Huswi 2:11 - Hanunuu

¹¹ Nadala kami pagka nabaritaan nimi inda ag naduraan kabisugan ti kada usa sa kanmi dahil sa kanyu. Dahil ti Panginuun niyu Diyus imaw ti Diyus sa langit hanggan sa daga.

Huswi 2:11 Iomraidhean Croise

1 Hari 8:60

hampay maalaman tanan nasakupan sa buu kalibutan ti Panginuun imaw ti Diyus ag unman yi may iba waya.

2 Hari 5:15

Bag-u binmalik si Naaman hanggan kay manga kaibahan sa suruguun Diyus. Tinmidug siya sa atubangan ni Ilisyu ag sinabi, “Taynguna napatutuuhanan niku unman yi may tuhay Diyus sa buu kalibutan purya sa Diyus Israil. Nakan duy, tanggapa inda pag pakaun niku sa kanmu.”

Nihimyas 6:16

Pagka nabaritaan inda nimi manga kalaban sa karani pag manga nasyun, nadala sida ag nangay-a. Pag-isip-isipun nida kuntay natapus tunda pag buruwatun sa panab-anan awat Diyus.

Istir 8:17

Sa kada banwa ngatay purubinsiya naabut kasuguan hari, nagbarayaan gid masyadu ti manga Hudiyu ag nagpista sida. Ag aduk sa ati pag daga ti nagbaliw Hudiyu dahil sa kadalaan nida sa manga Hudiyu.

Kanta 102:15

Ti manga nasyun gumalang sa Panginuun; ti tanan pag hari sa kalibutan gumalang sa kay kadayawan.

Kanta 22:14

Nabul-an yi aku kabisugan; ga danum nauyang. Ti tanan niku but-ul ga naliw-as. Naduraan aku kabisugan, ga kandila magkaupud.

Kanta 58:7

Madura mana sida parihu sa danum magkak-at, ag nu magpana sida, danga mana sida makapantuk.

Kanta 83:18

Mana maalaman nida kawu, Panginuun, imaw lang gid ti Kaabwat-abwatan pag Diyus sa buu kalibutan.

Pag-ighit 15:14

Madnugan inda manga nasyun ag takigan sida sa dala. Dalaun gid masyadu ti manga Pilistiyu.

Pag-ighit 15:15

Ti manga takinan Idum ag Muab takigan sa dala, ag ti manga takinan Kanaan himatayun sa dala.

Isayas 13:7

Sa ati pag sirang, manlumuy ti tanan tawu. Ti kada usa maduraan kabisugan,

Isayas 19:1

Inda ti pagsabihun tungkul sa Ihiptu: Pagpatingi kamu! Ti Panginuun masakyan sa rurum ag mabisug inmatag sa Ihiptu. Pagtakigan sa dala ti manga diyus-diyusan Ihiptu, ag pagkulbaan ti manga Ihipsiyu.

Isikil 21:15

Takigan sida sa kadalaan ag mayamu ti midamhak sa kanda. Ipinauli yi niku ti baladaw sa manga sabian nida banwa hampay mumatay sa kanda. Magsiak inda parihu sa kilat ag alistu sa pagpanmatay.

Nahum 2:10

Maruris, madaut, ag mamanglaw yi ti Ninibi! Nakan pagkulbaan ti manga mag-uli siyun; pagtakigan kanda manga tuud hanggan kanda tanan bilug, ag magpanlapsi yi sida tanan.

Diyuturunumiyu 1:28

Kabitay kita makaatag? Pinadala kita manga nagtiid sa ati pag daga. Pagsabihun nida kuntay mas mabaskug bag-u mas arabwat man kaysa kanta ti manga tawu ati, ag ti manga banwa nida daraka bag-u magkasangputan manga alad batu ga sunggu yi sa langit kay ka abwat. Bag-u nakitan waya nida ati ti manga lahi ni Anak.’

Diyuturunumiyu 20:8

“Sumabi waya gid ti manga takinan, ‘Nu may imaw sa kanyu nadala ngatay pagkulbaan, pag-uli siya barang hanggan kay manga kaibahan makulbaan waydi.’

Diyuturunumiyu 4:39

“Nakan tandai niyu inda pag sirang ag tanuman sa kanyu tagipusuun ti Panginuun imaw ti Diyus sa langit ag sa babaw daga, udyi may tuhay waya diyus.

Huswi 14:8

Dapat pinadala niku manga kaibahan kanta manga kasimanwa. Dapat aku inda, matapat nagsunud sa Panginuun niku Diyus.

Huswi 2:24

Magkun sida, “Tutuu gid pag-ipakaun Panginuun ti buu daga sa kanta. Magkadala ati ti tanan tawu sa kanta.”

Huswi 5:1

Nabaritaan tanan hari Amuriyu sa isalpan Hurdan hanggan tanan hari Kananiyu sa baybay Dagat Miditiranyu nu kabitay pinamara Panginuun ti Sapa Hurdan katpung nandipay ti manga Israilita. Nakan nadala sida ag nagmatalaw manlaban sa manga Israilita.

Huswi 7:5

Linagas sida ginan sa puwirtahan banwa tugka sa Sibarim, manga 36 sa kanda ti nagkaramatay habang maglus-ug sida sa kabantudan. Nakan natalaw ti manga Israilita ag nadala sida.

Huswi 9:24

Magkun sida sa kan Huswi, “Binwat nimi inda dahil magkadala kami barang matyun niyu kami. Dahil nabaritaan gid nimi sinugu Panginuun nimu Diyus si Muysis kay suruguun ipakaun sa kanyu inda pag daga ag matyun ti tanan mag-uli sitay.

Ipinakakit 6:16

Magkun sida tabug sa manga bantud hanggan manga batu, “Tabuni yi niyu kami hampay unman makitan nimi ti uyahun Hari nakatukaw sa kay tukawan ag hampay unman madnugan nimi ti pangagalit Anak Karanidu.