Huswi 12:1 - Hanunuu

^1-2 Sinakup yi manga Israilita ti manga daga sa butlakan Hurdan, ginan sa Luung Arnun tugka sa Bantud Hirmun, kaibahan yi siyun ti daga sa butlakan Karatagan Hurdan. Inda ti manga hari sa tunda pag manga rugar ti tinalu manga Israilita: Si Sihun usa ka Amuriyu mag-uli sa Hisbun. Sakup niya kaharian ti katunga Gilyad. Ginan sa Aruwir sa arani Luung Arnun, ag siyun ginan sa karaw-an tugka sa Luung Habuk, ti katugkaan manga Amuriyu.

Huswi 12:1 Iomraidhean Croise

1 Hari 4:19

Si Gibir anak ni Uri, ti manugpanguna sa Gilyad, sakup kaybi ni Sihun hari manga Amuriyu ag ni Ug hari Basan. Si Gibir lang ti gubirnadur sa inda pag buu daga.

Kanta 133:3

Ngatay parihu inda sa tun-ug sa bantud Hirmun nagras-ug sa manga bantud Siun. Ag sitay sa Siun nagtaratu ti Panginuun mamakaun papalad, imaw ti buhi unman may katapusan.

Kanta 136:21

Ipinakaun niya kanda daga sa kay nasakupan hampay kanda apuun. Kay pagmahal unman may katapusan.

Kanta 89:12

Linalang nimu ti kanaway hanggan ti salatan. Ti Bantud Tabur hanggan ti Bantud Hirmun ga manga tawu magkanta sa kanmu sa kabayaan.

Isayas 16:2

Ti manga babayi taga Muab ati sa may diripayan Arnun ga manga manuk pinurisaw sa kanda manga pugad.

Bilang 21:13

Ginan sa Sirid linmakaw maan sida ag nagkampu sa dipay Luung Arnun, ati sa pangawakawaan arani sa daga sakup manga Amuriyu. Ti Arnun tab-anan daga Muab ag daga manga Amuriyu.

Bilang 21:21

Taynguna, nagpadara manga manugpadakit ti Israil tag sa kan Sihun hari manga Amuriyu. Kaindaay kanda ipinadakit:

Bilang 21:24

Dapat pinanmatay sida manga Israilita ag inagaw kanda daga ginan sa Arnun tugka sa Sapa Habuk. Dapat tugka lang ti manga Israilita sa tab-anan daga manga Amunita, dahil kanda tab-anan may mapag-un pag alad batu.

Bilang 32:19

Dapat balaw kami mangapu daga maranahun kaibahan nida sa dipay Hurdan. Dahil ti daga sitay sa butlakan baliwa Hurdan imaw ti kanmi manahun.”

Bilang 32:32

Handa kami sa atubangan Panginuun mandipay sa Hurdan atag sa Kanaan hampay manlaban, dapat kanmi maranahun pag daga inda di baliwa sa butlakan sa arani Hurdan.”

Bilang 32:33

Nakan ipinakaun ni Muysis sa manga lahi ni Gad, ni Rubin, ag sa katunga lahi ni Manasis anak Husi, ti kaharian ni Sihun, hari manga Amuriyu, hanggan ti kaharian ni Ug, hari sa Basan — ti kabuuhan daga hanggan ti manga banwa ag manga rugar sa kay sangput siyun.

Diyuturunumiyu 2:24

“Pagkatapus, magkun ti Panginuun, ‘Kainda, pagdipay yi kamu sa Luung Arnun. Pag-ipakaun niku sa kanyu si Hari Sihun usa ka Amuriyu, taga Hisbun, hanggan kay daga. Giraha niyu siya bag-u apua kay daga.

Diyuturunumiyu 2:32

“Pagka maglaban sa kanta si Sihun hanggan ti tanan niya manga sundalu ati sa Yahas,

Diyuturunumiyu 3:1

“Bag-u nag-ati kita sa Basan dapat pagras-ug nita sa Idri, ginira kita ni Hari Ug taga Basan kaibahan ti tanan niya sundalu.

Diyuturunumiyu 4:44

Ipinakaun ni Muysis sa manga Israilita inda pag manga kasuguan,

Diyuturunumiyu 4:46

habang makampuhan sida sa luung arani sa Bit Piyur sa butlakan Hurdan. Inda pag daga sakup kaybi ni Sihun hari manga Amuriyu, katpung maghari siya sa Hisbun. Siya hanggan kay manga tawuhan natalu ni Muysis hanggan niya manga kaibahan Israilita katpung linmuwas sida ginan sa Ihiptu.

Diyuturunumiyu 4:48

Kanda manga daga sinakup manga Israilita ginan sa may Aruwir baliwa sa abwat pag bahagi Luung Arnun, atabug sa Bantud Siryun pag-ingarnan diman Hirmun,

Huswi 1:15

tugka sa matanggap nida ti kaariwayahan ginan sa Panginuun parihu sa natanggap niyu, ag masakup nida ti daga pag-ipakaun sa kanda Panginuun nita Diyus. Bag-u mahimu yi kamu makabalik sitay sa butlakan baliwa Hurdan, hampay apuun ti daga ipinakaun sa kanyu ni Muysis ti suruguun Panginuun.”

Huswi 11:17

Ti sinakup niya pag rugar ginan sa Bantud Halak patukad sa Siir tugka sa Baal Gad sa Ratag Libanun sa arani Bantud Hirmun. Dinakup niya ag minatay ti manga hari inda pag manga rugar

Huswi 11:3

sa manga hari manga Kananiyu sa butlakan hanggan sa isalpan Sapa Hurdan, sa manga hari manga Amuriyu, Hitiyu, Pirisiyu, Hibusiyu mag-uli sa kabantudan, ag sa manga hari manga Hibiyu mag-uli sa arani Bantud Hirmun sa daga Mispa.

Huswi 13:8

Ti lahi ni Rubin, ag ni Gad hanggan ti katunga lahi ni Manasis pinakan-an yi ni Muysis kahuray sa butlakan Hurdan.

Huswi 22:4

Ag taynguna, natanggap yi niyu kaparihu manga Israilita ti kaariwayahan itinaratu Panginuun niyu Diyus sa kanda. Nakan pag-uli yi kamu sa kanyu manga rugar sa dipay Sapa Hurdan, sa daga ipinakaun sa kanyu ni Muysis suruguun Panginuun.

Talaghusay 11:18

“Pagka sa uryan, nagpadiritsu sida sa kanda paglakaw sa pangawakawaan. Nanlawuy sida sa Idum hanggan Muab tugka sa nakaras-ug sida sa butlakan Muab sa dipay Luung Arnun. Ati sida nangampu, dapat unman sida nandipay sa Arnun dahil katugkaan ati Muab.