Huswi 1:15 - Hanunuu

¹⁵ tugka sa matanggap nida ti kaariwayahan ginan sa Panginuun parihu sa natanggap niyu, ag masakup nida ti daga pag-ipakaun sa kanda Panginuun nita Diyus. Bag-u mahimu yi kamu makabalik sitay sa butlakan baliwa Hurdan, hampay apuun ti daga ipinakaun sa kanyu ni Muysis ti suruguun Panginuun.”

Huswi 1:15 Iomraidhean Croise

1 Kurintu 12:26

Nu ti usa ka gamit bilug may mag-asaydan, ti tanan gamit minsan sa kanya magdungug kakurian. Nu ti usa ka gamit bilug pagdayawun, ti tanan manga gamit parihu magbaya minsan sa kanya.

1 Kurintu 13:5

balaw mag-ugali mahalay, bukun ngap kay sadili ikaayad ti paghanapun niya. Ti pagmahal balaw magkaaburidu, balaw magkutub,

Galasya 5:13

Manga patar-ari, pinili kamu hampay balaw panawuhun Kasuguan. Pagka kainda kamu balaw yi panawuhun, danga waydi pasibut-an yi lang niyu ti daut kagustuhan niyu naisipan. Kailangan ngap pasibut-an niyu kanyu pagmahal, hampay magsirirbihan kamu sa usa kag sa usa.

Galasya 6:2

Pag-arawatan kamu nu may mabuyat pag dararan-un. Nu katunda kanyu buwatun, matupad niyu ti sugu ni Kiristu.

Diyuturunumiyu 3:18

“Ati katpung kaybi, sinugu niku ti manga lahi niyu mag-uli sa butlakan Hurdan, ‘Una ipinakaun Panginuun niyu Diyus inda pag daga hampay apuun niyu, kailangan dumipay di ti tanan sundalu niyu armasin sa Sapa Hurdan ag alistu manguna sa kanyu manga kaparihu Israilita sa girahan.

Diyuturunumiyu 3:20

Nu naapu yi niyu manga kaparihu Israilita ti daga sa baliw dipay Hurdan ti ipinakaun sa kanda Panginuun niyu Diyus, bag-u nu napakan-an yi sida maayus pag kahamtangan parihu sa kay binuwat sa kanyu, mahimu makabalik maan kamu sa daga ipinakaun niku sa kanyu.’

Diyuturunumiyu 9:1

“Pagpatingi kamu, nasakupan Israil. Mandipay yi kamu taynguna sa Hurdan hampay sakupun ti manga nasyun mas daraka ag mas makapangyarihan waya sa kanyu. Daraka kanda manga banwa ag may ararabwat pag manga alad batu ga sunggu yi sa langit.

Pilipus 2:4

Danga pag-intindiha lang niyu ti ikamayad niyu sadili. Bagkus ngap pag-arawatan gid kamu sa ikamayad sa kada usa.

Huswi 1:1

Pagka namatay yi si Muysis kay suruguun Panginuun, magsabi ti Panginuun sa kaawat ni Muysis, sa kan Huswi anak ni Nun,

Huswi 1:14

ti butlakan baliwa Sapa Hurdan. Pumirmaminti sitay kanyu manga asawa hanggan manga anak bag-u manga hayup. Dapat kanyu manga sundalu kailangan pumanguna sa pagdipay sa Hurdan hampay awatan kanyu manga patar-ari,

Huswi 1:16

Sinmagut sida sa kan Huswi, “Tupadun nimi ti tanan nimu pag-isugu sa kanmi una naan tabug pag suguun nimu kami.

Huswi 22:1

Taynguna, tinipun ni Huswi ti manga nasakupan lahi ni Rubin, ni Gad, ag katunga lahi ni Manasis.