Huswi 15:7 - Hanunuu

⁷ Ati ginan, atabug inda sa Karatagan Akur tugka sa Dibir, ag linmiku sa kanaway atabug sa Gilgal masranguhan sa Tukadun Adunim sa salatan baliwa luung. Ag aput inda sa manga bulbugan In Simis ag paluwas sa In Rugil.

Huswi 15:7 Iomraidhean Croise

2 Samwil 17:17

Ati katpung, mag-alagad sida ni Hunatan kay anak ni Abyatar ag ni Ahimaas kay anak ni Saduk ati sa In Rugil, dahil dayu sida makitan pasulud-paluwas sa Hirusalim. Pag-ipaati lang nida ti usa ka suruguun babayi hampay sabihun sa kanda ti magpangyari, bag-u pagsabihun nida tunda sa kan Dabid.

1 Hari 1:9

Pagka sa usa ka sirang, nag-atag si Aduniyas sa Batu Suhilit arani sa In Rugil, bag-u naghandug siya ati manga karanidu, manga baka, hanggan pinatabul ibun baka. Binan-awan niya ti harus tanan niya patar-ari lalaki manga anak ni Dabid, bag-u harus ti tanan takinan sa Huda.

Isayas 65:10

Papaladan niku sida ti manga magpakarani sa kangku. Ti manga karatagan Sarun hanggan Akur buwatun paraharaban nida manga hayup.

Huswi 10:43

Pagkatapus nuli si Huswi hanggan ti manga Israilita sa kanda kampu sa Gilgal.

Huswi 15:15

Siyun ginan rargu ginira nida ti Dibir (pag-ingarnan Kiryat Sipir kaybi).

Huswi 15:6

patukad sa Bit Hugla, ag atabug sa kanaway Bit Araba patukad sa Batu ni Buhan anak ni Rubin.

Huswi 18:17

Linmiku inda tag sa salatan atabug sa In Simis tugka sa Gililut maatubangan sa Dalan Patukad sa Adumim. Bag-u palus-ug inda sa Batu ni Buhan anak ni Rubin

Huswi 4:19

Ti pagdipay manga Israilita sa Sapa Hurdan nangyari katpung ikasampulu pag sirang sa un-an pag bulan. Bag-u nankampu sida sa Gilgal, sa butlakan baliwa Hiriku.

Huswi 7:24

Bag-u dinara ni Huswi ag tanan Israilita si Akan sa Karatagan Akur, hanggan ti pilak, ti rutay, ti usa ka barita gintu, kay manga anak, kay manga baka, manga asnu, manga karanidu, turda, ag ti tanan niya kasiyunan.

Huswi 7:26

Bag-u tinakbunan nida si Akan manga batu. Asan di inda pag manga batu tugka kainda. Ag ati pag rugar pag-ingarnan Karatagan Akur tugka kainda. Bag-u nadura ti pangagalit Panginuun.