Huswi 10:41 - Hanunuu

⁴¹ Sinakup ni Huswi ti manga rugar ginan sa Kadis Barnia tugka sa Gasa, ag ginan sa buu daga Gusin tugka sa Gibyun.

Huswi 10:41 Iomraidhean Croise

Gimpuunan 10:19

Ti katugkaan nida daga ginan sa Sidun atabug sa Girar tugka sa Gasa, ag abut sa Suduma, Gumura, Adma, Sibuyim ag tugka sa Lasa.

1 Hari 3:5

Igu yabi, napakakit sa kanya ti Panginuun sa panab-anan tagin-up. Magkun ti Diyus sa kanya, “Paghagad kawu una hintay kanmu gustu ipakaun niku sa kanmu.”

Sakaryas 9:5

Makitan inda manga mag-uli sa Askalun ag madala sida. Mamarikutut sa sakit ti manga mag-uli sa Gasa ag katunda diman ti manga mag-uli sa Ikrun dahil madura kanda pagsarigan. Mamatay ti hari Gasa, ag ti Askalun udyi mahimu maulianan.

Bilang 13:26

sa kan Muysis hanggan sa kan Aarun ag nasakupan Israil sa Kadis, ati sa pangawakawaan Paran. Itinultul nida sa buu nasakupan kanda nakitan, ag ipinakakit nida kanda dara manga burak kayu.

Bilang 32:8

Katida diman ti binwat niyu manga ginurang kaybi pagka ipinadara niku sida tag sa Kadis Barnia hampay usisaun tunda pag daga.

Bilang 34:4

Bag-u paliku atabug sa kanaway Patukad sa Akrabim, tugka sa pangawakawaan Sin, ag parargu sa abagatnan Kadis Barnia. Siyun ginan parargu inda sa Hasar Adar tugka sa Asmun,

Binwat 8:26

Bag-u sinabi usa ka anghil Panginuun sa kan Pilipi magkun, “Paghiwat yi duy pag-ati kawu sa salatan baliwa. Nu rumas-ug kawu sa pagsalakan ginan sa Hirusalim tabug sa banwa Gasa, pagsunsun kawu siti pag dalan.” Sa pangawakawaan tunda pag dalan.

Diyuturunumiyu 1:19

“Angay sa pag-isugu Panginuun nita Diyus, nighit kita ginan sa Bantud Sinai, bag-u naglakaw sa maluang ag madala pag pangawakawaan kanyu gid nakitan, bag-u inmatag kita sa kabantudan manga Amuriyu. Pagras-ug nita sa Kadis Barnia,

Diyuturunumiyu 2:23

Katunda diman ti nangyari igu dinugma taga Kaptur ti manga Abim mag-ulian sa manga baryu Gasa. Rinuris nida ti manga taga Abim bag-u inulianan nida tunda pag daga.

Diyuturunumiyu 9:23

“Katpung ipinalakaw kamu Panginuun ginan sa Kadis Barnia, magkun siya sa kanyu, ‘Lakaw yi kamu ag apua yi niyu ti ipinakaun niku pag daga sa kanyu.’ Dapat naglaban kamu; balaw niyu sinunud ti sugu Panginuun niyu Diyus. Unman kamu nagsarig ngatay nagtupad sa kanya.

Huswi 10:12

Katpung sirang pinapanalu Panginuun ti manga Israilita sa manga Amuriyu, nandarangin si Huswi sa Panginuun. Bag-u magkun siya mintaras magpatingi ti manga Israilita, “Init, pagpat-ung kawu sa tungud Gibyun! Bulan, pagpat-ung sa tungud Luung Ayalun.”

Huswi 10:2

Nadala gid siya hanggan kay manga nasakupan dahil alam nida ti Gibyun usa ka makapangyarihan pag banwa may sadili hari. Ag mas daka waya inda sa Hay ag kay manga sundalu antigu sa labanan.

Huswi 11:16

Nakan sinakup ni Huswi ti buu daga: ti kabantudan, ti tanan daga sa Nigib, ti tanan daga sa Gusin, ti manga tagudtud sa isalpan, ti Karatagan Hurdan, hanggan ti manga kabantudan ag manga tagudtud Israil.

Huswi 11:22

Udyi may manga lahi si Anak nasawad sa sakup manga Israilita, dapat may nasawad waya sa kanda sa Gasa, sa Gat, ag sa Asdud.

Huswi 15:51

Gusin, Hulun, ag Gilu — 11 ka banwa tanan, kaibahan ti manga baryu sa kay sangput.

Talaghusay 16:1

Usa ka sirang, nag-atag si Samsun sa Gasa usa ka banwa Pilistiyu. May nakitan siya ati usa ka babayi baraydan, ag nangulid siya sa tunda pag babayi.

Talaghusay 16:21

Dinakup siya manga Pilistiyu ag linuwat kay manga mata. Bag-u dinara nida siya sa Gasa ag tinarikadahan galang. Pinatarabahu nida siya sa sulud pirisuhan bilang manuggaling tirigu.

1 Samwil 6:17

Ti lima ka histuda gintu pag bukul ginan sa lima ka banwa manga Pilistiyu: Asdud, Gasa, Askalun, Gat ag Ikrun. Ipinadara nida inda para sa Panginuun bilang handug bayad sa kasalanan,