Hub 9:8 - Hanunuu

⁸ Siya lang ti makabuklad sa langit hanggan ti makapapat-ung sa humbak dagat.

Hub 9:8 Iomraidhean Croise

Gimpuunan 1:1

Sa kabag-u linalang Diyus ti langit hanggan ti kalibutan.

1 Krunika 16:26

dahil ti tanan pag diyus sa iba pag manga nasyun binwat lang waydi nida hampay kanda dayawun, dapat ti Panginuun imaw ti naglalang sa kalangitan.

Hub 26:13

Sa kay pag-uyup rinmayaw ti kalangitan, ag sa kay kamaskihan minatay niya ti magyapang pag daragun.

Hub 26:7

Pagladladun Diyus ti kanaway pag kalangitan sa marayaw pag rugar, ag ipinauli niya ti kalibutan sa kapawaan langit.

Hub 37:18

makaawat aw lugud kawu sa Diyus sa pagladlad langit ag paganitun inda ga salamin pag galang?

Hub 38:11

Sinabihan niku ti dagat, ‘Sitay lang tugka kawu ag danga kawu maglampas; sitay lang tugka kanmu daraka pag manga humbak.’

Hub 38:16

“Nakaati yi aw lugud kawu sa manga bulbugan sa basad dagat aw ngatay sa pinaka-abasad baliwa pag dagat?

Kanta 33:6

Sa panab-anan bagaw Panginuun, nalalang ti kalangitan; ginan sa kay arup ti init, ti bulan, hanggan ti manga pamgasan.

Kanta 77:19

Dinipay nimu ti dagat may daraka pag manga humbak, dapat unman kawu mag-akitan.

Isayas 40:22

Linalang inda Diyus matukawan siya sa kay tukawan hari sa tungud kalibutan. Sa pamantay niya, ti manga tawu sa sirung ga manga liyung lang. Ilinadlad niya ti langit ga limbun rutay, ngatay ga usa ka turda hampay ulianan.

Isayas 42:5

Inda ti pagsabihun Diyus, ti Panginuun naglalang langit ga kay linadlad inda ga rutay. Linalang niya ti kalibutan hanggan ti tanan asan. Siya diman ti magpakaun buhi sa manga tawu ag sa tanan linalang magkabuhi sa kalibutan.

Isayas 44:24

Inda ti pagsabihun Panginuun kanyu Manugribri ti naglalang sa kanyu: Aku ti Panginuun ti naglalang tanan bagay. Aku lang usa ti nagladlad sa langit ag aku diman ti naglalang sa kalibutan.

Isayas 51:13

Aku aw magkalimtan yi niyu? Aku ti naglalang sa kanyu? Aku ti nagladlad sa langit hanggan ti nagpauli paratukawan kalibutan. Hayga magkabuhi kamu magkadala sa isug manga mag-api ag magkaibug rumuris sa kanyu? Kanda isug balaw makadaut sa kanyu.

Hirimyas 10:11

Sabihun niyu sa manga magsamba sa tuhay pag diyus, “Kanyu manga diyus balaw naglalang langit ag daga pihu madura di sa kalibutan.”

Hirimyas 10:12

Dapat Diyus ti naglalang langit ag daga sa panab-anan niya kamaskihan ag kadunungan.

Hirimyas 51:15

Linalang Diyus ti langit ag ti kalibutan sa panab-anan kamaskihan ag kadunungan niya.

Sakaryas 12:1

Inda ti sinabi Panginuun tungkul sa Israil: “Aku ti Panginuun ti nagbuwat kalangitan ag kalibutan, ag aku ti magpakaun buhi sa tawu.

Huwan 6:19

Nakabugsay yi ti manga tuludluan manga lima aw ngatay unum ka kilumitru ginan sa saruy bag-u nakitan nida si Hisus maglakaw sa babaw danum, magpakarani sa duunduun. Nadala gid sida masyadu.