Hunas 3:3 - Hanunuu

³ Rargu nag-atag si Hunas sa Ninibi angay sa kay sinabi Panginuun. Daka pag banwa ti Ninibi; manga tulu ka sirang inda nu lakawun.

Hunas 3:3 Iomraidhean Croise

Gimpuunan 22:3

Nakan igu sa sunud pag sirang, surip waya gid si Abraham nantaris-ak manga kayu pamagba sa handug, bag-u ikinarga niya inda sa kay asnu. Linmakaw siya kaibahan si Isaak hanggan kay duwa ka suruguun lalaki atabug sa rugar sinabi Diyus sa kanya.

Gimpuunan 30:8

Magkun si Rakil, “Masyadu gid kanmi mag-irisgan magtar-ari, ag nanalu aku.” Nakan pinaingarnan niya Niptali ti lapsag.

Kanta 36:6

Kanmu pagkamatadlung marig-un parihu sa abwat pag manga bantud. Kanmu paghusay balaw masalman parihu sa kalalawdan dagat. Pag-alagaan nimu, Panginuun, ti manga tawu ag manga hayup.

Kanta 80:10

Magkahamyan niya manga sanga ti manga kabantudan hanggan ti daraka pag manga kayu sidru.

Isayas 37:37

Dahil siyun, nuli si Sinikarib tag sa Ninibi ag ati yi pag nangulian.

Hunas 1:2

“Pag-ati kawu kainda sa Ninibi, ti daka pag banwa, bag-u pasandami ti manga tawu ati, dahil aput yi sa kangku kanda kadautan.”

Hunas 4:11

Aku aw waya abi ti dayu manhinayang sa daka pag banwa Ninibi subra sa 120,000 tawu unman may alam tungkul sa kang manga kasuguan, bag-u may mayamu waya pag manga hayup?”

2 Timutiyu 4:11

Si Lukas wadi kang kaibahan. Hanapa nimu si Markus, tabana nimu sitay tag dahil daka kay miawat sa kang manga buruwatun.