Hunas 1:3 - Hanunuu

³ Dapat linmihus si Hunas atabug sa Tarsis hampay patagu sa Panginuun. Naglus-ug siya sa Hupa bag-u ati siya pag nakakit usa ka barku kay biyahi atabug sa Tarsis. Nakan nagpakaun siya kay piliti bag-u sinmakay sa barku kaibahan manga manugpasigu sa barku hanggan iba waya manga sakay hampay patagu siya sa Panginuun.

Hunas 1:3 Iomraidhean Croise

Gimpuunan 3:8

Pagka magkamalambung yi, nasaydan nida ti Panginuun Diyus maglakaw sa halamanan. Nakan napatagu sida sa manga mapuun kayu sa halamanan.

Gimpuunan 4:16

Bag-u nighit si Kain ginan sa atubangan Panginuun, ati siya sa Nud pag nangulian baliwa sa may butlakan init sa halamanan Idin.

1 Hari 19:3

Nadala si Ilyas, nakan nalagiw siya atabug sa Biirsiba sakup Huda, ag tinayakan niya ati kay suruguun.

1 Hari 19:9

Sinmulud siya sa usa ka lukib ag ati siya pag naturug igu yabi. Taynguna, magkun sa kanya ti Panginuun, “Ilyas, hintay duy kanmu pagbuwatun sitay?”

2 Krunika 2:15

“Taynguna, kagalang-galang Sulumun, ipadara nimu sa kanmi ti tirigu, sibada, intus, ag lana ulibu kanmu itinaratu,

2 Krunika 2:16

ag mamukan kami kayu sa Libanun kanmu kailanganun. Pagkatapus, gapusun nimi ga barsa ipayataw sa dagat atabug sa Hupi. Kamu yi ti pagdara inda sa Hirusalim.”

2 Krunika 9:21

May manga barku diman si Sulumun pan-ahinti, ti tagadara kay manga tawuhan ni Hiram. Inda pag manga barku usa ka bisis mag-uli sa kada ikatlu pag timpu, may karga manga gintu, pilak, bangkil ilipanti, hanggan manga daraka ngatay dariit pag kalasi manga amu.

Isra 3:7

Nagpakaun ti manga Israilita kuwarta pamayad sa manga manugbagasbas batu hanggan sa manga manugpanday. Namakaun diman sida manga karan-unun, irinmun, hanggan lana ulibu pamayad sa manga taga Sidun ag taga Tiru para sa manga kayu sidru ginan sa Libanun. Inda pag manga kayu ikarga sa manga barku ag daran-un sa Hupa. Pinahintulutan inda ni Hari Sayrus taga Pirsiya.

Hub 1:12

Magkun ti Panginuun sa kan Satanas, “Ta, bul-a nimu ti tanan sa kanya, dapat danga lang nimu siya pagsakti.” Nakan ginminan ngani si Satanas sa atubangan Panginuun.

Hub 2:7

Nakan ginminan ngani si Satanas sa atubangan Panginuun bag-u pinakurian si Hub sa panab-anan manga garis ginan sa kay ulu tugka sa raprapa.

Kanta 107:23

May manga tawu nagsakay sa manga barku ag namiyahi sa kalalawdan, imaw ti kanda karabuhian.

Isayas 2:16

Ilimus niya ti tanan barku Tarsis hanggan ti mararinu pag sarakyan sa dagat.

Isayas 23:1

Inda pagsabihun tungkul sa Tiru: Paglumi kamu manga tawuhan barku Tarsis. Dahil nawayak yi kanyu duungan sa Tiru. Itinultul yi tunda sa kanyu manga ginan sa Sipru.

Isayas 23:10

Kamu manga taga Tarsis mahimu yi lumawuy sa Tiru, parihu sa Sapa Nilu una naan tag pag magbulus, dahil udyi may umampara sa kanyu.

Isayas 23:6

Panlumi kamu, kamu pag manga mag-uli sa saruy dagat. Pagdipay kamu sa Tarsis.

