Huswi 13:8 - Hanunuu

⁸ Ti lahi ni Rubin, ag ni Gad hanggan ti katunga lahi ni Manasis pinakan-an yi ni Muysis kahuray sa butlakan Hurdan.

Huswi 13:8 Iomraidhean Croise

Bilang 32:19

Dapat balaw kami mangapu daga maranahun kaibahan nida sa dipay Hurdan. Dahil ti daga sitay sa butlakan baliwa Hurdan imaw ti kanmi manahun.”

Diyuturunumiyu 3:8

“Nakan naaghas nita ginan sa duwa ka hari manga Amuriyu ti daga sa butlakan baliwa Sapa Hurdan ginan sa Luung Arnun tugka sa Bantud Hirmun.

Huswi 12:1

Sinakup yi manga Israilita ti manga daga sa butlakan Hurdan, ginan sa Luung Arnun tugka sa Bantud Hirmun, kaibahan yi siyun ti daga sa butlakan Karatagan Hurdan. Inda ti manga hari sa tunda pag manga rugar ti tinalu manga Israilita: Si Sihun usa ka Amuriyu mag-uli sa Hisbun. Sakup niya kaharian ti katunga Gilyad. Ginan sa Aruwir sa arani Luung Arnun, ag siyun ginan sa karaw-an tugka sa Luung Habuk, ti katugkaan manga Amuriyu.

Huswi 12:6

Si Muysis ti manugsirbi Panginuun hanggan ti manga Israilita nagtalu sa tunda pag duwa ka hari. Ipinakaun ni Muysis kanda daga sa lahi ni Rubin, ni Gad, ag sa katunga lahi ni Manasis bilang kanda maranahun.

Huswi 13:7

Hurayun nimu inda pag manga daga sa siyam ka lahi ag sa katunga lahi ni Manasis.”

Huswi 13:9

Kanda daga ginan sa Aruwir sa arani Luung Arnun (kaibahan yi ti banwa sa arani luung) atabug sa buu ratag sa babaw bantud ginan sa Midiba tugka sa Dibun.

Huswi 22:4

Ag taynguna, natanggap yi niyu kaparihu manga Israilita ti kaariwayahan itinaratu Panginuun niyu Diyus sa kanda. Nakan pag-uli yi kamu sa kanyu manga rugar sa dipay Sapa Hurdan, sa daga ipinakaun sa kanyu ni Muysis suruguun Panginuun.

Huswi 4:12

Nagdipay diman ag inmuna sa manga tawu ti manga lalaki armadu ginan sa lahi ni Rubin, ni Gad, ag katunga lahi ni Manasis, angay sa isinugu ni Muysis sa kanda.

1 Samwil 13:7

Ti manga iba nagdipay ngapu sa sapa Hurdan, nag-atag sa daga Gad ag Gilyad. Dapat si Saul ati di sa Gilgal. Kay manga kaibahan niya manga sundalu dinurnan diman dala.