Hub 39:16 - Hanunuu

¹⁶ Magpasipala siya sa kay manga butu, ga balaw kanya tunda. Una kay binudlayan nagbaliw ud may pulus, unman siya maghinayang.

Hub 39:16 Iomraidhean Croise

Hub 39:15

Unman siya magkataranta kuntay barang matat-an inda ngatay mapisi talun hayup.

Hub 39:17

Dahil balaw niku siya pinakan-an kadunungan hanggan intindi.

Manugtudlu 10:15

Ti unman may intindi magkagasa magtarabahu, nakan mag-isip siya dayi lang mangatag sa banwa agud manarabahu.

Karukuan 2:20

Panginuun, bantayi kami. Isip-isipa niyu nu si unu ti pinakurianan nimu parihu kainda. Sa masyadu pag lun-us, kinaun manga ina kanda manga anak kanda pag-alagaun. Ti manughandug hanggan purupita pinanmatay sa kanmu Balay.

Karukuan 4:3

Una ti simarun idu magpasusu kanda manga anak, dapat kang nasakupan mapinabay-anun sa kanda manga anak parihu sa manuk ustrits pagpabay-anan lang nida kanda manga itlug sa mainit pag baras sa tigangan daga.

Habakuk 2:13

Dapat tunda kanyu ipinabwat sa binihag niyu pag manga tawu sunugun lang waydi, nakan unman diman may pulus kanda binudlayan. Itinagka yi inda Panginuun Makamaskihan.

Ruma 1:31

manga unman may intindi, manga parahimudilun, udyi may awa, udyi sida may pasunaid sa kanda kaparihu.