Biblia Todo Logo
Bìoball air-loidhne

- Sanasan -




Hub 42:8 - Hanunuu

8 Nakan kainda pagbuul kamu pitu ka tudu baka ag pitu ka karanidu lalaki bag-u pag-atag kamu sa kan Hub, ihandug niyu inda bilang handug pagsunugun para sa kanyu sadili. Mandarangin si Hub para sa kanyu ag dungugun niku kay darangin; balaw niku kamu parusahan angay sa kanyu balaw may namuangan. Unman bay kamu nagbagaw kang-ud tungkul sa kangku parihu sa binuwat ni Hub, kang manugsirbi.”

Faic an caibideil Dèan lethbhreac




Hub 42:8
33 Iomraidhean Croise  

Dahil sa pagbuul hari sa kan Sara, ipinahintulut Panginuun balaw magkaanak ti tanan babayi sa magtal-anakan ni Abimilik. Nakan nandarangin si Abraham sa Diyus, ag pinaayad Diyus kay asawa ni Abimilik hanggan kay manga suruguun babayi hampay magkaanak uman sida. Pinaayad diman Diyus si Abimilik sa kay karamdaman.


Dapat kailangan nimu siya iuli sa kay asawa. Ag idarangin niya kawu hampay balaw kawu mamatay, dahil ti asawa niya usa ka purupita. Dapat nu unman nimu siya niuli, inda kang pagsabihun sa kanmu mamatay kawu hanggan ti tanan nimu tawuhan.”


Ag dahil inawatan Diyus ti manga Libita katpung dinara nida ti Kaban Kasunduan Panginuun, nansagda sida pitu ka tudu baka ag pitu ka karanidu.


Nagdara sida pitu ka tudu baka, pitu ka lalaki karanidu, pitu ka anak karanidu, ag pitu ka lalaki kambing bilang handug sa paglumpiyu para sa kanda kaharian, sa Balay Diyus, ag sa manga nasakupan Huda. Sinugu ni Hari Isikyas ti manga manughandug ginan sa lahi ni Aarun hampay ihandug tida sa harandugan Panginuun.


Kada matapus kanda handaan, maghandug si Hub para sa kay manga anak hampay sida malumpiyu. Madlum surip waya siya mag-ipulaw maghandug manga handug pagsunugun para sa kada manga anak niya, dahil mag-isip siya barang nagkasala kay manga anak ag barang tinikis magbagaw daut laban sa Diyus sa kanda tagipusuun. Pirmi gid katida kay pagbuwatun ni Hub.


Magkun sa kanya ti Panginuun, “Nakitan aw nimu si Hub kang suruguun? Unman siya may kaparihu sa buu kalibutan. Matadlung siya, ag unman may ikasabi kay pangabuhi. Maginalangun siya sa kangku ag maaman sa magbuwat daut.”


Una tawu nagsalan iribri niya sa panab-anan nimu matadlung pag buhi.”


Ti mamaliwan lang sa kanmu mayad ngatay daut pag binuwat imaw ti kanmu kaparihu.


Nakan binuwat ni Ilipas taga Timan, ni Bildad taga Suwa, hanggan ni Supar taga Naama ti pag-isugu Panginuun sa kanda. Ag sinagut Panginuun ti darangin ni Hub.


Balaw niya kita pagparusahan angay sa kanta manga kasalanan. Balaw siya magbalus sa kanta angay sa kanta manga kadautan.


Bag-u nagpakaun si Hitru manga handug pagsunugun ag tuhay waya pag manga handug sa Diyus. Pagka pagbuwatun niya inda, rinmas-ug si Aarun hanggan ti tanan manugpamahala sa Israil. Sinmaru sida sa kan Hitru hampay mangaun sa atubangan Diyus.


Ti manga anak manga nag-api sa kanmu pumakarani sa kanmu ag gumalang. Manluhud sa kanmu atubangan ti manga magpuya sa kanmu, ag kawu ingarnan nida, ‘Banwa Panginuun’ ngatay ‘Siun, ti Banal pag Banwa Diyus Israil.’


