Hub 42:6 - Hanunuu

⁶ Nakan magkay-a aku sa tanan niku manga binagaw tungkul sa kanmu, ag pag-iampu niku sa panab-anan pagtukaw sa galbuk hanggan sa dapug.”

Hub 42:6 Iomraidhean Croise

Gimpuunan 18:27

Nagpaingana gid maan si Abraham, “Panginuun, patawada duy nimu aku nu maghampang gid sa kanmu. Tawu lang aku, ga galbuk lang, ag unman aku may karampatan sabihun inda sa kanmu.

1 Hari 21:27

Pagka nasaydan ni Akab kay sinabi ni Ilyas, dinaut niya kay rutay ag nanulung saku una sa magkaturug. Balaw siya nanhandum karan-unun ag maruku nagpalakaw-lakaw.

Isra 9:6

Magkun aku, “Diyus niku, magkay-a gid aku. Unman aku makatangda sa kanmu sa masyadu pag kay-a, dahil masyadu gid kanmi manga kasalanan; ga lapaw yi inda sa kanmi manga ulu ag nag-aput yi sa langit.

Hub 2:8

Nam-ul si Hub dariit pag manga basag anglit bag-u ginamit niya pangarud sa kay manga kugan garis habang matukawan sa dapug.

Hub 30:19

bag-u iyinmut sa malutuk. Ga parihu lang aku sa galbuk ag dapug.

Hub 42:5

Kaybi nasaydan lang niku sa iba ti tungkul sa kanmu, dapat kainda nakitan ungud niku kawu.

Hub 42:7

Pagka binagaw Panginuun sa kan Hub inda pag manga bagay, nagsabi siya sa kan Ilipas taga Timan, “Nangisug aku sa kanmu hanggan sa kanmu duwa ka kakilala, dahil unman kamu nagbagaw kang-ud tungkul sa kangku parihu sa binuwat ni Hub, kang manugsirbi.

Hub 9:31

italnud di maan niya aku sa malutuk pag kali, hampay una kang sadili rutay pag ikay-a aku.

Kanta 51:17

Diyus, ti handug makapasulung sa kanmu, imaw ti buhi mapinakumbabaun ag mag-ampu sa kay manga kasalanan. Inda pag kalasi handug balaw nimu pagbugyahan.

Isayas 5:5

“Sabihun niku sa kanyu ti buwatun niku sa kang ubasan. Bul-un niku ti manga halaman sa kay sangput magsirbi alad sa ubasan ag dautun niku kay alad batu hampay kan-un ag tatatataan manga hayup ti manga tanum ubas.

Isayas 58:5

Sa kanyu balaw maghandum karan-unun, pagsaktan niyu kanyu sadili. Mayungduan kamu bilang labung kugun. Magsulung kamu rutay saku ag magpaigya sa dapug. Tida aw ti pag-ingarnan niyu balaw maghandum karan-unun? Kanyu isip makapasulung tunda sa kangku?

Hirimyas 31:19

Nagpakarayu kami sa kanmu kaybi, pat-ay nag-ampu yi duy kami taynguna. Pagka naalaman nimi kuntay nagkasala kami, tinaptap duy nimi kanmi manga dubdub sa pag-ampu. Magkay-a kami sa kanmi manga binuwat kaybi sa kanmi kalay-awan.”

Isikil 16:63

Alalahanun nimu kanmu manga kasalanan ag mangay-a kawu, ag ga udyi kawu makabagaw sa masyadu pag kakay-ahan nu patawadun yi niku ti tanan nimu binwat. Aku, ti Panginuun Diyus, ti magbagaw inda.”

Isikil 20:43

Ag ati maalala niyu kanyu manga binwat nakapa-uring sa kanyu, ag kadat-an niyu kanyu sadili dahil sa tanan niyu daut pag manga binwat.

Isikil 36:31

Bag-u maalala niyu kanyu daut ugali ag manga buwat, bag-u bugyahan niyu kanyu sadili dahil sa kanyu manga kasalanan ag balaw mayad pag manga buwat.

Isikil 6:9

bilang manga bihag. Alalahanun nida aku ati, ag maisip nida pinaruku nida aku sa kanda nag-uragin ag pagpalabi-labi sa manga diyus-diyusan. Kayagtingan nida kanda sadili dahil sa kanda daut ag mayagting pag pinanbuwat.

Danyil 9:3

Dahil siyun, nagpakarani aku sa Panginuun Diyus ag nandarangin. Unman aku naghandum karan-unun, nanrutay aku saku ag namauli dapug sa kang ulu.

Libitiku 13:12

Nu sa maghimalad manughandug inmamat kay sakit sa buu bilug tawu,

Matiyu 11:21

Sinabi ni Hisus, “Kaawaawa kawu pag banwa Kurasin, kaawaawa kawu hanggan pag banwa Bitsayda, dahil nu abi sa banwa Tiru una sa banwa Sidun pag nabuwat ti manga makadululaw kang binwat sitay sa kanyu, dugay yi mana nanrutay saku, nagtukaw sa dapug ti manga taga ati, hampay ipakilala nida kanda nag-ampu yi sa kanda kasalanan.

Lukas 10:13

Sinabi ni Hisus magkun, “Kaawaawa kamu pag manga taga Kurasin, kaawaawa kamu hanggan pag manga taga Bitsayda, dahil nu abi sa banwa Tiru una sa banwa Sidun pag nabuwat ti manga makadululaw kang binwat sitay sa kanyu, dugay yi mana nanrutay rutay daan, nagtukaw sa dapug ti manga taga ati hampay ipakilala kanda nag-ampu nagpatawad yi sa kanda kasalanan.

Huswi 7:6

Dahil sa karukuan, ginitas ni Huswi hanggan manga takinan sa Israil kanda manga rutay ag pinaulian galbuk kanda manga ulu, bag-u napadapa sida sa atubangan Kaban Panginuun tugka sa yabi.