Hunas 2:2 - Hanunuu

² Magkun siya, “Panginuun, sa kang kakurian nagdangup aku sa kanmu, ag sinagut nimu aku. Sa karamatyanun pag kahamtangan naghagad aku awat sa kanmu, ag pinatingihan nimu aku.

Hunas 2:2 Iomraidhean Croise

2 Krunika 33:12

Sa kay kakurian, nagpakumbaba gid siya kay sadili ag nagpaawa-awa sa Panginuun niya Diyus, kuntay siya diman ti Diyus niya manga ginurang.

Kanta 116:3

Magkadala aku dahil magkaramdaman niku bilang ga madali yi aku mamatay; ti kamatayan bilang ga sa lubid magpasabud sa kangku. Nabung-anan gid aku ag nadala,

Kanta 120:1

Sa kang kakurian, nagdangup aku sa Panginuun ag sinagut niya aku.

Kanta 16:10

dahil balaw nimu aku pagpabay-anan miatag sa ulian manga namatay. Balaw nimu pahintulutan marunut kanmu marig-un pag manugsirbi.

Kanta 22:24

Dahil balaw niya pagbaliwalaun ngatay pagsaadan ti pag-agwanta manga pugri. Balaw niya sida pagpatlikudan, bagkus ngap pagpatingihan niya kanda maghagad awat.

Kanta 34:6

Nagtawag sa Panginuun ti pugri pag tawu, ag sinagut niya siya. Irinibri niya siya sa tanan kakurian.

Kanta 4:1

Diyus kang manug-apin, awati aku nu magdangup sa kanmu. Kabay inawatan nimu aku sa kang manga kakurian? Nakan taynguna, patingihi kang manga darangin ag kaawai aku.

Kanta 61:2

Atay sa arayu gid pag rugar magtawag aku sa kanmu dahil naduraan aku pag-asa. Daraha aku sa abwat pag batu, sa rugar unman may mahawag,

Kanta 65:2

Ti tanan tawu pumakarani sa kanmu dahil pagsagtun nimu ti manga darangin.

Kanta 86:13

Dahil daka kanmu pagmahal sa kangku; irinibri nimu aku sa kamatayan.

Isayas 14:9

“Magkalaguluhan ti manga namatay sa kanmu pagras-ug ag alistu yi sida sulangun kawu. Ti manga karadwa daan makapangyarihan sa kalibutan magkalaguluhan sa pagkamusta sa kanmu. Magtindug sa kanda turukawan ti karadwa manga hari para sulangun kawu.

Karukuan 3:55

Ginan sa kaabasad-basadan ukang magtawag aku sa kanmu, Panginuun.

Isikil 26:20

Italnud niku kawu sa kaabasad-basadan kaibahan manga tawu sa un-an pag panahun. Pumirmaminti kawu daut sa sirung daga kaibahan manga tawu niatag sa kaabasad-basadan. Udyi kawu makabalik sa rugar manga buhi.

Isikil 31:14

Nakan kailangan unman yi may kayu umabwat waya hanggan lumangbaw sa iba maraybung manga kayu, una abunda waya inda sa danum. Dahil ti tanan kayu mamatay parihu sa tawu, bag-u miatag sa kaabasad-basadan daga.”

Matiyu 12:40

Nu kabitay si Hunas sa sulud tulu ka yabi tulu ka sirang sa basad tiyan laun pag isda, katunda diman ti Anak Tawu aban sa tinaguktukan batu sa sulud tulu ka yabi tulu waydi ka sirang.

Lukas 11:10

Dahil ti tawu nu maghagad pakan-an, ti tawu nu maghanap may makitan siya, tigtaragham ginan sa luwas bukasan sa kanya ti sabian.

Lukas 22:44

Pagka udyi makapaunuunu kay isip, nagdarangin siya lalu mabisug. Kay hulas nagbaliw ga tiktik dugu kay bulus tag sa daga.

Binwat 2:27

Dahil dayu aku pabay-anan nimu sa ulian manga namatay. Unman pahintulutan nimu ti bangkay nimu matinupadun pag suruguun makalakaw karunutan.

Hibriyu 5:7

Pagka sa babaw waya daga si Hisus, nandarangin siya, ainalsa kay busis, nanlumi nagdangup sa Diyus sa may kamaskihan makaribri sa kanya sa kamatayan. Ag nadnugan diman kay darangin dahil sa kay nagpakumbaba nagpasakup sa Diyus.

1 Samwil 1:16

Danga duy nimu pag-isipa daut aku pag babayi. Magdarangin duy aku sitaay dahil sa subra niku pag karukuan.”

1 Samwil 30:6

Nag-amat di gid ti kakurian ni Dabid dahil magkadaut sa kanya kay manga tawuhan dahil sa pagkabihag nida manga anak, ag naggayak sida bumintuk sa kanya. Dapat pinabaskug siya Panginuun niya Diyus.