Hub 5:12 - Hanunuu

¹² Pag-ibuyu niya ti manga maradaya, hampay balaw sida manalu.

Hub 5:12 Iomraidhean Croise

Gimpuunan 31:22

Tulu ka sirang yi ti nakalawuy bag-u di naalaman ni Laban linmayas si Hakub.

2 Samwil 11:9

Dapat unman nuli si Uryas sa kanda, ati di ngap siya pag naturug sa sabian balay hari kaibahan manga suruguun niya amu si Dabid.

2 Samwil 17:14

Magkun si Absalum hanggan ti tanan manugpamahala Israil, “Mayad gid ti patigayun ni Husay kaysa kan Ahitupil.” Kay tutuu, mas mayad kay patigayun ni Ahitupil, dapat ipinahintulut Panginuun balaw sundun ni Absalum tunda hampay ipadamhak siya.

2 Hari 6:9

Sinabihan ni Ilisyu ti hari Israil, “Danga kamu maglakaw sa tunda pag daga dahil asan may magbantay manga taga Aramiyu.”

Nihimyas 4:15

Pagka nabaritaan nimi manga kalaban naalaman nimi kanda gayak sa paggira sa kanmi, naisip nida dinaut Diyus kanda gayak, nagbalik kami tanan sa kanmi pagbuwatun alad batu.

Nihimyas 4:9

Dapat nandarangin kami sa kanmi Diyus ag nagpauli manga guwardiya sa sirang hanggan sa yabi, hampay maalagaan kanmi sadili.

Hub 15:5

Kanmu manga pagbagawun imaw ti burak nimu kadautan. Ag magkadaya nimu ti iba sa panab-anan nimu manga bagaw.

Kanta 21:11

Maggayak sida daut laban sa kanmu, dapat balaw gid sida manalu.

Kanta 37:17

Dahil bul-un Panginuun ti kabisugan manga daut, dapat awatan niya ti manga matadlung.

Kabagawan 21:30

Unman may kadunungan, pan-intindi ngatay patigayun ti pumarihu sa Panginuun.

Kabagawan 22:12

Pagbantayan mayad Panginuun ti manga madunung pag tawu, dapat pagdautun niya ti manga gayak manga pudilun.

Isayas 19:3

Mabul-an pagsarig ti manga taga Ihiptu, ag guluhun niku kanda manga gayak. Mamaingana sida sa manga diyus-diyusan, sa karadwa manga namatay, sa manga panhirian ag manga pandaniwan.

Isayas 37:36

Bag-u nag-atag ti anghil Panginuun sa kampu taga Asirya ag minatay niya ti 185,000 sundalu. Igu surip, pagka nimata ti manga nasawad buhi, nakitan nida ti mayamu pag manga bangkay.

Isayas 44:25

Ipinabuyu niku ti hula manga magpabalhingu purupita. Binwat niku busal ti manga manughula. Pagbaliskadun niku ti pagsabihun manga madunung, pagbuwatun niku ud may pulus kanda magkaalaman.

Isayas 8:10

Una hintay ti paggayakun niyu laban sa kanmi balaw manalu, dahil kaibahan nimi ti Diyus.

Hirimyas 49:7

Inda ti sinabi Panginuun Makamaskihan tungkul sa Idum: “Naan yi ti manga maradunung sa Timan? Udyi aw may nasawad madunung magpaanyu?

Hirimyas 8:8

Kabitay niyu magkasabi kuntay madunung kamu, dahil aw alam niyu ti manga kasuguan Panginuun? Kay tutuu, binag-u tida niyu manga manugtudlu.

Ubadyas 1:8

Aku, ti Panginuun, magkumun sa udas pakurianan yi niku kamu, rurisun niku ti manga madunung sa kanyu. Madura ti kadunungan sa Idum, ti pag-ingarnan Bantud ni Isaw.

Binwat 12:11

Bag-u nahinaw-hinawan si Pidru magkun, “Taynguna alam niku tutuu maaw inda pag nangyari sa kangku. Sinugu Panginuun kay anghil hampay bawiun aku ginan sa kamang ni Hirudis hanggan ginan sa tanan pag-isipun manga Hudiyu kanda buwatun mana sa kangku.”

1 Samwil 23:13

Nakan nighit si Dabid ginan sa Kila kaibahan kay 600 ka tawuhan ag napahalin-halin sida rugar. Pagka nabaritaan ni Saul kuntay nalagiw yi si Dabid ginan sa Kila, balaw yi siya dinmiritsu atag.