Hub 39:6 - Hanunuu

⁶ Aku ti nag-ayaw kay ulian ati sa pangawakawaan; ipinauli niku siya sa daga napabay-anan yi.

Hub 39:6 Iomraidhean Croise

Hub 24:5

Maghanap sida kanda makaun sa pangawakawaan parihu sa talun asnu. Harus udyi sida may iba rugar mahanapan karan-unun para sa kanda manga anak.

Hub 39:7

Magpakarayu siya sa maingay pag banwa ag balaw siya magkaibug rignukun.

Kanta 107:34

Pagbuwatun niya ti mayad pag daga unman may pulus, dahil sa manga kadautan manga mag-uli siyun.

Hirimyas 14:6

Ti manga talun asnu matindugan sa arabwat pag rugar mag-alhal ga talun idu. Magdulum yi kanda pamantay dahil sa udyi may hararabun.”

Hirimyas 17:6

Miparihu siya sa usa ka diit pag puun kayu sa tigangan pag daga, unman may marinu patabgan. Mangulian siya sa mamara ag maasin pag daga unman may iba mag-uli.

Hirimyas 2:24

Parihu diman kamu sa usa ka babayi talun asnu masyadu kay ibug magpaama, sa masyadu niya pangaibug unman may makaampara sa kanya. Ti lalaki asnu unman yi makurian maghanap sa kanya. Madali siya hanapun sa udas niya magpaama.

Isikil 47:11

Dapat ti manga dalaag sa palibut maasin di, hampay may mabul-an asin ti manga tawu.

Husyas 8:9

Parihu siya sa talun asnu usa-usa, magtalang. Nanhagad awat siya sa Asirya; binayadan niya ti iba ka manga nasyun hampay awatan siya.

Diyuturunumiyu 29:23

Kanyu buu daga bumaliw parihu sa tigangan daga natabunan yi asupri ag asin. Unman gid may magtanum sa inda pag daga dahil ti tanum unman manubu. Bumaliw parihu sa pagkadamhak Suduma ag Gumura, hanggan Adma ag Sibuyim pagka dinaut Panginuun dahil sa kay masyadu gid pag pangagalit.