Hub 7:1 - Hanunuu

¹ “Ti buhi tawu atay sa kalibutan makuri gid, parihu kay kakuri sa sirang-sirang tarabahu usa ka manugtarabahu,

Hub 7:1 Iomraidhean Croise

Hub 10:17

Parargu nimu aku pag-ihabla, ag lalu di inmamat kanmu galit sa kangku. Unman may apas kanmu maglaban sa kangku.

Hub 14:1

“Kami manga tawu lang dag-ud kanmi buhi, ag mayamu kanmi kakurian.

Hub 5:7

Nu kabitay ti alimpatu maglayang tag tungud, katida diman ti tawu, imaw ti magdara kakurian sa kay sadili.

Hub 7:2

ngatay ga usa ka panawuhun mag-alagad malambung hampay makapahari yi, ngatay parihu diman sa usa ka manugtarabahu mag-alagad kay kaupahan.

Kanta 39:4

“Panginuun, paalalahani aku kuntay may katugkaan kang buhi ag nabilang yi kang manga sirang. Paalalahani aku kuntay maglawuy lang kang buhi.”

Manugtudlu 8:8

Nu kabitay unman maampara tawu ti durus, unman diman niya maampara kay kamatayan. Parihu inda sa girahan unman siya makapalagiw. Ag kay kadautan unman gid makaribri sa kanya sa kamatayan.

Isayas 16:14

Ag taynguna, inda kay pagsabihun, “Sa sulud tulu ka timpu, madura ti kayamanan Muab ag miuli sa kakay-ahan kay manga nasakupan. Pira-pira lang ti masawad buhi sa manga nasakupan niya ag manga malumuy waya.”

Isayas 21:16

Magkun ti Panginuun sa kangku, “Sa sulud usa ka timpu, matapus ti kapangyarihan Kidar.

Isayas 38:5

pagbalik siya tag kan Isikyas ag sabiha inda: “Inda ti pagsabihun Panginuun, ti Diyus nimu ginurang si Dabid: Nasaydan niku kanmu darangin ag nakitan niku kanmu manga luwa. Dugangan waya niku 15 ka timpu kanmu buhi.

Isayas 40:2

Pagbagaw kamu maalumanay sa nasakupan Hirusalim. Sabihun niyu sa kanda kuntay natapus yi ti kakurian nida, pinatawad yi kanda manga kasalanan. Pinarusahan yi niku sida hustu sa tanan nida kasalanan.”

Libitiku 25:50

Kay buwatun sumadahun niya kaibahan ti nagbili sa kanya nu pira ka timpu kay pagsirbi ag nu pira ti masawad siti nu bayadan siya parihu sa pagbuwatun sa usa ka sinuhulan pag manugtarabahu. Ti masawad pag halaga ibuhin niya sa halaga ibinayad sa kanya katpung waya sa pagbili sa kanya bilang usa ka suruguun. (Tunda pag halaga pag ipatumbas sa kayamuun timpu ginan sa pagbili sa kanya tugka sa Timpu Pagpalpas ag Pagbalik.) Ag nu pira ti masawad imaw ti ibayad niya para malukat siya.

Diyuturunumiyu 15:18

“Danga mabuyat kanmu tagipusuun nu palpasan nimu kanmu panawuhun dahil ti halaga sa kay nagsirbi sa kanmu sa sulud unum ka timpu dubli waya sa upa sa usa ka manugtarabahu. Nu buwatun nimu inda papaladan Panginuun niyu Diyus ti tanan nimu pagbuwatun.