Hub 8:7 - Hanunuu

⁷ Ag ti ipakaun pag kasiyunan sa kanmu subra waya kaysa kasiyunan nimu kaybi.

Hub 8:7 Iomraidhean Croise

Hub 42:10

Pagka naidarangin ni Hub kay manga kakilala, pinaalwan maan siya Panginuun ag pinakan-an dubli waya sa natanggap niya sa kabag-u.

Hub 5:11

Pag-ipaabwat niya ti manga mapinakumbabaun ag pag-alagaan ti manga magpanrukuan.

Hub 8:8

“Paingan-a ti manga paggurangunun. Alama nu hintay ti natandaan nida manga ginurang.

Kabagawan 19:20

Patingihi ti manga patigayun sa kanmu ag tanggapa ti manga pagtadlung sa kanmu ugali hampay sa uryan dumunung kawu.

Kabagawan 4:18

Ti pangabuhi tawu matadlung parihu sa pagbutlak init mag-amat di magrayaw habang magdugay.

Sakaryas 14:7

Tuhay inda pag sirang, dahil unman may yabi nu unman pasay sirang lang. Ti Panginuun lang ti may alam nu kapira tunda pag mangyari.

Sakaryas 4:10

May manga tawu magpuya dahil pira di waya ti nabuwat sa pagpatindug sa Balay Diyus. Dapat makabaya sida nu makitan nida pag-ipauli yi ni Surubabil ti pinaka-uryan ag pinakamahalaga pag batu sa Balay Diyus. Pagkatapus, magkun sa kangku ti anghil, “Inda pag pitu ka sulu tanda mata Panginuun magbantay sa buu kalibutan.”

Matiyu 13:12

Ti tawu nu magsunud sa kay nadnugan pag katutuuhanan, lalu waya pakan-an siya pan-unawa. Dapat ti tawu nu unman magsunud sa katutuuhanan, una kay diit pan-unawa bul-un waya sa kanya.

Diyuturunumiyu 8:16

Ati sa pangawakawaan, pinakan-an niya kamu mana — usa ka karan-unun balaw nasamitan niyu manga ginurang. Binwat inda Panginuun para kamu pumakumbaba ag para subukun kamu hampay sa uryan bumaliw mayad kanyu kahamtangan.

2 Pidru 2:20

Nakaiwas yi sa kadautan kalibutan ti manga tawu nakakilala sa kan Hisu-Kiristu sa kanda Panginuun Manugribri. Dapat ay nu maraibgun maan sida sa daan pag ugali daut bag-u nu rargu napatalu, lalu man makuri kanda kahamtangan balaw lang ga sa kabag-u.