Huswi 1:6 - Hanunuu

⁶ Pagpakarig-un ag pagmatutum kawu, dahil kawu ti pumanguna sa inda pag nasakupan sa pagsakup sa daga kang itinaratu ipakaun sa kanda manga ginurang.

Huswi 1:6 Iomraidhean Croise

Gimpuunan 12:7

Bag-u napakakit ti Panginuun sa kan Abram ag magkun, “Inda pag daga ipakaun niku sa kanmu manga linahi.” Nakan nagbuwat harandugan si Abram para sa Panginuun imaw ti napakakit sa kanya.

Gimpuunan 26:3

Sitay lang dap kawu pag tahan dahil giyahan niku kawu ag papaladan. Ipakaun niku sa kanmu hanggan sa kanmu manga linahi inda tanan pag daga. Tupadun niku kang taratu sa kanmu ama, sa kan Abraham.

2 Samwil 10:12

Pagpakatatag kamu! Manlaban kita sa buu nita kabisugan para sa kanta manga nasakupan hanggan sa manga banwa nita Diyus. Buwatun Panginuun nu hintay ti mayad sa kanya.”

1 Hari 2:2

“Arani yi aku mamatay. Nakan pagpakarig-un kawu ag pagpakabaskug,

1 Krunika 22:13

Ag nu matupad nimu mayad ti manga sugu ag manga surundanun, ipinakaun niya sa Israil sa panab-anan ni Muysis, bumaliw marapanalu kawu. Nakan pagpakabisug kawu ag pagpakarig-un. Danga kawu magkadala ngatay maglubay.

1 Krunika 28:10

Nakan isipa inda kaayad. Pinili kawu Panginuun sa pagpatindug Balay Diyus para ati siya dayawun. Pagpakarig-un kawu, ag buwata inda pag buruwatun.”

1 Krunika 28:20

Magkun waydi si Dabid sa kay anak si Sulumun, “Pagpakarig-un kawu ag pagpakabaskug. Umpisahi yi ti pagbuwat. Danga kawu magkadala ngatay maglubay, dahil ti Panginuun Diyus, kang Diyus, kaibahan nimu. Unman kawu niya tayakan ngatay pabay-anan tugka matapus ti tanan pag buwat para sa Balay Diyus Panginuun.

2 Krunika 15:7

Dapat kamu waydi, pagpakarig-un kamu, danga magpanlumuy, dahil kanyu manga binwat pirimyuhan.”

2 Krunika 20:11

Dapat taynguna, bantayi nimu ti pag-ibalus nida sa kanmi. Pag girahun nida kami hampay palayasun kami sa daga nimu ipinakaun sa kanmi bilang maranahun.

2 Krunika 20:7

Diyus nimi, bukun aw tinabug nimu ti manga mag-uli sa inda pag daga sa panab-anan nimu manga nasakupan Israilita? Ag bukun aw ipinakaun nimu inda sa kanda, manga linahi ni Abraham kanmu kakilala, hampay bumaliw kanda tugka aban?

Kanta 27:14

Pagsarig kamu sa Panginuun! Pagpakarig-un kamu, danga magkabul-an pag-asa. Pagsarig lang kamu sa Panginuun!

Danyil 10:19

Magkun siya sa kangku, “Kawu pagmahalun Diyus, danga kawu magkadala ngatay magkaarimputu. Pagpakabisug ag pagpakarig-un kawu.” Pagka nasabi niya tunda sa kangku, binmaskug maan aku. Magkun aku sa kanya, “Pararguhan duy kanmu pagbagawun, dahil pinabisug yi nimu aku.”

Hagay 2:4

Dapat pag matutum kamu! Iparargu niyu ti pagbuwat sa Balay Diyus dahil kaibahan niyu aku, ti Panginuun Makamaskihan.

Sakaryas 8:9

Magkun waya gid ti Panginuun Makamaskihan, “Inda pag tultulanun sinabi diman manga purupita katpung ipinatindug uman ti patakinan Balay Diyus niku. Ag taynguna nadnugan yi maan niyu inda, pagpakarig-un kamu hampay matapus niyu ti pagpatindug sa Balay Diyus.

Bilang 26:53

“Huraya nimu sa kanda ti daga bilang kanda mana angay sa kayamuun kada lahi.

