Hudas 1:3 - Hanunuu

³ Mahal niku pag manga patar-ari, kang gid mana gustu magsurat tag sa kanyu tungkul sa karibrihan nita tanan. Dapat ay pilit aku sumurat pumaanyu sa kanyu hampay kanyu ingatan ti katutuuhanan tungkul sa kanta pagsarig una may manga kalaban. Inda pag katutuuhanan kas-a lang ginan iinintirga sa manga napasakup sa Diyus.

Hudas 1:3 Iomraidhean Croise

Nihimyas 13:25

Nakan sinungyaw niku ag sinaadan ti manga taga Huda. Binakul niku ti iba sa kanda ag linanit kanda manga buhuk. Ipinasumpa niku sida hanggan kanda manga anak sa ngaran Diyus kuntay balaw yi sida mangasawa sa manga day-uhan.

Isayas 45:17

Dapat ti Israil iribri di nimu, Panginuun, kanda karibrihan unman may katapusan. Balaw yi gid sida mangay-a una kapira.

Isayas 45:22

“Pagpakarani kamu sa kangku hampay maribri, kamu tanan sa buu kalibutan. Dahil aku ti Diyus, purya sa kangku udyi may iba waya.

Hirimyas 9:3

Magkun ti Panginuun, “Pirmi sida alistu sa kapudilan parihu sa ugyung alistu yi ipabkas. Kapudilan ti maglutaw sa inda pag rugar ag balaw katutuuhanan. Mag-amat di gid kanda magbuwat kasalanan, ag unman nida aku pagkilalan-un.

Binwat 17:3

Ipinaliwanag niya ti pagsabihun sa Banal Kasuratan. Itinultul niya kailangan mag-agwanta ti Pinili Diyus Manugribri pag Hari bag-u buhiun maan ginan sa kamatayan. Magkun siya, “Inda pag Hisus kang pag-itudlu sa kanyu imaw yi ngani ti Pinili Diyus Manugribri pag Hari.”

Binwat 18:28

Dahil udyi may sagut ti manga Hudiyu sa kay nangatadlungan ni Apulus sa kanda sa atubangan mayamu tawu. Ginan sa Banal Kasuratan itinultul niya si Hisus imaw ti Pinili Diyus Manugribri pag Hari.

Binwat 20:27

Dahil tinabu gid itinudlu niku ti tanan-tanan ihinanda Diyus sa kanyu, unman gid may inirangan aku sa kanyu una di.

Binwat 28:28

Bag-u sinabi waya ni Pablu magkun, “Kailangan pagmaalaman yi gid niyu, duy, inda pag barita ginan sa Diyus tungkul sa karibrihan ipadakit sa manga balaw Hudiyu. Nu bay sida gid pihu mamatingi.”

Binwat 4:12

“Udyi may iba hanapan karibrihan nu unman si Hisus lang. Dahil unman may iba ngaran sa sirung langit ipinakaun sa manga tawu hampay magribri sa kanta.”

Binwat 6:7

Pag-amat-amatan di nida kanda pagtudlu Bagaw Diyus una naan katpung pag manga rugar. Nagyamu di ti manga nagsarig sa kan Hisus ati sa Hirusalim. Una paman sa manga manughandug sa Balay Diyus mayamu ngap ti nagtanggap sa Mayad pag Barita.

Binwat 9:13

Dapat nagsabi si Ananiyas magkun, “Panginuun, mayamu yi tawu nagtultul sa kangku tungkul sa tunda pag tawu. Mayamu gid pag kadautan ti binwat niya kunu laban sa manga magpasakup sa kanmu ati sa Hirusalim.

Binwat 9:22

Dapat ay amat-amat lalu waya malinaw kan Saulu paliwanag. Naglingut ti manga Hudiyu nangulian sa Damasku dahil marig-un kay nagtultul tungkul sa kan Hisus siya yi ti Pinili Diyus Manugribri pag Hari.

1 Kurintu 15:3

Ti itinudlu sa kangku imaw diman waydi kang itinudlu sa kanyu — ti pinakamahalaga: si Kiristu namatay dahil sa kanta manga kasalanan angay sa isinurat sa Banal Kasuratan;

Galasya 2:5

Dapat ay kami unman napasakup sa kanda kagustuhan una di ngalay-ngalay, hampay madahanan nimi ti katutuuhanan Mayad pag Barita para sa kanyu.

Galasya 3:28

Udyi may tuhay-tuhay una Hudiyu, una Giriyigu, una panawuhun, una bukun panawuhun, una lalaki, una babayi. Kamu tanan urusa dahil sa kanyu pakiusa sa kan Kiristu Hisus.

Galasya 6:11

Makitan niyu daraka gid pag ritra kang nagsurat. Aku diman ti may surat inda.

Ipisu 1:1

Inda ti may surat si Pablu, kay apustul ni Kiristu Hisus angay sa kagustuhan Diyus, tabug sa manga banal sa Ipisu, sa manga matinupadun sa kanda pakiusa sa kan Kiristu Hisus.

Diyuturunumiyu 21:9

Sa panab-anan pagsunud, balaw kamu suktun Panginuun sa pagmatay, dahil nakitan niya matadlung kamu.

Diyuturunumiyu 9:10

Ipinakaun Panginuun sa kangku ti duwa ka malapad pag batu. Siya gid ti nagsurat manga sugu kay sinabi sa kanyu ginan sa apuy ati sa Bantud Sinai habang magtiripnan kamu.

Pilipus 1:1

Inda ti may surat kami ni Pablu ni Timutiyu, kay manga panawuhun ni Kiristu Hisus, tabug sa tanan manga banal, sa manga magpakiusa sa kan Kiristu Hisus mag-uli asan sa banwa Pilipus hanggan sa manga manug-asiwa iglisya hanggan kanda manga kaawat.

