Hunas 2:7 - Hanunuu

⁷ Igu ga mamatay yi aku, nagdangup aku sa kanmu, Panginuun. Ag pinatingihan nimu kang darangin ati sa kanmu banal pag Balay.

Hunas 2:7 Iomraidhean Croise

2 Krunika 30:27

Pagkatapus, nagtindug ti manga manughandug ag ti manga Libita ag pinapaladan nida ti manga tawu. Ag pinatingihan inda Diyus sa langit, sa kay banal pag-ulian.

Kanta 11:4

Ti Panginuun ati sa kay banal pag Balay; ati sa langit sa kay tukawan hari. Pagbantayan niya ag pag-usisaun ti tanan tawu.

Kanta 142:3

Nu nabul-an aku pag-asa, asan kawu magbantay sa manga magpangyari sa kangku. Sa kang lakawan may suduk ipinauli kang manga kalaban para sa kangku.

Kanta 143:5

Naalaala niku ti manga binwat nimu kaybi; pag-isip-isipun niku ti tanan nimu binwat.

Kanta 18:6

Nakan sa kang kakurian magtawag aku sa kanmu, Panginuun. Maghagad aku awat sa kanmu, Diyus niku, pinatingihan nimu kang darangin sa kanmu Balay.

Kanta 20:7

Ti iba magsarig sa kanda manga kalisa, ti iba sa kanda manga kabayu, dapat kami magsarig sa Panginuun nimi Diyus.

Kanta 22:14

Nabul-an yi aku kabisugan; ga danum nauyang. Ti tanan niku but-ul ga naliw-as. Naduraan aku kabisugan, ga kandila magkaupud.

Kanta 27:13

Dapat magpaniwala gid malakawan niku kanmu kaayadan habang magkabuhi aku sitay sa babaw daga.

Kanta 42:11

Hayga lugud magkaruku ag magkataranta gid aku? Dapat magsarig aku sa kanmu ag dayawun maan niku kawu, kawu kang Diyus ag manugribri.

Kanta 42:5

Hayga lugud magkaruku ag magkataranta gid aku? Kailangan magsarig aku sa kanmu. Hu, dayawun maan niku kawu, kawu kang Diyus ag manugribri.

Kanta 43:5

Hayga lugud magkaruku ag magkataranta gid aku? Kailangan magsarig aku sa kanmu. Hu, dayawun maan niku kawu, kawu kang Diyus ag manugribri.

Kanta 65:4

Mapalad ti tawu kanmu pinili ag binan-awan mangulian sa kanmu Balay. Makabaya kami sa marinu pag manga bagay sa kanmu balay, ti banal pag Balay Diyus.

Isayas 38:17

Tutuu ti manga kakurian kang inagwanta para diman sa kang kaayadan. Dahil sa pagmahal nimu, irinibri nimu aku sa kadamhakan ag pinatawad nimu kang manga kasalanan.

Isayas 50:10

Si unu sa kanyu ti may dala sa Panginuun ag magsunud sa pag-itudlu niya manugsirbi? Kailangan pagpaniwala siya sa Panginuun Diyus una sa dalan madulum unman may rayaw.

Hunas 2:4

Pinalayas nimu aku sa kanmu atubangan, dapat magsarig aku makapakarani di maan sa kanmu, ati sa kanmu banal pag Balay.

Mikas 1:2

“Pagpatingi kamu kaayad, kamu tanan pag manga tawu mag-uli sa babaw daga. Dahil kumastigus ti Panginuun Diyus laban sa kanyu ginan sa kay banal pag Balay.”

Habakuk 2:20

Dapat ti Panginuun ati sa kay banal pag ulian sa langit. Nakan ti tanan sa kalibutan pagpatingi sa kay atubangan.’ ”

Hibriyu 12:3

Isip-isipa niyu si Hisus nu kabitay unman sinmuku siya una linabanan siya manga tawu makasalanan. Nakan danga kamu maglubay sa kanyu naisipan, danga waydi magsuku.

1 Samwil 30:6

Nag-amat di gid ti kakurian ni Dabid dahil magkadaut sa kanya kay manga tawuhan dahil sa pagkabihag nida manga anak, ag naggayak sida bumintuk sa kanya. Dapat pinabaskug siya Panginuun niya Diyus.