Huswi 17:2 - Hanunuu

² Ti daga sa isalpan Sapa Hurdan ipinakaun sa iba pag manga lahi ni Manasis imaw kay magtal-anakan ni Abisir, Hilik, Asriil, Sikim, Hipir, ag Simida. Inayaw-ayaw inda angay sa kada magtal-anakan.

Huswi 17:2 Iomraidhean Croise

1 Krunika 7:18

Kay patar-ari babayi ni Gilyad si Hamulikit may manga anak lalaki sida ni Ishud, Abisir, ag Mala.

Huswi 17:1

May ipinakaun diman daga para sa katunga lahi ni Manasis kay panganay pag anak ni Husi. Ti Gilyad ag ti Basan sa butlakan Sapa Hurdan ipinakaun yi sa magtal-anakan ni Makir dahil mayad sida pag sundalu. (Si Makir kay ama ni Gilyad imaw ti panganay pag anak ni Manasis.)

Huswi 17:3

Kainda may usa ka tawu kay ngaran si Silupihad. Anak siya ni Hipir ag laki ni Gilyad. Si Gilyad anak ni Makir, ag si Makir anak ni Manasis. Si Silupihad unman may manga anak lalaki, nu unman manga babayi lang. Sida ni Mala, Nuwa, Hugla, Milka, ag Tirsa.

Talaghusay 6:11

Bag-u rinmas-ug ti anghil Panginuun sa Upra. Tinmukaw siya ati sa sirung kayu insina ni Huas kay lahi ni Abisir. Si Gidyun kay anak ni Huas ati katpung maggiuk tirigu sa may pirigsan ubas hampay balaw makitan manga Midyanita ti tirigu.

Talaghusay 8:2

Dapat magkun si Gidyun sa kanda, “Ti nabwat niku diit lang gid nu ipaparihu sa nabwat niyu. Una ti diit pag binwat niyu higit waya nu ipaparihu sa tanan binwat nimi magtal-anakan.