Hunas 1:4 - Hanunuu

⁴ Pagka sida sa kalalawdan yi, nagpadara ti Panginuun mabaskug pag durus sa dagat, bag-u binmagyu mabisug tugka sa ga marangga yi ti barku.

Hunas 1:4 Iomraidhean Croise

Kanta 135:6

Pagbuwatun Panginuun ti una unu ti pagkaibgan niya sa langit, sa daga, sa dagat, ag sa kaabasad-basadan inda.

Kanta 135:7

Pagdaran-un niya patungud ti manga rurum ginan sa pinakaarayu pag bahagi sa kalibutan, ag magpadara siya manga kilat kaibahan sa uran. Pag-ipalwas niya ti bagyu ginan sa kanda taraguan.

Kanta 148:8

Dayawun niyu ti Panginuun, manga kilat, uran yilu, manga rurum, ag mabisug pag durus imaw ti magsunud sa kay sugu.

Pag-ighit 10:13

Nakan ipinaabwat ni Muysis kay sugkud baliwa sa daga Ihiptu, buu sirang ag yabi nagpadara ti Panginuun durus ginan sa butlakan. Pagkasurip, nagdara ti durus manga apan

Pag-ighit 10:19

Sinmagut ti Panginuun sa panab-anan pagpadara mabisug pag durus ginan sa isalpan, ag ipinayag ti manga apan sa Dagat Marara. Unman may nasawad una di usa ka apan sa Ihiptu.

Pag-ighit 14:21

Bag-u ihinunat ni Muysis kay kamang sa dagat, ag naayaw ti dagat sa panab-anan mabisug pag durus kay ipinadara Panginuun ginan sa butlakan. Buu yabi naghuyup ti durus tugka sa binmaliw mamara ti panungaan dagat.

Pag-ighit 15:10

Dapat sa usa lang nimu ka uyup, nalimus sida sa dagat. Nitalnud sida sa kaabasad-basadan parihu sa timga.

Hirimyas 51:16

Sa busis niya magsugu, maghagunung ti langit. Kaya niya magpalwang rurum ginan sa pinakasuru baliwa kalibutan. Pagpakilatun niya nu mag-uran, ag magpadara siya durus ginan sa kay haramnuan.

Amus 4:13

Ti Diyus imaw ti naglalang manga bantud hanggan durus, bag-u siya diman ti magsalyu yabi hampay bumaliw sirang. Pag-ipaalam niya sa tawu kay manga gayak, hanggan siya ti magpamahala sa buu kalibutan. Kay ngaran Panginuun, ti Diyus Makamaskihan.

Bilang 11:31

Taynguna, nagpadara ti Panginuun durus nagdara manga pugu ginan sa dagat. Maglayang-layang sida sa sangput kampu, manga 2 ka luk-an siku kay abwat sa daga ag pira ka kilumitru kay nahamnaan.