Pilipus 1:27

Nakan ngani kailangan gid kamu pag-ugali angay sa Mayad pag Barita tungkul sa kan Kiristu. Nu katunda una aku makaasan ag makitan niku kamu, una unman, maalaman diman niku mirinsan di kanyu turunu ag mag-arawatan kamu hampay maingatan ti kanta pagsarigan Mayad pag Barita una may manga kalaban.

Kulusas 1:2

Inda pag surat tabug sa manga banal mag-uli sa Kulusas, sa manga matinupadun pag patar-ari sa kan Kiristu. Pagsa kanyu ti papalad hanggan ti kahusayan ginan sa kanta Diyus Ama.

1 Tisalunika 2:2

Alam niyu pagka kami sa Pilipus, inunu-unu kami ag minuransa waya. Dapat una katida pinabisug di nita Diyus kanmi manga tagipusuun hampay una mayamu ti manga kakurian, ilinantag di nimi ti Mayad pag Barita Diyus sa kanyu.

1 Timutiyu 1:18

Inda pag bilin kang pag-ipabahala duy Timutiyu sa kanmu angay sa manga ipinurupita kaybi tungkul sa kanmu, imaw ngani tigpabisug sa kanmu maglaban sa kadautan.

1 Timutiyu 6:12

Buwata nimu tugka sa kanmu makaya hampay ingatan nimu ti katutuuhanan tungkul sa kanta pagsarig una may kalaban bag-u makarubtan nimu ti tutuu pag buhi unman may katapusan. Kabay imaw pag buhi kay turunu Diyus. Nakan kawu kay pinili Diyus, pagka ipinakilala nimu mayad-mayad kanmu pagsarig sa mag-adnugan kayamuan tawu.

2 Timutiyu 1:13

Pag-isipa nimu pirmi kang manga itinudlu sa kanmu, huwada gid nimu. Kabay pasay katutuuhanan tunda. Pagpakarig-un kawu sa pagsarig hanggan sa pagmahal kanta tinanggap dahil sa kanta pakiusa sa kan Kiristu Hisus.

Titu 1:4

Inda kang surat tabug sa kanmu, Titu, dahil kawu kang pinagkaanak, usa kita sa kanta pagsarig. Pagsa kanmu ti papalad hanggan ti kahusayan ginan sa Diyus Ama ag ginan sa kan Kiristu Hisus, sa kanta Manugribri.

Hibriyu 13:22

Daka kang gustu, kamu manga patar-ari, pag-agwanta sa kang manga iinadal. Dahil kamu kang sinuratan balaw sa mayamu pag hampang.

Hibriyu 6:9

Dapat ay duy manga patar-ari, madi katida kanmi pagkumnun, balaw diman kuntay kami mag-alinlangan tungkul sa kanyu. Pihu kaayadan ngap ti kanyu patabgan angay sa kanyu karibrihan.

1 Pidru 5:12

Sa kang nagsurat inda sa kanyu aku inawatan ni Silbanu. Alam niku siya usa ka masarigan pag patar-ari. Sa inda ngani pag surat dag-ud dag-ud kang gustu pabisugun niku kanyu naisipan, ag kang diman pag-isabi sa kanyu inda ngani ti tutuu pag kaayadan kay ipinakaun Diyus. Dagkaanggihut kamu ginan sa inda pag pakaun kaayadan.

2 Pidru 1:1

Inda ti may surat si Simun Pidru, kay panawuhun hanggan apustul ni Hisu-Kiristu. Inda pag surat atag ngani sa kanyu, sa manga nakatanggap mahalaga pag sarig parihu ga kanmi pag sarig. Ti Diyus Manugribri imaw yi ngani si Hisu-Kiristu, ti may pakaun sa kanta inda pag sarig angay sa kay katadlungan.

2 Pidru 2:21

Mayad waya mana nu ud nataw-an nida ti matadlung pag dalan. Masyadu gid makuri ti tawu nu nataw-an niya ti banal pag kasuguan iinintirga sa kanya bag-u kay di maan tinayakan.

Hudas 1:1

Inda ti may surat si Hudas kay panawuhun ni Hisu-Kiristu, kay diman waydi patar-ari ni Santiyagu. Inda kang surat tabug sa kanyu duy, sa manga pagmayadun dahil sa kanyu pakiusa sa Diyus Ama. Kamu manga pinili Diyus ag kamu pag-ingatan ni Hisu-Kiristu.

Hudas 1:17

Dapat duy, mahal niku pag manga patar-ari, alalahana di niyu ti ipinurupita manga apustul nita Panginuun Hisu-Kiristu.

Hudas 1:20

Dapat pagpakarig-un ngap kamu duy sa kanyu lubus pagsarig sa Diyus. Pagdarangin kamu angay sa udyuk Ispiritu Banal.

Ipinakakit 12:11

Kanta manga patar-ari nanalu laban sa diyablu, dahil sa dugu Anak Karanidu, dahil diman sa kanda magpadakit sa Bagaw Diyus. Balaw sida naghinayang sa kanda buhi una hanggan waya tugka sa kamatayan.

Ipinakakit 2:10

Danga duy kadalaan nimu ti manga kakurian kanmu patabgan udyi dugay aban. Malu, ipapirisu diyablu ti iba sa kanyu hampay kamu kay subukan. May tiisun gid kamu sa sulud sampulu ka sirang. Pagpakarig-un duy kawu hanggan tugka sa kamatayan bag-u pakan-an niku kawu buhi imaw yi kang pirimyu sa kanmu nanalu.