugar sakup waya Kanaan.

Huswi 22:10 Iomraidhean Croise

Gimpuunan 28:18

Maaga binmangun si Hakub. Bin-ul niya ti batu kay sinangdayan sa tunda pag yabi ag ipinatindug bilang usa ka alaala. Bag-u binuhusan niya inda lana ulibu hampay bumaliw banal.

Huswi 22:9

Ag rargu nuli ti manga nasakupan lahi ni Rubin, ni Gad, ag katunga lahi ni Manasis. Tinayakan nida kanda kaparihu manga Israilita sa Silu, sa daga Kanaan, bag-u nagbalik sa Gilyad sa kanda kabahagi pag daga angay sa isinugu Panginuun sa panab-anan ni Muysis.

Huswi 22:11

Taynguna, nabaritaan iba manga Israilita nagpatindug harandugan arani sa Sapa Hurdan sa dipay Israilita, sa katugkaan Kanaan sa Gililut, ti lahi nida ni Rubin, ni Gad, ag katunga lahi ni Manasis. Nakan nagtipun sida sa Silu hampay mansalakay laban sa kanda.

Isayas 19:19

Sa ati pag sirang, ipatindug ti usa ka harandugan para sa Panginuun sa daga Ihiptu, ag ipatindug diman ti usa ka paraamirawan pag batu siyun sa tab-anan.

Gimpuunan 12:7

Bag-u napakakit ti Panginuun sa kan Abram ag magkun, “Inda pag daga ipakaun niku sa kanmu manga linahi.” Nakan nagbuwat harandugan si Abram para sa Panginuun imaw ti napakakit sa kanya.

Gimpuunan 12:8

Siyun ginan, napahalin sida atabug sa bantud sa may butlakan Bitil, ag ati sida pag nagpatindug turda, sa karaw-an Bitil bag-u Hay. Ti Bitil sa may isalpan ag ti Hay sa may butlakan waydi. Nagbuwat diman harandugan ati si Abram ag nagsamba sa Panginuun.