Huswi 16:10 - Hanunuu

¹⁰ Unman nida pinalayas ti manga Kananiyu mag-uli sa Gisir; nakan may manga Kananiyu mag-uli kaibahan sa manga taga Ipraim tugka kainda, nakan binwat sida manga panawuhun.

Huswi 16:10 Iomraidhean Croise

1 Hari 9:15

Inda ti tultulanun tungkul sa pagpatipun ni Hari Sulumun sa manga tawu niya pinilit ipinatarabahu sa pagpatindug Balay Diyus Panginuun hanggan kay sadili balay hari, sa pagtambak sa ababa pag bahagi banwa, hampay tumibay ti alad batu Hirusalim, hanggan sa pagpatindug maan sa manga banwa Hasur, Migidu, ag Gisir.

1 Hari 9:16

(Inda pag Gisir ginira ag inagaw hari Ihiptu. Sinunug niya inda ag pinanmatay inda kay manga nasakupan Kananiyu. Ipinakaun niya inda pag banwa sa kay anak babayi bilang paalu sa kay kasal sa kan Sulumun.

Huswi 10:33

Mintaras paggirahun ti Lakis, si Huram, ti hari Gisir, hanggan kay manga sundalu nangawat sa Lakis, dapat tinalu diman ni Huswi sida, ag unman gid may nasawad buhi sa kanda.

Huswi 15:63

Dapat unman magkapaalis lahi Huda ti manga Hibusiyu mag-uli sa Hirusalim. Nakan tugka kainda ati di sida mag-uli kaibahan ti nasakupan Huda.

Huswi 16:9

Kaibahan sitay ti iba ka manga banwa ag manga baryu sakup daga manga lahi ni Manasis.

Huswi 17:12

Dapat inda pag manga banwa unman naapu manga lahi ni Manasis, dahil unman nida napaighit ti manga Kananiyu ati.

Huswi 17:13

Dapat pagka marig-un yi ti manga Israilita, binwat nida panawuhun ti manga Kananiyu, dapat unman nida sida pinaighit.

Talaghusay 1:29

Unman diman pinalayas lahi ni Ipraim ti manga mag-ulian sa Gisir. Nakan inda pag manga Kananiyu parargu mag-ulian kaibahan nida.