Hunas 4:2 - Hanunuu

² Magkun siya sa Panginuun sa kay magdarangin, “Ungud gid, Panginuun, balaw gid aku nagsalan sa sinabi niku katpung ati di waya aku sa kanmi rugar, kanmu di ngani kaawaan ti manga taga Ninibi nu mansisi sida, dahil alam niku maawaun kawu ag mapinasunaidun pag Diyus. Mapagmahal kawu ag balaw susun magkagalit. Ag alistu magbag-u kanmu isip balaw mamadara parusa. Tunda ngani kay dahilan nu hayga napatagu aku atabug sa Tarsis.

Hunas 4:2 Iomraidhean Croise

1 Hari 19:4

Bag-u usa ka sirang siya naglakaw atabug sa pangawakawaan. Napahari siya ag tinmukaw sa sirung puun kayu, ag nandarangin kuntay pagkamatay yi lang mana siya. Magkun siya, “Masyadu yi duy inda Panginuun! Bul-a yi lang nimu kang buhi, unman waydi aku may itinuhay sa kang manga ginurang.”

Kanta 103:8

Mabuut siya ag maawaun; mapagmahal siya ag balaw madali magalit.

Kanta 145:8

Panginuun, maawaun kawu ag mainawatun; mapagmahal kawu ag balaw madali magalit.

Kanta 78:38

Dapat una katida, maawaun di ti Diyus sa kanda. Pinatawad niya kanda manga kasalanan ag unman niya sida ipinadamhak. Mayamu bisis niya pinigil kay galit una masyadu yi gid kay pangagalit.

Kanta 86:15

Dapat kawu, Panginuun, mapinasunaidun ag maawaun pag Diyus. Mapagmahal kawu ag matapat, balaw susun magkagalit.

Kanta 86:5

Tutuu mayad kawu ag mapinatawadun, ag punu kawu pagmahal sa tanan magtawag sa kanmu.

Kanta 90:13

Panginuun, tugka kapira waya lugud kanmu pangagalit sa kanmi? Patingihi ag kaawai kami kanmu manga manugsirbi.

Pag-ighit 32:14

Nakan balaw yi ipinatarus Panginuun kay gayak rurisun kay manga nasakupan.

Hirimyas 18:8

bag-u tunda pag nasyun ngatay kaharian umapas sa pagbuwat daut, balaw yi niku iparargu kang gayak daut sa kanda.

Hirimyas 20:7

Panginuun, dinaya nimu aku ag nanalu kawu sa kangku. Nagbaliw karasarin-an aku manga tawu ag parargu nida aku pagsurugun.

Hirimyas 26:13

Nakan bag-uha yi niyu kanyu ugali ag pangabuhi, bag-u pagsunud yi kamu sa Panginuun kanyu Diyus. Dahil nu inda buwatun niyu, balaw yi iparargu Panginuun ti pagsabihun niya pag kadamhakan laban sa kanyu.

Hirimyas 42:10

Nu pumirmaminti kamu sa inda pag daga, bangunun niku kamu ag utru ipatindug ag balaw yi niku kamu ipadamhak. Dahil tutuu nanruku gid aku sa kadamhakan kang ipinalakaw sa kanyu.

Amus 7:3

Nakan nagbag-u ti kaisipan Panginuun ag magkun siya, “Kanmu nakitan balaw yi mangyari.”

Amus 7:6

Nakan nagbag-u ti kaisipan Panginuun ag magkun siya, “Kanmu nakitan balaw yi mangyari.”

Hunas 1:3

Dapat linmihus si Hunas atabug sa Tarsis hampay patagu sa Panginuun. Naglus-ug siya sa Hupa bag-u ati siya pag nakakit usa ka barku kay biyahi atabug sa Tarsis. Nakan nagpakaun siya kay piliti bag-u sinmakay sa barku kaibahan manga manugpasigu sa barku hanggan iba waya manga sakay hampay patagu siya sa Panginuun.

Hunas 3:10

Nakitan Diyus kanda binwat, nu kabitay sida napatlikud sa kanda daut pagpangabuhi. Nakan nagbag-u kay naisipan, balaw yi sida rinuris parihu sa kay sinabi kaybi.

Hunas 3:9

Barang bumag-u waya ti naisipan Diyus ag maparaw kay masyadu pag pangagalit sa kanta ag balaw yi niya kita rurisun.”

Mikas 7:18

Udyi may tuhay Diyus parihu sa kanmu. Pinatawad nimu ti kasalanan nasawad nimu pag manga nasakupan kanmu magkaapu. Balaw magpirmaminti kanmu pangagalit hanggan aban dahil magbaya di kawu magmahal sa kanmi.

Lukas 10:29

Balaw may gustu ti manugtudlu Kasuguan mahantup kuntay salan kay paingana nakan magkun siya sa kan Hisus, “Si unu nguna kang kaparihu tawu?”

Diyuturunumiyu 4:31

Dahil ti Panginuun niyu Diyus maawaun, balaw niya kamu pabay-anan ngatay rurisun. Balaw niya kalimtan ti kasunduan kay itinaratu sa kanyu manga ginurang.