Huswi 21:8 - Hanunuu

⁸ Nakan sa panab-anan lunggungan, pinakan-an manga Israilita ti manga lahi ni Libi manga banwa hanggan manga paraharaban, angay sa isinugu Panginuun sa kan Muysis.

Huswi 21:8 Iomraidhean Croise

Gimpuunan 49:5

“Kamu, Simyun ag Libi magkakampi, paggamitun niyu kanyu armas sa pagmatay.

Gimpuunan 49:7

Saadan kamu dahil sa kanyu masyadu pag pangagalit. Wayakun niku ag ikalat kanyu manga lahi sa buu Israil.

Kabagawan 16:33

Maglunggungan ti manga tawu hampay maalaman nida nu hintay kanda buwatun, dapat ti Panginuun di tinagpasnu.

Kabagawan 18:18

Ti lunggungan makaampara sa aratwan ag makaayus sa kasaba duwa ka makapangyarihan pag tawu.

Bilang 32:2

nag-ati sida sa kan Muysis, hanggan sa kan Iliyasar, ag sa manga takinan linahi Israil, bag-u magkun,

Bilang 33:54

Huray-huraya niyu ti daga angay sa lunggungan, angay sa kayamu kada lahi. Ti mayamu kay lahi ayawi waydi kadaka, ag ti lahi pira-pira ayawi waydi kadiit. Nakan una hintay kanda mabunut imaw yi gid inda kanda kahuray. Sa kainda pag paraan, mahuray nida ti daga sa kada lahi.

Bilang 35:3

Sa katunda pag paraan, may maulian sida banwa hanggan may mapaharaban kanda manga hayup.

Huswi 18:6

Pagkatapus madara ti mapa sa kangku, manlunggungan rargu aku sa kadayawan Panginuun nita Diyus nu sa kantapu pag lahi miatag ti kada bahagi daga.

Huswi 21:3

Nakan angay sa isinugu Panginuun, pinakan-an ti manga lahi ni Libi manga banwa hanggan manga paraharaban ginan sa manga daga manga Israilita.

Huswi 21:7

Ti manga lahi ni Mirari pinakan-an 12 ka banwa ginan sa daga manga lahi ni Rubin, ni Gad, ag ni Sabulun.

Huswi 21:9

Imaw inda kay manga ngaran manga banwa ginan sa daga manga lahi ni Huda ag ni Simyun ipinakaun sa manga lahi ni Aarun. Inda sida manga lahi ni Kuhat kay anak ni Libi. Sida ti un-an nabunut pakan-an manga banwa.