Hudas 1:11 - Hanunuu

¹¹ Madala gid kanda patabgan dahil naghuwad sida sa kay ugali ni Kain. Parihu sa kan Balaam sinukmahan nida ti kadautan basta may matanggap sida kuwarta. Parihu ga kan Kura, sa kanda maglaban sida midamhak aban.

Hudas 1:11 Iomraidhean Croise

2 Hari 16:16

Ag binuwat ngani ni Uryas ti isinugu sa kanya ni Hari Akas.

Isayas 3:11

Dapat kaawaawa ti manga daut dahil rumas-ug sa kanda ti kadamhakan. Balusan sida angay sa kanda binuwat.

Isayas 3:9

Magkahalata sa manga uyahun nida kanda magsalan. Lantadan sida magbuwat kasalanan parihu sa Suduma. Balaw nida inda pag-itagu. Kaawaawa sida! Sida ngapu ti magpadamhak sa sadili nida.

Hirimyas 13:27

Nakitan niku kanyu manga binwat mayagting magsamba sa manga diyus-diyusan sa kabantudan hanggan sa karatagan. Parihu kamu sa babayi baraydan subra yi sa pangaibug, ngatay ga manga magpanguragin. Kaawaawa kamu, manga taga Hirusalim! Tugka kapira kamu mamirmaminti sa mayagting?”

Isikil 13:3

Aku, ti Panginuun Diyus, magkun: kaawaawa kanda kahamtangan manga purupita unman may intindi magbuwat-buwat lang kanda manga hula, ag balaw diman sida may nakitan pangakakitun.

Mikas 6:5

Manga nasakupan niku, alalahana diman niyu sinugu ni Hari Balak taga Muab si Balaam kay anak ni Biyur kuntay saadi kamu. Dapat pinabagaw niku si Balaam manga papalad sa kanyu. Alalahana diman niyu nu kabitay niku kamu inawatan katpung sa kanyu maglakaw ginan sa Sitim tugka sa Gilgal. Alalahana niyu inda pag manga nangyari hampay maalaman niyu kuntay irinibri niku kamu.”

Sakaryas 11:17

Kaawaawa inda pag manugbantay karanidu unman may pulus. Pagpabay-anan lang niya ti manga karanidu! Sa panab-anan baladaw pamuldun kay kamang ag tulsukun baladaw kay sikun pag mata, ag bukun yi mapakinabangan kay kamang ag udyi waydi kumakit kay sikun pag mata.”

Bilang 31:16

Sida ti sinmunud sa tudlu ni Balaam sa paggarya sa manga Israilita tungkul sa maglaban sa Panginuun ati sa Piyur, nakan rinmas-ug ti sarut sa manga nasakupan Panginuun.

Matiyu 11:21

Sinabi ni Hisus, “Kaawaawa kawu pag banwa Kurasin, kaawaawa kawu hanggan pag banwa Bitsayda, dahil nu abi sa banwa Tiru una sa banwa Sidun pag nabuwat ti manga makadululaw kang binwat sitay sa kanyu, dugay yi mana nanrutay saku, nagtukaw sa dapug ti manga taga ati, hampay ipakilala nida kanda nag-ampu yi sa kanda kasalanan.

Diyuturunumiyu 23:4

Dahil unman nida kamu pinakan-an karan-unun ngatay danum katpung maglakaw kamu ginan sa Ihiptu, ag inupahan waya nida si Balaam kay anak ni Biyur taga Pitur sa Aram Naharaim hampay saadan kamu.

Hibriyu 11:4

Dahil sa kay pagsarig ni Abil, nakan mayad man kay ihinandug sa Diyus balaw lang ngap ga kan Kain pag ihinandug. Dahil diman sa kan Abil pagsarig nakan binaya Diyus kay ihinandug sa kanya ag kinilala Diyus si Abil kuntay siya matadlung. Dahil una taynguna tigbak yi si Abil, nagmustara waya siya sa kanta dahil sa kay pagsarig.

2 Pidru 2:15

Tinmalang sida ginan sa mayad pag dalan. Hinuwadan nida kan Biur anak si Balaam. Kinaibgan diman ni Balaam kay upa sa kay buwat kadautan.

1 Huwan 3:12

Balaw parihu sa kan Kain. Sakup siya May Puun Kadautan nakan linibun niya kay ari. Nakan kan Kain linibun kay ari dahil matadlung ti buwat niya ari, kan Kain bay lunsay kadautan.

Ipinakakit 2:14

Dapat aku may pagsabihun inda laban sa kanmu: Ti iba sa kanmu magsunud sa tudlu ni Balaam. Si Balaam kabay ti nagtudlu kaybi sa kan Balak hampay patalangun niya ti manga Israilita tag sa kasalanan. Nakan nagkaun ngani sida manga ihinandug sa manga diyus-diyusan ag nagpanguragin sida.