Huswi 13:3 - Hanunuu

³ sakup manga Kananiyu. Inda ginan sa sapa Sihur sa butlakan Ihiptu tugka sa kanaway Ikrun sa amihan, hanggan ti lima ka banwa manga Pilistiyu: ti Gasa, ti Asdud, ti Askalun, ti Gat ag ti Ikrun, bag-u ti manga daga manga Habiyu

Huswi 13:3 Iomraidhean Croise

Gimpuunan 10:6

Kay manga anak lalaki ni Kam sida ni Kus, ni Misraim, ni Put ag ni Kanaan.

Gimpuunan 15:18

Sa tunda diman pag sirang, nagbuwat kasunduan ti Panginuun sa kan Abram. Magkun siya, “Ipakaun niku sa kanmu manga linahi inda pag daga ginan sa may sapa katugkaan Ihiptu tugka sa may daka sapa Iyupratis.

1 Hari 8:65

Nagdaus Pista Pagpatindug manga Payag si Sulumun hanggan ti tanan Israilita. Mayamu gid pag manga nasakupan ti nagtipun ginan sa Libu Hamat sa amihanan tugka sa luung Ihiptu sa abagatnan. Nagdaus sida sa atubangan Panginuun nida Diyus sa sulud 14 ka sirang — pitu ka sirang para sa pagtalaga Balay Diyus ag pitu waydi ka sirang para sa Pista Pagpatindug manga Payag.

1 Krunika 13:5

Nakan tinipun ni Dabid ti tanan Israilita, ginan sa Sapa Sihur sa Ihiptu tugka sa Libu Hamat, sa pagbuul sa Kaban Diyus sa Kiryat Harim.

Isayas 23:3

sa kadagatan para bumili ag magpabili manga ani sa Sihur, kay kabaliw sapa Nilu. Ag magnigusyu sa kanyu ti manga nasyun.

Hirimyas 2:18

Taynguna, hintay ti nab-ul niyu sa kanyu nagpakarani sa Ihiptu hanggan sa Asirya? Hayga kamu nag-atag sa Sapa Nilu ag Sapa Iyupratis?

Diyuturunumiyu 2:23

Katunda diman ti nangyari igu dinugma taga Kaptur ti manga Abim mag-ulian sa manga baryu Gasa. Rinuris nida ti manga taga Abim bag-u inulianan nida tunda pag daga.

Huswi 13:13

Dapat unman natabug manga Israilita ti manga Gisuriyu ag manga Maakiyu, nakan mag-ulian sida kaibahan ti manga Israilita kainda tugka.

Talaghusay 16:5

Taynguna, inatihan manga takinan manga Pilistiyu si Dilayla ag sinabihan, “Pakihampangi nimu siya kuntay sabihan niya sa kanmu kay lihim nu hayga masyadu siya mabaskug ag nu kabitay siya matalu, hampay gapusun ag bihagun nimi siya. Nu mabuwat nimu inda, ti kada usa sa kanmi mamakaun sa kanmu 1,100 bilug pilak.”

Talaghusay 3:3

Inda ti manga nasakupan isinawad Panginuun: ti manga mag-ulian sa lima ka banwa manga Pilistiyu, ti tanan Kananiyu, ti manga Siduniyu, ag ti manga Hibiyu mag-uli sa manga bantud Libanun, ginan sa Bantud Baal Hirmun tugka sa Libu Hamat.

1 Samwil 5:1

Pagka naagaw manga Pilistiyu ti Kaban Diyus, dinara nida inda ginan sa Ibinisir atabug sa Asdud.

1 Samwil 5:10

Nakan kanda maan ipinadara ti Kaban Diyus atabug sa Ikrun. Sa pagras-ug di waya Kaban Diyus sa Ikrun, nagriklamu gid ti manga taga Ikrun. Magkun sida, “Dinara nida ti Kaban Diyus Israil hampay kita tanan tabuhun diman matyun.”

1 Samwil 5:8

Nakan nagpasugu sida hampay tawagun ti tanan takinan manga Pilistiyu ag pinaingana, “Hintay kanta buwatun tungkul sa Kaban Diyus Israil?” Nagsagut ti manga takinan, “Daraha atabug sa Gat.” Nakan kanda ngani dinara ti Kaban Diyus Israil atabug sa Gat.

1 Samwil 6:4

Nagpaingana ti manga Pilistiyu, “Unu kanmi ipadara bilang handug bayad sa kasalanan?” Sinmagut ti manga manughandug hanggan manugsalumangka, “Pagbuwat kamu lima ka gintu kay histuda ga manga bukul ag lima ka gintu histuda angbu, inda angay sa kayamuun manga takinan nita, dahil rinmas-ug sa kanta hanggan sa manga takinan nita ti sarut manga bukul hanggan angbu imaw ti naminsala sa kanta daga. Ihandug niyu inda bilang pagdayaw sa Diyus Israil, barang ngani kay apasan ti pagpakuri sa kanta, sa manga diyus nita, hanggan sa kanta daga.