Huswi 13:9 - Hanunuu

⁹ Kanda daga ginan sa Aruwir sa arani Luung Arnun (kaibahan yi ti banwa sa arani luung) atabug sa buu ratag sa babaw bantud ginan sa Midiba tugka sa Dibun.

Huswi 13:9 Iomraidhean Croise

2 Samwil 24:5

Nagdipay sida sa Sapa Hurdan ag nag-umpisa nagsinsus sa Aruwir, sa kanaway banwa ati sa may tagudtud. Siyun ginan nagparargu sida sa Gad tugka sa Hasir.

1 Krunika 19:7

Ti kayamuun manga kalisa ag manga manugkalisa 32,000. Kinmuyug diman sa kanda ti hari Maaka ag kay manga sundalu. Nagkampu inda pag manga gurupu arani sa Midiba. Linmuwang waydi ti manga Amunita sa kanda manga banwa ag nag-alistu sa paglaban.

Nihimyas 11:25

Kay iba pag manga nasakupan Huda nangulian sa manga banwa arani sa kanda manga daga. Kay iba sa kanda nangulian sa Kiryat Arba, sa Dibun, sa Hikabsiil, hanggan sa manga baryu sa sangput inda pag manga banwa.

Isayas 15:2

Tinmukad ti manga taga Dibun sa kanda Balay Diyus hanggan sa kanda manga simbahan sa abwat pag rugar hampay manlumi. Paglumian manga taga Muab ti Nibu hanggan ti Midiba. Ti kada usa sa kanda napakidkid kay buhuk ag napauguy kay bungut.

Hirimyas 48:18

“Kamu pag manga taga Dibun, pagpakumbaba kamu ag pagtukaw sa daga dahil ti nagwayak sa Muab man-gira diman sa kanyu ag gubaun nida kanyu manga banwa magkasangput manga alad batu.

Hirimyas 48:22

Dibun, Nibu, Bit Diblataim,

Hirimyas 48:8

“Rumas-ug ti manugruris sa kada banwa ag unman may banwa makaribri. Magkarawayak ti manga banwa sa karatagan hanggan sa ratag sa babaw bantud. Mangyari gid inda dahil sinabi ngapu Panginuun.

Bilang 21:30

Dapat kainda, naruris yi ti manga Amuriyu. Nagkaradaut yi ti banwa Hisbun, hanggan ti Dibun, Nupa, ag Midiba.”

Diyuturunumiyu 2:36

“Inawatan kita Panginuun nita Diyus sa kanta nag-agaw Aruwir sa saruy Luung Arnun hanggan sa manga sangput luung pag banwa, hanggan manga rugar tugka sa Gilyad. Unman may banwa mapag-un kay manga alad batu ti unman nita nakaya naslud.

Diyuturunumiyu 3:12

“Pagka nasakup nita inda pag daga, ipinakaun niku sa manga lahi nida ni Rubin ni Gad ti daga sa kanaway Aruwir arani sa Luung Arnun kaibahan yi ti katunga kabantudan Gilyad hanggan kay manga banwa inda.

Diyuturunumiyu 3:16

Ipinakaun niku sa manga lahi nida ni Rubin ni Gad ti manga daga ginan sa Gilyad tugka sa Luung Arnun. Ti karaw-an Arnun kanda tab-anan sa salatan baliwa bag-u kanda tab-anan sa kanaway ti Luung Habuk, ti tab-anan diman daga manga Amunita.

Huswi 13:10

Inmaput waya gid inda sa tanan banwa pagpamahalaan ni Sihun usa ka Amuriyu maghari sa Hisbun, tugka sa katugkaan manga Amunita.

Huswi 13:16

Ginan sa Aruwir sa arani Luung Arnun (kaibahan yi ti banwa sa arani luung) tugka sa lawud Midiba.

Huswi 13:8

Ti lahi ni Rubin, ag ni Gad hanggan ti katunga lahi ni Manasis pinakan-an yi ni Muysis kahuray sa butlakan Hurdan.