Hudas 1:6 - Hanunuu

⁶ Isipa diman niyu tunda pag manga anghil ti naglakbang sa kanda sadili kahamtangan. Tinayakan ngap nida kanda sadili kahamtangan. Sida ginapus Diyus tunda unman magkabugtas pag tarikada pinirisu sa masyadu kadudulman hanggan sa udway kaudasan sintinsiya.

Hudas 1:6 Iomraidhean Croise

Matiyu 10:15

Ungud duy kang pagsabihun sa kanyu, nu sa udas pagsintinsiya aban, subra waya pag kaparusahan ti malakawan manga tawu sa ati pag banwa balaw lang ga kanda nalakawan manga taga Suduma ag Gumura.”

Matiyu 25:41

“Kumumun maan ti Hari sa manga tawu sa wala baliwa, ‘Pagpakarayu kamu sa kangku ginan, kamu ti manga sinaadan, pag-ati kamu sa apuy unman magkapsa inalistu para sa diyablu hanggan sa kay manga anghil.

Matiyu 8:29

Nagringgit sida magkun, “Hintay kanmu labut sa kanmi, kawu pag Anak Diyus? Nagsitay aw lugud kawu hampay kami kanmu pakurian una udwaya udas sintinsiya?”

Huwan 8:44

Parihu kamu sa kanyu ama, sa diyablu. Gustu diman niyu buwatun ti kagustuhan niyu ama. Kaybi ginan waya sa kabag-u usa ka manlilibun tawu tunda. Unman gid siya magpakampi baliwa sa katutuuhanan dahil unman may makitan katutuuhanan sa kanya. Nu magbagaw siya kapudilan, tida kay yi gid ugali. Dahil tutuu gid pudilun siya. Sa kanya ngap ginan ti gimpuunan kapudilan.

Ruma 2:5

Dapat ay sa kaganitan nimu tagipusuun ud waydi mag-ampu sa kanmu kasalanan, pagpakadugangan nimu ti parusa kay ganti Diyus sa kanmu nu ipaburayhaw kay galit Diyus aban sa kaudasan niya matadlung pag sintinsiya.

Ipisu 6:12

Dahil kanta kalaban balaw manga tawu, nu unman ti kagadhan manga labang sa panungaan langit daga, manga pinunu, manga may kapangyarihan hanggan manga manugpamahala sa kadudulman magsaklaw sa inda pag kalibutan.

Hibriyu 10:27

Udyi may iba paraan nu unman mag-alagad lang kita sa madala gid pag patabgan pag sintinsiya aban, bag-u kay pangagalit Diyus tigpapas ga apuy sa manga kalaban niya.

2 Pidru 2:4

Unman pinatawad Diyus ti manga anghil. Bagkus ngap pagka sida nagkasala iyinmut sida atabug sa kaabasad-basadan, pinirisu sida sa basad piris pag madlum hampay mag-alagad sa sintinsiya.

2 Pidru 2:9

Ti Panginuun madunung magparibri sa manga lubus napasakup sa kanya nu may malakawan sida subuk. Madunung waydi siya sa manga unman matadlung hampay sida maparusahan hanggan sa udwaya udas sintinsiya.

Hudas 1:13

Sida ga manga humbak sa dagat, pagbulwatun nida kanda kahalayan, ga manga talang pag pamgasan. Kanda patabgan pihu gid atag sa masyadu kadudulman hanggan aban.

Ipinakakit 20:10

Bag-u ti diyablu ti nagdaya sa kanda iyinmut tag sa malabdaban danaw apuy asupri. Ati diman pag iyinmut ti hayup malangas hanggan ti pudilun pag purupita. Mirinsan sida pakurian sirang yabi hanggan waya aban unman may katapusan.

Ipinakakit 20:2

Dinuksulan niya ti daragun, imaw ti gurangun pag ulay, siya diman hanggan ti pagkumnun diyablu, kay usa ka ngaran si Satanas. Ginapus siya anghil sa sulud usa ka libu ka timpu.