Hudas 1:19 - Hanunuu

¹⁹ Tunda pag manga tawu imaw ti pagpun-an arawayan, ti pag-isipun nida tagipusuun angay lang sa ugali kalibutan, unman sida inulianan Ispiritu.

Hudas 1:19 Iomraidhean Croise

Kabagawan 18:1

Ti tawu makasadili magpablag sa kayamuan ag magsalumpang sa tanan mayad pag kaisipan.

Isayas 65:5

Magkun sida tag sa iba, ‘Danga kawu magpakarani sa kangku barang aku mayagtingan. Mas banal aku kaysa kanmu!’ Magkasamuk aku sa katunda pag manga tawu. Ag kang pangagalit sa kanda ga apuy maglabdaban sa buu malambung.”

Isikil 14:7

Una si unu pag Israilita ngatay day-uhan ti mag-uli sa Israil, ti manpakarayu sa kangku ag manmahal sa kay diyus-diyusan dumara sa kanya sa pagbuwat kadautan, ag manhagad siya payu sa kangku sa panab-anan purupita, aku, ti Panginuun, ti managut sa kanya.

Husyas 4:14

Dapat balaw niku sida parusahan sa kanda pagbuwatun daut dahil kamu hanggan pag manga lalaki mag-ulid diman sa manga babayi baraydan ati sa Balay Diyus, ag maghandug waya kamu kaibahan nida para sa manga diyus-diyusan. Nakan dahil kamu pag nasakupan unman may intindi tungkul sa katutuuhanan, midamhak kamu.

Husyas 9:10

Magkun ti Panginuun, “Manga taga Israil, katpung pinili niku kanyu manga ginurang bilang kang nasakupan, nagbaya gid aku. Parihu sa tawu nagbaya pagka nakakit siya ubas magtubu sa tigangan ngatay pagka nakakit siya un-an pag burak igus. Dapat pagka nag-atag sida sa Baal Piyur, inintirga nida kanda sadili sa makakaray-a pag diyus-diyusan ag niparihu sida sa manga mayagting pag diyus-diyusan kanda pagmahalun.

Ruma 8:9

Dapat kamu udyi mag-ugali angay sa sadili lang kagustuhan niyu pagkatawu. Bagkus ngap kamu mag-ugali angay sa Ispiritu, nu ungud nangulian yi sa kanyu ti Ispiritu Diyus. Dapat una si unu nu unman may Ispiritu ni Kiristu, unman sakup siya sa kan Kiristu.

1 Kurintu 2:14

Ti tawu nu udwaya inulian Ispiritu Banal unman tumanggap manga katutuuhanan ginan sa Ispiritu Diyus, dahil unman ngap may kabuluhan tunda sa kanya. Unman diman magkauninawan niya dahil tunda pag manga katutuuhanan magkaintindihan lang ginan sa Ispiritu.

1 Kurintu 6:19

Unman aw niyu alam kanyu bilug ulian Ispiritu Banal kanyu tinanggap ginan sa Diyus? Balaw yi kamu makapamahala sa kanyu sadili bilug, nu unman Diyus yi ti bahala,

Hibriyu 10:25

Danga kalimtan nita pagluwang di kita sa kanta pagtiripun. Danga maghuwad sa manga magpalya. Pagparabisugan ngap kita ti kada usa. Lalu ngap taynguna dahil magkaalaman yi nita arani yi ti kaudasan pagras-ug Panginuun.

Santiyagu 3:15

Ti katida pag kadunungan balaw ginan sa Diyus, nu unman taga sitay sa babaw daga, angay sa ikaayad lang sadili bilug ag ginan ngap sa manga labang.