Hunas 2:9 - Hanunuu

⁹ Dapat aku manhandug sa kanmu may tapil kanta pasalamat. Tupadun niku kang taratu manhandug sa kanmu. Kawu, Panginuun, ti magribri!”

Hunas 2:9 Iomraidhean Croise

Gimpuunan 35:3

Atabug kita sa Bitil, ag bumuwat aku ati harandugan para sa Diyus imaw ti nag-awat sa kangku katpung sa udas niku kakurian, ag siya diman kang kaibahan una naan tabug aku.”

2 Samwil 15:7

Pagkalawuy upat ka timpu, magkun si Absalum sa hari, “Pasnui duy nimu aku makaatag sa Hibrun hampay tupadun kang taratu sa Panginuun.

Hub 22:27

Pagdarangin kawu sa kanya ag dungugun kawu niya, ag tupada nimu kanmu manga taratu sa kanya.

Kanta 107:22

Kailangan maghandug sida bilang pasalamat sa Diyus; ag habang magkanta sida sa kabayaan itultul nida kay manga binwat.

Kanta 27:1

Ti Panginuun kang sulu ag manugribri, nakan unman aku magkadala! Ti Panginuun kang darangpan. Balaw aku may pagkadalaan!

Kanta 3:8

Kawu, Panginuun, ti magribri ag magpapalad sa kanmu nasakupan.

Kanta 50:14

Ti kailangan niku pag handug kanyu pasalamat, ag ti pagtupad sa manga taratu niyu sa kangku, ti Kaabwat-abwatan pag Diyus.

Kanta 50:23

Maggalang sa kangku ti maghandug may pasalamat, ag ti magdahan sa kay pag-ugaliun iribri niku.”

Kanta 68:20

Kanta Diyus, Diyus magribri. Siya ti Panginuun Diyus magribri sa kanta sa kamatayan.

Kanta 95:2

Pagpakarani kita sa kanya may pasalamat, ag paghuyaw kita magkanta sa pagdayaw sa kanya.

Isayas 45:17

Dapat ti Israil iribri di nimu, Panginuun, kanda karibrihan unman may katapusan. Balaw yi gid sida mangay-a una kapira.

Hirimyas 33:11

Masaydan maan ti kasulungan manga bag-u ipinaasawa, ag manga tawu magdara manga handug pasalamat sa Balay Diyus Panginuun. Sabihun nida, ‘Mamasalamat kita sa Panginuun Makamaskihan dahil mayad gid siya. Kay pangaawa balaw may katapusan.’ Ungud magbarayaan ti manga tawu dahil ibalik niku ti mayad pag kahamtangan sa inda pag daga parihu sa kaybi sa un-an. Aku, ti Panginuun ti magsabi inda.”

Husyas 14:2

Pagbalik kamu sa Panginuun ag pagsabi sa kanya kuntay, ‘Panginuun, patawada duy kami sa tanan nimi manga kasalanan, tanggapa kami angay sa kanmu kaayadan hampay makahandug kami manga pagdayaw sa kanmu.

Huwan 4:22

Kamu tanan pag manga taga Samarya, unman gid niyu nakilala kanyu pagsambahan. Nu bay kami manga Hudiyu kilala gid nimi ti kanmi pagsambahan, dahil sa panab-anan nimi iribri Diyus ti manga tawu.

Binwat 4:12

“Udyi may iba hanapan karibrihan nu unman si Hisus lang. Dahil unman may iba ngaran sa sirung langit ipinakaun sa manga tawu hampay magribri sa kanta.”

Ruma 12:1

Nakan ngani manga patar-ari, alang-alang sa kay daka pangaawa Diyus sa kanta, inda kang paanyu gid mana sa kanyu, ipakaun niyu buhi waya kanyu sadili bilug sa Diyus hampay sakup sa kanya, imaw pag pakaun kay pagbayaun niya. Inda ti tutuu niyu pagsamba sa Diyus.

Diyuturunumiyu 23:18

Danga gid niyu pagdaraha sa Balay Panginuun niyu Diyus ti natanggap niyu pag kuwarta ginan sa tunda pag paraan hampay ibayad sa kanyu taratu sa Panginuun niyu Diyus, dahil pagkadat-an gid niya tunda.

Hibriyu 13:15

Magdayaw kita pirmi sa Diyus bilang kanta handug sa kanya. Mabuwat nita inda sa pagpahayag kuntay kilala nita si Hisus.

Ipinakakit 7:10

Durunganan sida nagbagaw daka magkun, “Ti gimpuunan karibrihan ginan sa kanta Diyus sa nakatukaw sa tukawan hari hanggan ginan sa Anak Karanidu.”

1 Samwil 12:21

Danga yi kamu magsunud sa manga diyus-diyusan unman makaawat, unman diman makaparibri sa kanyu dahil unman ngani may pulus.