Hudas 1:16 - Hanunuu

¹⁶ Tunda pag manga tawu maraibgun yi lang gid sa kasiyunan, manga mag-isip lunsay makuri, udyi mag-iblag kay naisipan ginan sa kay buwat daut pag kagustuhan, manga padayaw-dayawin, madunung magpalana magbagaw hampay mab-ul lang kanda pagkaibgan.

Hudas 1:16 Iomraidhean Croise

Hub 32:21

Unman aku may baliwahan ngatay dayawun.

Hub 34:19

Unman siya may pagpalabihun manga takinan, ag unman niya pagbaliwahan ti manga mayaman kaysa pugri, dahil sida tanan parihu niya linalang.

Kanta 106:25

Nagriklamu sida sa sulud nida manga turda, ag unman sida magsunud sa Panginuun.

Kanta 15:4

Pagdayuun niya ti manga pagbugyahan niku pag tawu dapat pagdayawun niya ti manga magsunud sa kangku. Pagtupadun gid niya kay taratu una kabitay kay kakuri para sa kanya.

Kanta 17:10

Unman sida may pangaawa, ag palabi-labihun nu magbagaw.

Kanta 73:8

Pagpuyaan nida ag pagbagawan daut ti iba. Sa kanda kayabangan magpamadala sida sa pag-api sa iba.

Kabagawan 28:21

Balaw mayad nu may pagkilingan kawu. Dapat may manga tawu magbuwat inda dahil magkadara sida sa suhul, una diit lang inda.

Isayas 29:24

Ti manga balaw nakasalum sa katutuuhanan makasalum yi, ag ti manga magriklamu nu pagtudluan makabaya yi.”

Libitiku 19:15

Kailangan hustu ag matadlung kanyu maghusay; danga niyu pagkampihi ti mayaman ngatay ti pugri.

Bilang 14:36

Ti manga sinugu ni Muysis pag manga tawu hampay mantiid, nagbarita daut tungkul sa daga, imaw kay dahilan pagriklamu manga Israilita nagkaramatay sa sarut sa atubangan Panginuun.

Bilang 16:11

Kawu hanggan kanmu manga tagasunud maglaban sa Panginuun balaw sa kan Aarun.”

Bilang 16:41

Dapat sa sunud pag sirang, nagriklamu maan ti buu nasakupan Israil sa kan Muysis hanggan sa kan Aarun. Magkun sida, “Pinanmatay niyu ti nasakupan Panginuun.”

Lukas 15:2

Ti manga Parisiyu hanggan manga manugtudlu Kasuguan nanrayansan magkun, “Inda pag tawu maaw matinanggapun sa manga makasalanan ag magsaru sa kanda.”

Lukas 19:7

Pagka nakitan manga tawu si Hisus sinmaka sa kan Sakiyu balay, naglibak sida magkun, “Siya maaw manhapit sa balay makasalanan.”

Lukas 5:30

Ti manga Parisiyu hanggan manga manugtudlu Kasuguan nagsungyaw sa kay manga tuludluan ni Hisus magkun, “Hayga duy kamu magkaun mag-inum minsan sa manga manunukut buhis hanggan sa manga makasalanan?”

Huwan 6:41

Bag-u nagharampangan ti manga Hudiyu naglibak tungkul sa kan Hisus dahil sa kay sinabi magkun, “Aku ti ga karan-unun nagsitay sa babaw daga ginan sa langit.”

Huwan 6:61

Madi unman may nagtultul, alam di waydi ni Hisus magrayansan kay manga tuludluan. Nakan sinabi niya sa kanda magkun, “Mag-alinlangan aw kamu dahil sa kang manga sinabi sa kanyu?

1 Kurintu 10:10

Danga diman waydi kamu magriklamu laban sa Diyus, balaw parihu sa kanda, ti iba nagbirba laban sa Diyus nakan minatay sida anghil kay sinugu Diyus hampay magpapas sa kanda.

