Huswi 1:1 - Hanunuu

¹ Pagka namatay yi si Muysis kay suruguun Panginuun, magsabi ti Panginuun sa kaawat ni Muysis, sa kan Huswi anak ni Nun,

Huswi 1:1 Iomraidhean Croise

1 Hari 19:16

Payidan diman nimu si Hihu kay anak ni Nimsi bilang hari sa Israil, ag si Ilisyu kay anak ni Sapat, taga Abil Mihula, hampay kailis nimu bilang purupita.

2 Hari 3:11

Dapat magkun si Husapat, “Unman aw atay may mapaingan-an purupita Panginuun? Nu may imaw, makapaingana kita sa Panginuun sa panab-anan niya nu hintay kanta buwatun.” Nagsagut ti usa ka takinan hari Israil, “Atay duy si Ilisyu kay anak ni Sapat. Kaawat siya kaybi ni Ilyas.”

Nihimyas 8:17

Tanan sida ti nakabalik ginan sa pagkabihag namuwat manga payag ag ati pag nuli. Unman waya nida nabuwat ti kainda katpung umpisa panahun ni Huswi kay anak ni Nun; subra gid kanda kabayaan.

Pag-ighit 24:13

Nakan tinmukad si Muysis sa bantud Diyus kaibahan kay manugsirbi si Huswi.

Bilang 11:28

Si Huswi kay anak ni Nun, kay kaawat ni Muysis ginan sa anak di waya siya, nagkumun tag kan Muysis, “Paapasa sida.”

Bilang 12:7

Dapat balaw katida aku nu maghampang sa kan Muysis sa kang suruguun, masarigan pag takinan niku tanan nasakupan.

Bilang 13:16

Sida pag manga tawu ti sinugu ni Muysis hampay mantiid sa Kanaan. (Huswi pag ngaran ti iinilis ni Muysis sa kan Husyas anak ni Nun.)

Lukas 16:10

“Ti tawu nu unman mapinasipalahun sa diit pag bagay, lalu yi sa daka pag bagay balaw ngap pumasipala. Ti tawu nu maradaya sa diit pag bagay, dumaya diman siya una sa daka pag bagay.

Binwat 7:45

Minana nida manga anak ti Turda, kanda ngani dinara pagka si Huswi maan kanda kaibahan sa kanda nagsakup daga Kanaan, sa katpung tinulak Diyus ti manga nasyun ginan sa daga Kanaan. Tunda pag Balay Turda unman nadura sa kanda hanggan sa udwaya naghari si Dabid.

Ruma 1:1

Ti may surat inda si Pablu kay panawuhun ni Kiristu Hisus. Kay pinili aku Diyus hampay kay apustul, kay gid ibinukud hampay manudlu sa kay Mayad pag Barita Diyus.

Diyuturunumiyu 1:38

Dapat kanmu suruguun si Huswi kay anak ni Nun makaras-ug di ati. Parig-una nimu siya, dahil siya ti manguna sa manga Israilita sa pag-apu sa daga.’

Diyuturunumiyu 31:23

Binilinan Panginuun si Huswi kay anak ni Nun: “Pagpakarig-un kawu ag pagmatutum, dahil kawu ti mandumara sa manga Israilita atabug sa daga kang itinaratu iayaw sa kanda, ag ibahan niku kawu.”

Diyuturunumiyu 31:3

Ti Panginuun niyu Diyus imaw gid ngap ti pumanguna sa kanyu sa pagdipay. Wasakun niya ti manga nasyun ati, ag apuun niyu kanda daga. Pangunahan kamu ni Huswi sa pagdipay angay sa sinabi Panginuun.

Diyuturunumiyu 33:1

Inda ti sinabi ni Muysis imaw ti manugsirbi Diyus pag papalad sa manga Israilita bag-u siya namatay.

Diyuturunumiyu 34:12

Unman may nakabuwat makamaskihan ag lilingutan pag manga bagay parihu sa binuwat ni Muysis sa atubangan tanan Israilita.

Diyuturunumiyu 34:5

Nakan namatay ngani si Muysis, ti manugsirbi Panginuun ati sa Muab, angay gid sa sinabi Panginuun.

Diyuturunumiyu 34:9

Taynguna, si Huswi kay anak ni Nun pinakan-an Ispiritu kadunungan dahil pinili siya ni Muysis kay kailis sa panab-anan pagkupa niya kamang sa kanya. Nakan nagsunud sa kanya ti manga Israilita, ag binuwat nida ti tanan pag-isugu Panginuun sa panab-anan ni Muysis.

Titu 1:1

Inda ti may surat si Pablu, kay panawuhun Diyus ag apustul ni Hisu-Kiristu. Sinugu aku hampay parig-unun ti pagsarig manga pinili Diyus ag hampay itudlu sa kanda ti katutuuhanan nita surundanun,

Santiyagu 1:1

Aku si Santiyagu, kay panawuhun Diyus hanggan nita Panginuun Hisu-Kiristu. Ipadangat niku kang surat pangamusta sa kanyu sa sampulu may duwa ka linahi nangalat sa tuhay-tuhay pag nasyun, nu kabitay waydi kamu asan.

Huswi 1:15

tugka sa matanggap nida ti kaariwayahan ginan sa Panginuun parihu sa natanggap niyu, ag masakup nida ti daga pag-ipakaun sa kanda Panginuun nita Diyus. Bag-u mahimu yi kamu makabalik sitay sa butlakan baliwa Hurdan, hampay apuun ti daga ipinakaun sa kanyu ni Muysis ti suruguun Panginuun.”

Huswi 1:2

“Namatay yi si Muysis kang suruguun. Nakan taynguna pag-alistu yi kamu, kawu hanggan ti tanan Israilita, sa pagdipay sa Sapa Hurdan atabug sa daga kang ipakaun sa kanyu.

Huswi 12:6

Si Muysis ti manugsirbi Panginuun hanggan ti manga Israilita nagtalu sa tunda pag duwa ka hari. Ipinakaun ni Muysis kanda daga sa lahi ni Rubin, ni Gad, ag sa katunga lahi ni Manasis bilang kanda maranahun.

Ipinakakit 1:18

Buhi aku, aku sitay namatay dapat bantayi nimu, aku buhi kainda, balaw yi aku mamatay hanggan waya aban. Sa kangku yi ti manga susi kamatayan hanggan ulian manga namatay.