Huswi 10:4 - Hanunuu

⁴ Inda kay pagsabihun: “Awati niyu aku sa paggira sa Gibyun dahil nagbuwat sida kasunduan sa kan Huswi ag sa manga Israilita.”

Huswi 10:4 Iomraidhean Croise

Matiyu 16:24

Bag-u sinabi ni Hisus sa kay manga tuludluan, “Nu may tawu magkaibug magkuyug sa kangku, paglimti niya ti angay sa kay sadili, pas-ana kay kurus bag-u pagkuyug sa kangku.

Huwan 15:19

Nu abi kamu manga taga kalibutan, pagmahalun mana kamu manga taga kalibutan dahil minsan kamu sa kanda. Dapat ay kamu kang yi pinili ipinablag ginan sa kalibutan, nakan kamu pagkagalitan manga taga kalibutan dahil udyi kamu minsan sa kanda.

Binwat 21:28

Namagrit sida magkun, “Kamu duy pag manga Israilita, awati niyu kami. Inda yi ngani pag tawu tigtudlu sa tanan manga tawu una naan pag rugar laban sa nasyun Israil, laban sa Kasuguan ni Muysis ag laban diman sa inda pag Balay Diyus. Tuhay waya siti, nagtaban waya siya manga balaw Hudiyu atag sa sulud Balay Diyus. Nilapastangan niya inda ti banal pag rugar.”

2 Timutiyu 3:12

Ti tanan manga may gustu mangugali sakup sa Diyus ag magpakiusa sa kan Kiristu Hisus, pihu makalakaw pag-unuunu.

Santiyagu 4:4

Unman duy kamu makatiwalaan. Unman aw waya niyu alam nu kanyu pagmahalun ti ugali kalibutan, kamu kalaban yi ngap Diyus. Nakan una hintay ti may gustu magmahal sa ugali kalibutan, kalaban yi ngap siya Diyus.

Huswi 10:1

Nabaritaan ni Aduni Sidik, hari sa Hirusalim, kuntay inagaw ni Huswi ti Hay ag pinadamhak niya inda lubus, minatay kay hari parihu sa binwat niya sa Hiriku hanggan sa kay hari. Nabaritaan diman niya ti manga taga Gibyun nagbuwat kasunduan sa manga Israilita ag nangulian kaibahan nida.

Huswi 10:5

Nakan nagkarausa inda pag lima ka hari Amuriyu: ti hari Hirusalim, Hibrun, Harmut, Lakis, ag Iglun. Tinipun nida kanda manga sundalu ag ginira ti Gibyun.

Huswi 9:15

Namwat si Huswi kasunduan sa kanda kuntay balaw nida sida unhun ngatay matyun. Ag nanumpa ti manga takinan manga nasakupan Israil sa tunda pag kasunduan.

1 Pidru 4:4

Maglingut ngani sida nu hayga nguna udyi kamu magpaminsan taynguna sa unman may kabuluhan pag manga ugali nida. Nakan pagkadat-an nida kamu.

Ipinakakit 16:14

Tunda pag manga labang magbuwat manga makadululaw. Pagpalibutan nida ti tanan manga hari sa bilug kalibutan hampay kanda tipunun tabug sa gira ati katpung aban nu kaudasan yi Diyus makamaskihan sa tanan. Tunda katpung aban pag kaudasan daka gid kay kabantugan.