Huswi 1:7 - Hanunuu

⁷ Basta pagpakarig-un lang kawu hanggan pagmatutum gid kanmu naisipan. Sunda gid nimu kaayad ti tanan kasuguan ipinakaun sa kanmu ni Muysis kang suruguun. Danga gid nimu inda pagkalimti, hampay marapanalu kawu sa tanan nimu pagbuwatun.

Huswi 1:7 Iomraidhean Croise

1 Hari 2:2

“Arani yi aku mamatay. Nakan pagpakarig-un kawu ag pagpakabaskug,

1 Hari 2:3

ag tupada ti manga pag-isugu Panginuun kanmu Diyus. Pagsunud kawu sa kay manga paanyu, ag tupada kay manga surundanun hanggan manga sugu nakasurat sa Kasuguan ni Muysis, hampay manalu kawu sa tanan nimu buwatun, una naan tabug kawu.

2 Hari 22:2

Mayad kay binuwat sa magbantay Panginuun ag nagsunud siya sa pag-ugaliun niya ginurang ni Dabid. Sinunud gid niya ti mayad.

1 Krunika 22:13

Ag nu matupad nimu mayad ti manga sugu ag manga surundanun, ipinakaun niya sa Israil sa panab-anan ni Muysis, bumaliw marapanalu kawu. Nakan pagpakabisug kawu ag pagpakarig-un. Danga kawu magkadala ngatay maglubay.

2 Krunika 15:7

Dapat kamu waydi, pagpakarig-un kamu, danga magpanlumuy, dahil kanyu manga binwat pirimyuhan.”

2 Krunika 26:5

Nagdangup siya sa Diyus sa panahun ni Sakaryas, imaw ti nagtudlu sa kanya sa paggalang sa Diyus. Habang parargu kay magdangup sa Panginuun, pagpaalwanun siya Diyus.

Hub 1:8

Magkun sa kanya ti Panginuun, “Nakitan aw nimu si Hub kang suruguun? Unman siya may kaparihu sa buu kalibutan. Matadlung siya, ag unman may ikasabi kay pangabuhi. Maginalangun siya sa kangku ag maaman sa magbuwat daut.”

Kanta 80:19

Panginuun Diyus Makamaskihan, balikan sa kanmi ti mayad pag kahamtangan nimi! Pakakitan sa kanmi kanmu kaayadan hampay maribri kami.

Kabagawan 4:27

Pagpangabuhi kawu matadlung; amani ti pagbuwat daut.

Kabagawan 8:20

Pagsundun niku ti kang-ud hanggan matadlung.

Danyil 10:19

Magkun siya sa kangku, “Kawu pagmahalun Diyus, danga kawu magkadala ngatay magkaarimputu. Pagpakabisug ag pagpakarig-un kawu.” Pagka nasabi niya tunda sa kangku, binmaskug maan aku. Magkun aku sa kanya, “Pararguhan duy kanmu pagbagawun, dahil pinabisug yi nimu aku.”

Bilang 27:23

Angay sa isinugu Panginuun sa kanya, ikinupa niya kay kamang sa kan Huswi ag ibinarita si Huswi yi ti mangublus sa kanya.

Diyuturunumiyu 11:8

“Nakan sunda niyu ti tanan sugu kang pag-ipakaun sa kanyu taynguna hampay may kabisugan kamu sa pagpanlakawun hanggan sa pag-apu daga ati sa baliw dipay Hurdan.

Diyuturunumiyu 12:32

“Sunda gid niyu ti tanan pag-isugu niku sa kanyu. Danga niyu inda pagdugangi ngatay pagbuhini.

Diyuturunumiyu 28:14

Nakan danga niyu paglabaga ti una hintay sa kang pag-isugu sa kanyu taynguna pag sirang, ag danga kamu magsunud sa iba pag manga diyus hanggan magsirbi sa kanda.

Diyuturunumiyu 29:8

Inagaw nita kanda daga ag ipinakaun inda sa manga lahi ni Rubin, ni Gad, ag sa katunga pag lahi ni Manasis bilang kanda mana.

Diyuturunumiyu 29:9

“Nakan sunda niyu kaayad ti manga pag-isugu sa inda pag kasunduan, hampay abunda kamu sa tanan niyu pagbuwatun.

Diyuturunumiyu 31:7

Bag-u tinawagan ni Muysis si Huswi ag sinabihan sa atubangan tanan Israilita, “Pagpakarig-un kawu ag pag matutum, dahil kawu ti pumangulu sa inda pag manga tawu atabug sa daga itinaratu Panginuun iayaw sa kanda ginurang. Kailangan hurayun nimu inda sa kanda bilang mana nida.

Diyuturunumiyu 4:2

Danga niyu pagdugangi ngatay pabawasi ti pag-ipakaun niku pag manga sugu sa kanyu ginan sa Panginuun niyu Diyus. Kailangan niyu inda tupadun.

Diyuturunumiyu 5:32

“Nakan sunda gid niyu kaayad ti pag-isugu Panginuun niyu Diyus sa kanyu. Danga niyu paglabaga una di usa sa kay manga sugu.

Huswi 1:1

Pagka namatay yi si Muysis kay suruguun Panginuun, magsabi ti Panginuun sa kaawat ni Muysis, sa kan Huswi anak ni Nun,

Huswi 1:8

Danga gid pagkalimti basahun ti ribru Kasuguan. Isip-isipa nimu inda sirang yabi, hampay maalaman nimu nu kabitay matupad nimu ti tanan nakasurat asan. Sa panab-anan inda bumaliw abunda kanmu kahamtangan ag marapanalu kawu.

Huswi 1:9

Alalahana nimu inda kang manga bilin sa kanmu: ‘Pagpakarig-un kawu hanggan pagkatutum. Danga kawu magkadala ngatay maglumuy, dahil aku, ti Panginuun kanmu Diyus, kaibahan nimu una naan tag kawu.’ ”

Huswi 11:15

Imaw tunda ti isinugu Panginuun sa kan Muysis kay buwatun, ag isinugu maan ni Muysis sa kan Huswi. Tinupad gid ni Huswi ti tanan isinugu Panginuun sa kan Muysis.

Huswi 23:6

“Pagpakarig-un kamu, ag siguraduha gid niyu tupadun ti tanan nakasurat sa Ribru Kasuguan ni Muysis. Danga gid niyu inda pagdayua.