Bilang 33:53

Sakupa niyu tunda pag daga bag-u ati yi kamu pag-uli, dahil pag-ipakaun yi niku tunda sa kanyu.

1 Kurintu 16:13

Pagdahan kamu, pagpakarig-un kamu sa kanyu pagsarig, pagmatutum kanyu naisipan, kamu pagmabisug.

Ipisu 6:10

Inda wadi kang bilin sa kanyu, pagpakarig-un kamu dahil sa kanyu pakiusa sa Panginuun ag dahil sa awat niya daka pag kamaskihan.

Diyuturunumiyu 1:21

Bantayi niyu ti inayaw niya pag daga sa kanyu! Apuun niyu inda angay sa sinabi Panginuun, ti Diyus niyu manga ginurang. Danga kamu magkadala ngatay magpanlumuy.’

Diyuturunumiyu 1:8

Bantayi niyu! Pag-iayaw niku inda pag daga sa kanyu. Paglakaw yi kamu bag-u apua yi tunda pag daga ti itinaratu niku sa kanyu manga ginurang, sa kanda ni Abraham, ni Isaak, hanggan ni Hakub, tugka waya sa kanda manga sinulput.’ ”

Diyuturunumiyu 11:8

“Nakan sunda niyu ti tanan sugu kang pag-ipakaun sa kanyu taynguna hampay may kabisugan kamu sa pagpanlakawun hanggan sa pag-apu daga ati sa baliw dipay Hurdan.

Diyuturunumiyu 31:23

Binilinan Panginuun si Huswi kay anak ni Nun: “Pagpakarig-un kawu ag pagmatutum, dahil kawu ti mandumara sa manga Israilita atabug sa daga kang itinaratu iayaw sa kanda, ag ibahan niku kawu.”

2 Timutiyu 2:1

Timutiyu, kang pinagkaanak, pagpakarig-un kawu sa kaayadan kay pag-ipakaun ni Kiristu Hisus dahil sa kanmu pakiusa sa kanya.

Huswi 1:18

Matyun una si unu ti balaw sumunud sa kanmu hanggan ti lumabag sa kanmu manga sugu. Pagpakarig-un ag pagmatutum lang duy kawu!”

Huswi 1:7

Basta pagpakarig-un lang kawu hanggan pagmatutum gid kanmu naisipan. Sunda gid nimu kaayad ti tanan kasuguan ipinakaun sa kanmu ni Muysis kang suruguun. Danga gid nimu inda pagkalimti, hampay marapanalu kawu sa tanan nimu pagbuwatun.

Huswi 1:9

Alalahana nimu inda kang manga bilin sa kanmu: ‘Pagpakarig-un kawu hanggan pagkatutum. Danga kawu magkadala ngatay maglumuy, dahil aku, ti Panginuun kanmu Diyus, kaibahan nimu una naan tag kawu.’ ”

Huswi 10:25

Magkun si Huswi sa kanda, “Danga kamu magkadala ngatay magpanlumuy. Pagpakarig-un kamu ag pagpakatutum. Katida ngani ti buwatun Panginuun sa tanan niyu manga kalaban.”

Huswi 13:6

ag hanggan diman ti manga kabantudan ginan sa Libanun tugka sa Misriput Mayim, ti magkaapu manga Siduniyu. “Sa kanyu maggira, aku gid ngap ti tumabug sa manga mag-uli sa inda pag manga daga. Pihua nimu maayaw-ayaw inda pag manga daga sa manga Israilita bilang kanda maranahun, angay sa isinugu niku sa kanmu.

Huswi 18:3

Nakan magkun si Huswi sa manga Israilita, “Kapira waya lugud niyu sakupun ti nasawad pag daga ipinakaun sa kanyu Panginuun, ti Diyus niyu manga ginurang?

Huswi 21:43

Nakan ipinakaun Panginuun sa Israil ti tanan daga kay itinaratu sa kanda manga ginurang. Pagka nasakup yi nida inda, ati yi sida pag nuli.

1 Samwil 4:9

Nakan pagpakarig-un gid kita, dahil nu unman, bumaliw kita panawuhun manga Hibriyu parihu sa binwat nita sa kanda. Labanan nita sida.”