Huswi 10:6 - Hanunuu

⁶ Nanpadara barita ti manga taga Gibyun sa kan Huswi ati sa kanda kampu sa Gilgal. Magkun sida, “Danga kami pagpabay-ani kanmu manga suruguun. Pag-ataytag kamu kainda ag ribrihan kami. Awati kami dahil pag-arawatanan kami tanan hari Amuriyu mag-uli sa kabantudan.”

Huswi 10:6 Iomraidhean Croise

2 Hari 4:24

Nakan pinaulian niya tukawan ti asnu ag magkun sa kay panawuhun, “Apura! Danga maghari nu unman aku magsabi sa kanmu.”

Kanta 125:2

Kainda ti manga bantud sa sangput Hirusalim mag-alaga sa inda pag banwa, ti Panginuun mag-alaga diman sa kay nasakupan kainda ag hanggan waya aban.

Isayas 33:22

Buwatun inda Panginuun dahil siya kanta talaghusay, manugbuwat batas, ag hari. Siya ti rumibri sa kanta.

Bilang 13:29

Ti manga Amalikita mag-uli sa Nigib; ti manga Hitiyu, manga Hibusiyu, ag manga Amuriyu mag-uli sa manga kabantudan; ag ti manga Kanaanita mag-uli arani sa dagat ag sa saruy Sapa Hurdan.”

Lukas 1:39

Pagka dugay linmakaw si Marya madali kay lakaw tag sa bantud, tag sa usa ka banwa sa daga Huda.

Diyuturunumiyu 1:15

Nakan ipinadumara niku sa kanyu bilang manga manughusay ag manga takinan ti manga tawu madunung hanggan paggalangun ginan sa kanyu lahi. Ti iba managut sa 1,000 tawu, ti iba waydi sa 100, bag-u ti iba sa 50, bag-u ti iba sa 10.

Huswi 10:5

Nakan nagkarausa inda pag lima ka hari Amuriyu: ti hari Hirusalim, Hibrun, Harmut, Lakis, ag Iglun. Tinipun nida kanda manga sundalu ag ginira ti Gibyun.

Huswi 10:7

Nakan linmakaw si Huswi kaibahan ti tanan niya manga sundalu, hanggan ti tanan antigu maggira.

Huswi 21:11

Ipinakaun sa kanda ti Kiryat Arba (imaw ti Hibrun) sa kabantudan Huda, kaibahan yi ti manga paraharaban sa kay sangput. (Si Arba imaw kay ama ni Anak.)

Huswi 5:10

Habang makampuhan di waya ti manga Israilita sa Gilgal, sa karatagan Hiriku, idinaus nida ti Pista Pag-alaala sa Karibrihan. Idinaus nida inda sa yabi ika-14 pag sirang sa un-an pag bulan.

Huswi 9:15

Namwat si Huswi kasunduan sa kanda kuntay balaw nida sida unhun ngatay matyun. Ag nanumpa ti manga takinan manga nasakupan Israil sa tunda pag kasunduan.

Huswi 9:6

Bag-u nag-ati sida sa kan Huswi sa kampu Israil sa Gilgal ag magkun sa kanya hanggan sa manga Israilita, “Nagsitay kami ginan sa arayu pag rugar hampay hagadun sa kanyu pagbuwat kamu kasunduan sa kanmi kuntay balaw niyu unhun kanmi nasakupan.”

Huswi 9:8

Namaawa-awa sida sa kan Huswi, “Alistu duy kami sumirbi sa kanyu.” Nagpaingana sa kanda si Huswi, “Si unu kamu ag taga naan ginan kamu?”