Galasya 5:16

Inda kang gustu sabihun, pag-ugali kamu angay sa udyuk Ispiritu, hampay dayi pasibut-an niyu ti daut kagustuhan niyu naisipan.

Galasya 5:24

Nu ti tawu sakup ni Kiristu Hisus, ipinapaku yi niya sa kan Kiristu sa kurus kay sadili kagustuhan pagkatawu hanggan kay daut pag naisipan hanggan kay manga kahalay-halay pag manga hilig.

Diyuturunumiyu 1:27

Magriklamu kamu sa kanyu manga turda bag-u magkun, ‘Galit sa kanta ti Panginuun, nakan ngani pinaighit niya kita ginan sa Ihiptu hampay iayaw sa kamang manga Amuriyu para kita kanda matyun.

Pilipus 2:14

Buwata niyu ti tanan pag manga bagay danga sa pilitan ag danga waydi sa barungbadu.

1 Tisalunika 4:5

Danga kay sadili daut pag kagustuhan ti pagtupada, danga parihu sa ugali manga unman magsarig sa Diyus.

1 Timutiyu 6:5

ag aratwan manga tawu alangan kay pag-iisip ag unman magkilala sa katutuuhanan, manga maghantup kuntay ti surundanun sa ikayaman lang nida.

2 Timutiyu 4:3

Dahil rumas-ug aban ti udas balaw yi patingihan manga tawu ti katutuuhanan pag tudlu. Bagkus ngap sundun nida kanda sadili kagustuhan. Manhanap sida manga manugtudlu balaw may iba itudlu nu unman ti kanda lang magustuhan manga manugpatingi.

1 Pidru 1:14

Kamu pagga manga anak masurundun. Danga pagsunda ti manga daut pag kagustuhan ga kanyu kaybi binwat pagka kamu udwaya may intindi sa katutuuhanan.

1 Pidru 2:11

Manga mahal niku pag patar-ari, kang pag-ipaanyu sa kanyu ga sa manga panday-uhan lang sitay sa kalibutan, pagtayaki yi gid niyu ti daut pag nagustuhan niyu naisipan, imaw tiglaban sa kanyu karadwa.

1 Pidru 4:2

Yabi sirang kay yi pag-intindihun ti kagustuhan Diyus sa kay buhi sitay sa babaw daga, balaw yi pag-intindihun niya kay sadili pag kagustuhan.

2 Pidru 2:10

Lalu gid parusahan aban ti manga mag-ugali angay lang sa sadili nida kagustuhan sa daut pag naisipan hanggan sa mahalay ag unman madunung magpanagunsirung sa may kangaranan. Manga paranghasin tunda pag manga pudilun pag manga manugtudlu, manga palabi-labihun. Unman paggalangun nida ti manga makapangyarihan sa langit, bagkus ngap kanda paglibakun.

2 Pidru 2:18

Palabi-labihun sida nu magbagaw dapat unman diman may kahulugan ti kanda pagsabihun. Kanda garamitun kanda daut pag kagustuhan naisipan hampay maudyukan bumalik maan sa kadautan ti manga bag-u lang magpakarayu sa manga tawu daut kay ugali.

2 Pidru 3:3

Un-an gid sa tanan kailangan kanyu alamun kuntay aban sa uryan sirang may manga tawu kanda ugali angay sa kanda mahalay pag kagustuhan naisipan.

Hudas 1:15

hampay ti tanan manga tawu pilahun ti daut ti mayad, ag hampay parusahan ti tanan unman magkilala sa Diyus, dahil sa tanan nida buwat daut ag dahil sa kanda magmuransa sa Diyus. Unman sida mag-alaala sa Diyus, unman diman magkadala sa kanya.”

Hudas 1:18

Kaybi di waya sinabi yi nida sa kanyu magkun, “Nu sa uryan uryan aban pag panahun lumutaw ti manga palalibak, manga panawuhun ngani nida sadili daut pag kagustuhan, manga unman magkadala sa Diyus.”