Hudas 1:15 - Hanunuu

¹⁵ hampay ti tanan manga tawu pilahun ti daut ti mayad, ag hampay parusahan ti tanan unman magkilala sa Diyus, dahil sa tanan nida buwat daut ag dahil sa kanda magmuransa sa Diyus. Unman sida mag-alaala sa Diyus, unman diman magkadala sa kanya.”

Hudas 1:15 Iomraidhean Croise

Kanta 139:20

Magbagaw sida daut tungkul sa kanmu. Sida kanmu manga kalaban magbanggit kanmu ngaran sa unman may pulus.

Kanta 149:9

sa pagparusa sa kanda angay sa isinugu Diyus. Inda para sa kadayawan tanan niya magtupad pag nasakupan Diyus. Dayawun ti Panginuun!

Kanta 31:18

Patahimika tunda pag manga pudilun, hanggan tunda pag palabi-labihun ag magpuya sa manga matadlung.

Kanta 37:6

Itultul niya malinaw kuntay matadlung kawu ag balaw may salan, parihu sa singgit init kay ka rayaw nu karaw-an sirang.

Kanta 73:9

Magbagaw sida daut sa Diyus sa langit hanggan sa manga tawu sa kalibutan.

Kanta 94:4

Sida tanan magbuwat daut masyadu magpadayaw.

Kanta 98:9

Pagmasulung sida sa atubangan Panginuun dahil rumas-ug siya agud sintinsiyahan ti manga tawu sa kalibutan. Sintinsiyahan niya sida may katadlungan, balaw siya may pagkampihan.

Pag-ighit 16:8

Magkun waya si Muysis, “Pakan-an kamu Panginuun taguban kanyu kan-un nu yabi ag busugun niya kamu tinapay sa surip, dahil nadnugan niya kanyu manga riklamu sa kanya. Balaw kamu sa kanmi pag magriklamu nu unman sa Panginuun. Si unu gid kami hampay kanyu riklamuhan?”

Manugtudlu 11:9

Kamu pag kalay-awan, pagbaya kamu habang anak waya. Buwata niyu kanyu pagkaibgan buwatun, dapat alalahana niyu parusahan kamu Diyus angay sa kanyu binwat.

Manugtudlu 12:14

Dahil sintinsiyahan Diyus ti tanan nita pagbuwatun, mayad aw ngatay daut, hanggan ti manga pagbuwatun nita sa lihim.

Isikil 35:13

Nagpadayaw diman kamu ag una wadi unu kanyu pagbagawun laban sa kangku, bag-u nasaydan diman niku inda.

Danyil 11:36

“Buwatun hari Sirya una hintay kay gustu buwatun. Kilalan-un niya kay sadili abwat man sa tanan diyus, ag puyaan niya ti Diyus abwat man sa tanan pag diyus. Magmarapanalu siya tugka sa udas ipakakit Diyus kay pangagalit, dahil kailangan gid mangyari ti manga bagay ihinanda Diyus mangyari.

Danyil 7:20

Pinaingana diman niku siya nu hintay kay kahulugan tunda pag sampulu ka sungay sa ikap-at pag hayup hanggan ti usa waya ka sungay magbusngil ag napunggal ti tulu ka sungay. Inda pag sungay may manga mata ag may bibig magpadayaw, ag nu bantayun mas makapangyarihan siya sa iba ka sungay.

Huwan 5:27

Pinakan-an niya ti Anak karampatan makapihu sa tawu nu daut nu mayad, dahil siya ti Anak Tawu.

Binwat 17:31

May itinaning yi siya kaudasan hampay pihuun ti daut ti mayad. Tunda pag buruwatun kay iinintirga sa kay pinili pag tawu. Kay pinatutuuhanan inda pagka kay binuhi maan tunda pag tawu.”

Ruma 14:10

Kawu duy hayga pag-unuunuhun ngatay pagpihuun nimu ti daut ti mayad sa kanmu patar-ari? Kita tanan umatubang sa Diyus bag-u pihuun niya ti daut ti mayad sa kanta.

Ruma 2:16

Angay sa Mayad pag Barita kang pag-itudlu, mangyari gid tunda nu sa kaudasan aban ti manga ilinihim manga tawu sa kanda tagipusuun pihuun Diyus nu daut nu mayad sa panab-anan ni Kiristu Hisus.

Ruma 2:5

Dapat ay sa kaganitan nimu tagipusuun ud waydi mag-ampu sa kanmu kasalanan, pagpakadugangan nimu ti parusa kay ganti Diyus sa kanmu nu ipaburayhaw kay galit Diyus aban sa kaudasan niya matadlung pag sintinsiya.

1 Kurintu 4:5

Nakan ngani danga dapu pagpihua una hintay pag tawu nu daut nu mayad hanggan sa ud rumas-ug ti Panginuun. Siya ti pumaburayhaw sa manga ilinihim ga sa madlum. Bulwatun niya aban ti pagkutubun tawu. Ati katpung ti kada tawu dayawun Diyus angay sa kay binwat.

1 Kurintu 5:13

Diyus lang ti makapihu sa kanda. Dapat unman aw kamu tigpihu sa manga sa sulud nu daut nu mayad? Dahil pagsabihun sa Banal Kasuratan, “Kailangan ipalwas yi ngani niyu ginan sa kanyu ti daut pag tawu.”

1 Timutiyu 1:9

Alam diman waydi nita ti Kasuguan bukun binwat para sa tawu matadlung nu unman para sa manga tawu unman magbati sa batas ag sa manga manlahug, sa manga tawu daut ag sa manga makasalanan, sa manga unman magsarig sa Diyus ag sa manga maglapastangan, sa manga magmatay sa ina sa ama, ag sa manga maglibun sa tawu,

Hudas 1:16

Tunda pag manga tawu maraibgun yi lang gid sa kasiyunan, manga mag-isip lunsay makuri, udyi mag-iblag kay naisipan ginan sa kay buwat daut pag kagustuhan, manga padayaw-dayawin, madunung magpalana magbagaw hampay mab-ul lang kanda pagkaibgan.

Ipinakakit 13:11

Bag-u nakitan niku ti usa waya ka hayup malangas nagluwang ginan sa basad daga. Duwa kay sungay parihu sa sungay anak karanidu. Dapat kay bagaw parihu sa bagaw daragun.

Ipinakakit 22:20

Magsabi ti nagpaburayhaw sa tanan inda magkun, “Pihu gid ngani rumas-ug yi aku udyi dugay.” Amin, Panginuun Hisus, pagsitay yi duy kawu.

1 Samwil 2:3

Unman may una si unu sa kanyu ti mahimu makapalabi-labi ngatay makapadayaw-dayaw dahil alam Panginuun Diyus ti tanan pag bagay, ag pagpihuun niya ti manga buwat tawu.