Hudas 1:14 - Hanunuu

¹⁴ Ginan sa kan Adam nagkalinahi ti manga tawu kay ikapitu si Inuk. Kaybi di waya nagpurupita diman si Inuk tungkul sa katida pag manga tawu magkun, “Malu, pagbantay kamu, magras-ug ti Panginuun, kaibahan ti manga linibu-libu pag manga anghil Diyus,

Hudas 1:14 Iomraidhean Croise

Gimpuunan 5:18

Pagka 162 ka timpu yi si Harid, ainanak kay anak lalaki si Inuk.

Isayas 26:21

Dahil rumas-ug yi siya ginan sa kay ulian hampay parusahan ti manga tawu sa kalibutan dahil sa kanda kasalanan. Ipalwang daga ti manga tawu minatay, ag balaw yi niya itagu waya.

Sakaryas 14:5

Malagiw kamu pag manga taga Hirusalim lakaw sa inda pag luung, dahil inda pag luung umaput tugka sa Asil. Malagiw kamu parihu sa binwat niyu manga ginurang kaybi pagka linminug sa panahun ni Hari Usyas taga Huda. Ag rumas-ug ti Panginuun niku Diyus kaibahan ti tanan niya manga anghil.

Matiyu 16:27

Dahil udyi dugay bumalik yi ti Anak Tawu may mamaski pag kapangyarihan niya Ama, kaibahan niya kay manga anghil. Ati katpung pag udas gantihan niya ti kada tawu angay sa kay binwat.

Matiyu 25:31

Sinabi ni Hisus magkun, “Rumas-ug ti Anak Tawu aban hampay maghari, kaibahan niya ti tanan manga anghil, bag-u gamitun niya kay karampatan sa pagkahari may kadayawan.

Diyuturunumiyu 33:2

Magkun siya, “Nagras-ug ti Panginuun ginan sa Sinai; nagpahayag siya sa kanta ginan sa Bantud Siir parihu sa pagsinggit init. Nagsinggit siya ginan sa Bantud Paran. Nagras-ug siya kaibahan ti manga linibu anghil, ag kay sikun pag kamang may bitbit maglabdaban apuy.

1 Tisalunika 3:13

Nu katida ti mangyari, pabisugun niya kanyu tagipusuun hampay lubus yi kamu sakup sa Diyus Ama ag unman may kasalanan sa kay pagras-ug nita Panginuun Hisus kaibahan ti tanan manga napasakup sa kanya.

Hibriyu 12:22

Dapat ay kamu nagpakarani sa bantud Siun ag sa banwa Diyus buhi, imaw ti Hirusalim sa langit, sa may udyi mabilang pag kadamlan manga anghil. Magpakiusa yi kamu sa masulung pag katipunan,

Ipinakakit 1:7

Tandaan gid niyu, rumas-ug yi si Hisus padara sa rurum sitay tag. Makitan siya tanan tawu, hanggan ti nagharug sa kay habig kumakit diman sa kanya. Ti tanan nasyun sa babaw daga lumumi dahil sa kanya. Pihu gid katida ti mangyari. Amin.

Ipinakakit 5:11

Nagbantay maan aku bag-u nadnugan niku ti bagaw linibu-libu kagadhan anghil matindugan sa sangput tukawan hari hanggan upat ka linalang may buhi hanggan manga gurangun.