Hudas 1:2 - Hanunuu

² Pagsa kanyu gid lubus kay pangaawa, kay kahusayan hanggan kay pagmahal Diyus.

Hudas 1:2 Iomraidhean Croise

Ruma 1:7

Inda kang surat tabug sa kanyu tanan sa manga pagmahalun Diyus asan sa banwa Ruma, kamu manga banal. Pagsa kanyu ti papalad hanggan ti kahusayan ginan sa kanta Diyus Ama hanggan ginan sa Panginuun Hisu-Kiristu.

Galasya 6:16

Ti tanan manga mag-ugali angay sa inda pag manga isinurat niku, hanggan ti tanan nasyun Diyus, kang pag-idarangin hampay sa kanda yi kay kahusayan hanggan kay awa Diyus.

1 Timutiyu 1:2

Inda pag surat tabug sa kanmu, Timutiyu, kawu kang pinagkaanak sa pagsarig sa kan Kiristu. Pagsa kanyu ti papalad, ti pangaawa hanggan ti kahusayan ginan sa kanta Diyus Ama hanggan ginan sa kanta Panginuun Hisu-Kiristu.

1 Pidru 1:2

Daan di inisip Diyus Ama kay pinili kamu, kay ipinasakup kamu sa Ispiritu hampay kamu masurundun yi sa kan Hisu-Kiristu ag hampay kamu malumpiyu yi sa dugu ni Hisus. Pagsa kanyu ti abunda pag papalad hanggan kahusayan.

2 Pidru 1:2

Pagsa kanyu ti abunda pag papalad hanggan kahusayan dahil sa kanyu magkilala sa Diyus hanggan sa kanta Panginuun Hisus.