Hirimyas 10:9

Namabuwat duy sida sa manga manugpanday hanggan sa panday-pilak diyus-diyusan pinahaklupan pilak ginan sa Tarsis ag gintu ginan sa Upas. Bag-u pinasulungan duy nida rutay malatuy bag-u kulay dungun tinahi madunung pag manga manugtahi.

Isikil 2:8

“Dapat kawu, anak tawu, patingihi kang pagsabihun sa kanmu. Danga kawu maglaban sa kangku parihu sa kanda. Pagnganga kawu ag kan-a kang pag-ipakaun sa kanmu.”

Isikil 27:12

“ ‘Nakipagnigusyu sa kanmu ti Tarsis dahil mayamu kanmu kayamanan. Kanda ibinayad sa kanmu manga pilak, baul, lata hanggan timga.

Isikil 3:14

Kinabyaw aku Ispiritu ag dinara tag sa arayu. Galit aku ag magtuhay kang naisipan, dapat pinigilan aku Panginuun.

Hunas 1:10

Tutuu gid nadala ti manga manugpasigu sa barku dahil itinultul yi ni Hunas sa kanda kuntay napatagu siya sa Panginuun. Magkun sida sa kanya, “Balaw mayad kanmu binwat.”

Hunas 4:2

Magkun siya sa Panginuun sa kay magdarangin, “Ungud gid, Panginuun, balaw gid aku nagsalan sa sinabi niku katpung ati di waya aku sa kanmi rugar, kanmu di ngani kaawaan ti manga taga Ninibi nu mansisi sida, dahil alam niku maawaun kawu ag mapinasunaidun pag Diyus. Mapagmahal kawu ag balaw susun magkagalit. Ag alistu magbag-u kanmu isip balaw mamadara parusa. Tunda ngani kay dahilan nu hayga napatagu aku atabug sa Tarsis.

Lukas 9:62

Magkun si Hisus sa kanya, “Ti tawu nu maghiyaput aradu bag-u mag-aliwliw waya sa kay uryan, unman masarigan sa buruwatun kaharian Diyus.”

Binwat 15:38

Dapat unman nagpasnu si Pablu, dahil napaminsan dapu si Markus sa kanda dapat ud napatapus sa buruwatun. Binmulag kabay si Markus sa kanda ati sa daga Pampilya.

Binwat 26:19

“Nakan duy Hari Agripa, lubus aku naniwala sa kay ipinakakit Panginuun ginan sa langit.

Binwat 9:36

Sa Hupi may usa ka babayi sakup diman sa kan Hisus. Kay ngaran si Tabita. (Sa Giriyigu kay ngaran si Durkas, kay ibug sabihun, Karasyaw.) Masipag gid ungud siya sa magbuwat mayad, pirmi diman siya mag-awat sa manga makuri.

Binwat 9:38

Arani lang ti Lida sa Hupi pag banwa. Nakan pagka naalaman manga patar-ari ati sa Hupi si Pidru, nagsugu sida duwa ka tawu tag sa kan Pidru may bilin magkun, “Pagsitay yi duy kawu sa kanmi kadali.”

Binwat 9:42

Inda pag nangyari sa kan Durkas nibantug sa buu banwa Hupi nakan mayamu tawu nagsarig diman sa Panginuun.

Binwat 9:43

Nadugay waya si Pidru ati sa Hupi nagdayun siya sa balay usa ka manugtimpala sa paknul, kay ngaran si Simun.

1 Kurintu 9:16

Una magtudlu aku Mayad pag Barita balaw kailangan aku magpadayaw-dayaw sa inda pag katungkulan kang tinanggap ginan sa Panginuun. Kaawaawa duy aku nu unman niku mitudlu inda pag Mayad pag Barita.

2 Tisalunika 1:9

Inda aban ti sintinsiya sa kanda, atag sida sa unman may katapusan pag kadamhakan ag miblag sida sa Panginuun hanggan sa kadayawan niya kamaskihan.

Huswi 19:46

Mi Harkun, ag Rakun, hanggan diman ti daga maatubangan sa Hupa.