Bag-u magkun sa kangku ti Panginuun, “Danga kawu magdarangin para sa kaayadan inda pag manga tawu.


Magkun sa kangku ti Panginuun, “Una sida ni Muysis ni Samwil waya ti mamakiawa sa kangku para sa inda pag manga tawu, balaw gid niku sida kaawaan. Nakan pakarayuan nimu sida sa kangku. Paighita nimu sida!


Una kaibahan waya nida asan si Nuwi, si Danyil, ag si Hub, sida lang ti maribri dahil sa kanda pagkamatadlung. Aku, ti Panginuun Diyus, ti magbagaw inda.


Kada sirang sa sulud pitu ka sirang niyu pagdaus, manhandug sa kangku ti takinan pitu ka tudu baka ag pitu ka lalaki karanidu unman may alangan bilang handug pagsunugun. Mansagda diman siya usa ka lalaki kambing bilang handug sa paglumpiyu.


Magkumun si Balaam sa kan Balak, “Pabwati aku sitay pitu ka harandugan, ag alistuhi aku pitu ka turiti baka ag pitu ka tudu karanidu.”


Nakan tinaban ni Balak si Balaam sa usa ka tanman sa Supim, sa katayungtungan Pisga, ag ati nagpatindug sida pitu ka harandugan ag naghandug usa ka baka ag usa ka karanidu sa kada harandugan.


Magkun si Balaam, “Pabwati aku sitay pitu ka harandugan, ag pag-alistu kawu pitu ka tudu baka ag pitu ka lalaki karanidu para sa kangku.”


Bag-u may nagbagaw ginan sa langit magkun, “Inda kang pagmayadun gid pag anak, siya lubus kang pagbayaun.”


Dayawun nita siya dahil sa makadululaw pag kaayadan kay ipinapalad niya sa kanta sa panab-anan niya pagmahalun pag Anak.


Subra gid pag kadautan kay binwat sa kangku ni Alihanduru imaw ti manugpanday galang. Panginuun ti gumanti sa kanya angay sa kay binwat.


Dahil ti dugu manga tudu baka manga kambing dayu gid makab-ul sa kasalanan manga tawu.


Nakan ngani siya ti lubus makaparibri sa manga tawu magpakarani sa Diyus sa panab-anan niya, dahil pirmi di buhi siya hampay manab-anan sa kanda sa atubangan Diyus.


May magkasakit aw sa kanyu? Pabul-an niya ti manga manug-asiwa iglisya, hampay idarangin siya ag payidan lana sa ngaran Panginuun.


Nakan ngani isabi niyu kanyu manga kasalanan sa usa kag sa usa, bag-u pagdararanginan kamu sa usa kag sa usa agud kamu paayadun. Daka kay magkabuwat ti darangin tawu matadlung.


Nu may maghiling sa kay patar-ari magbuwat kasalanan unman ikamatay, idarangin niya tunda pag patar-ari bag-u pakan-an siya Diyus buhi. Inda tungkul lang sa manga magkasala unman sa ikamatay. Dahil may kasalanan diman sa ikamatay. Balaw kang pagsabihun idarangin niya ti manga mag-buwat kasalanan sa ikamatay.


Nagsitay si Hisu-Kiristu, itinulbaw siya sa danum, bag-u kay dugu ibinuhus ati katpung sa kay pagkamatay. Balaw lang danum ti mahalaga, nu unman hanggan kay dugu. Hanggan ti Ispiritu tigpakilala nu si unu si Hisus, dahil ti Ispiritu imaw ti may gimpuunan katutuuhanan.


Malu, ti manga sakup ni Satanas manga magpabalhinguun kuntay sida Hudiyu dapat bukun waydi Hudiyu, manga pudilun lang. Paludhun niku sida sa kanmu atubangan, bag-u maalaman nida kawu kang gid pagmahalun.


Tinanggap ni Dabid ti manga pakaun ni Abigil ag magkun, “Pag-uli yi kawu, danga yi magkaarimputu. Buwatun niku kanmu manga pag-ipakihampang.”


Lean sinn:

Sanasan


Sanasan