Hunas 1:10 - Hanunuu

¹⁰ Tutuu gid nadala ti manga manugpasigu sa barku dahil itinultul yi ni Hunas sa kanda kuntay napatagu siya sa Panginuun. Magkun sida sa kanya, “Balaw mayad kanmu binwat.”

Hunas 1:10 Iomraidhean Croise

Gimpuunan 3:13

Pinaingana Panginuun Diyus ti babayi, “Hintay inda kanmu binwat?” Nagsagut ti babayi, “Dinaya ngani duy aku ulay, nakan aku nagkaun.”

2 Samwil 24:3

Dapat nagsagut si Huab sa hari, “Mana payamuun Panginuun kanmu nasakupan may 100 ka dubli, ag makitan mana niyu inda. Dapat, Mahal Hari, hayga gustu nimu buwatun inda pag bagay?”

Hub 27:22

Umuyup inda sa kanya unman may pangaawa habang magpilit gid siya makapalagiw.

Hunas 1:11

Pagka inmamat binmaskug ti bagyu, magkun ti manga manugpasigu sa barku tag sa kan Hunas, “Hintay kanmi buwatun sa kanmu hampay humubung ti dagat ag balaw kami maunu?”

Hunas 1:3

Dapat linmihus si Hunas atabug sa Tarsis hampay patagu sa Panginuun. Naglus-ug siya sa Hupa bag-u ati siya pag nakakit usa ka barku kay biyahi atabug sa Tarsis. Nakan nagpakaun siya kay piliti bag-u sinmakay sa barku kaibahan manga manugpasigu sa barku hanggan iba waya manga sakay hampay patagu siya sa Panginuun.

Huwan 19:8

Pagka nadnugan ni Pilatu kanda sinabi, lalu waya nadala siya.

Huswi 7:25

Magkun si Huswi sa kan Akan, “Hayga ipinadamhak nimu kami? Nakan taynguna kawu waydi ti ipadamhak Panginuun.” Rargu binintuk manga Israilita si Akan tugka sa namatay. Binintuk diman nida kay magtal-anakan bag-u sinunug kay manga kasiyunan.