Huswi 11:16 - Hanunuu

¹⁶ Nakan sinakup ni Huswi ti buu daga: ti kabantudan, ti tanan daga sa Nigib, ti tanan daga sa Gusin, ti manga tagudtud sa isalpan, ti Karatagan Hurdan, hanggan ti manga kabantudan ag manga tagudtud Israil.

Huswi 11:16 Iomraidhean Croise

Kanta 105:44

Ag ipinakaun niya sa kanda ti daga manga iba nasyun; minana nida ti binudlayan iba.

Kanta 78:55

Pinaighit niya ti manga mag-uli ati pakarayu sa kay nasakupan, ag inayaw-ayaw niya ti daga sa manga linahi Israil hampay kanda apuun, ag ati niya sida ipinatahan.

Isikil 36:8

Dapat kamu, pag manga bantud Israil, may manga kayu tumubu sa kanyu, bag-u bumurak inda para sa kang nasakupan manga Israilita, dahil arani yi sida muli.

Diyuturunumiyu 1:7

nakan ngani pag-ighit yi kamu. Pag-atag kamu sa kabantudan manga Amuriyu hanggan sa manga rugar sa kay kalibut — sa Karatagan Hurdan, sa manga kabantudan, sa tagudtud sa isalpan, sa Nigib hanggan sa manga rugar sa baybay dagat. Pag-atag kamu sa daga Kanaan hanggan sa Libanun, tugka sa daka Sapa Iyupratis.

Huswi 10:40

Nakan nasakup ni Huswi ti buu daga — ti manga kabantudan, ti Nigib, ti manga tagudtud sa isalpan, hanggan sa lawud pag manga kabantudan, kaibahan kanda manga hari. Rinuris nida ti tanan mag-uli ati, ag unman gid may nasawad buhi. Binwat nida inda angay sa sugu Panginuun, ti Diyus Israil.

Huswi 10:41

Sinakup ni Huswi ti manga rugar ginan sa Kadis Barnia tugka sa Gasa, ag ginan sa buu daga Gusin tugka sa Gibyun.

Huswi 11:15

Imaw tunda ti isinugu Panginuun sa kan Muysis kay buwatun, ag isinugu maan ni Muysis sa kan Huswi. Tinupad gid ni Huswi ti tanan isinugu Panginuun sa kan Muysis.

Huswi 11:2

sa manga hari sa kabantudan sa amihanan, sa manga hari sa karatagan Hurdan sa abagatnan Danaw Galiliya, sa manga hari sa manga tagudtud sa isalpan, sa manga hari sa baybay Dur sa isalpan,

Huswi 11:21

Sa tunda diman pag panahun, ginira ni Huswi ti manga lahi ni Anak mag-uli sa kabantudan Hibrun, Dibir, Anab, hanggan sa tanan kabantudan Huda ag Israil. Rinuris ni Huswi sida tanan hanggan kanda manga banwa.

Huswi 9:1

Taynguna, nasaydan tanan hari sa isalpan Hurdan ti pagpanalu manga Israilita. (Inda imaw ti manga hari manga Hitiyu, Amuriyu, Kananiyu, Pirisiyu, Hibiyu, ag manga Hibusiyu.) Mag-uli sida sa manga kabantudan, sa manga tagudtud sa isalpan, ag sa baybay Dagat Miditiranyu tugka sa Libanun.