Hub 32:8 - Hanunuu

⁸ Dapat kay tutuu, ti ispiritu Makamaskihan pag Diyus imaw ti magpakaun kadunungan sa tawu.

Hub 32:8 Iomraidhean Croise

Gimpuunan 41:38

Magkun siya sa kay manga takinan, “Unman yi kita may makitan tawu parihu sa kan Husi paggiyahan Ispiritu Diyus.”

Gimpuunan 41:39

Nakan magkun ti hari sa kan Husi, “Dahil sinabi Diyus inda pag manga bagay sa kanmu, balaw yi siguru may tuhay waya pag tawu ti may kadunungan hanggan pan-intindi parihu sa kanmu.

1 Hari 3:12

ipakaun niku kanmu paghagadun. Pakan-an niku kawu kadunungan ag pan-unawa, unman waya natanggap ni una si unu kaybi ginan hanggan sa aratubangun pag panahun.

1 Hari 3:28

Pagka nabaritaan nasakupan Israil ti pasya ni Hari Sulumun, daka gid kanda paggalang sa kanya, dahil nakitan nida may kadunungan siya ginan sa Diyus sa pagpanab-anan sa hustu.

1 Hari 4:29

Pinakan-an Diyus si Sulumun balaw kasarangan pag dunung ag pan-intindi, ag kaalaman balaw may tumupung.

1 Hari 5:9

Akutun inda niku manga tawuhan ginan sa Libanun tugka sa dagat, ag gapusun nida inda ga barsa ag ipayataw atabug sa rugar nimu gustu. Ag ati inda bus-agun niku manga tawuhan ag kamu ti bahala magbuul inda. Bilang bayad, pakan-i nimu aku karan-unun para sa manga tawuhan niku sa balay hari.”

Hub 12:13

“Dapat ti Diyus balaw lang may kadunungan, nu unman may kamaskihan waya, ag sa kanya lang ti kang-ud pag pan-intindi nu unu ti kailangan buwatun.

Hub 12:16

Mabaskug siya ag marapanalu, sa sirung niya kamaskihan ti manugdaya ag ti magkadaya.

Hub 27:3

Habang mag-arup waya aku, ag pagpahintulutan waya aku Diyus mabuhi,

Hub 33:16

Magyanas siya sa kanda tuli agud magpaandam sa kanda, bag-u inda ti magpadala sa kanda.

Hub 33:4

Ti ispiritu Makamaskihan pag Diyus imaw ti nagbuwat sa kangku ag ti nagpakaun buhi.

Hub 35:11

Unman sida magdangup sa Diyus ti naglalang sa kanda mas madunung kaysa manga hayup ag manga manuk.

Hub 38:36

Si unu ti nagpakaun kadunungan ag intindi sa tawu?

Kabagawan 2:6

Dahil ti Panginuun imaw ti magpakaun kadunungan. Sa kanya diman ginan ti kaalaman hanggan pan-intindi.

Kabagawan 20:27

Ipinakaun Panginuun sa kanta ti kunsinsiya hanggan ti kaisipan hampay mausisa nita kanda pagkatawu.

Manugtudlu 2:26

Sa kay tutuu, pagpakan-an Diyus kadunungan, hanggan kaalaman ag kabayaan ti magpakaun kasulungan sa kanya pag tawu. Dapat ti manga makasalanan pagpabudlayun niya sa kakatipun kayamanan, hampay kanda matipun iayaw niya sa manga tawu magpakaun kabayaan sa kanya. Ti pangabudlay manga makasalanan unman diman may pulus; ga parihu lang sa maglagas sida durus.

Isayas 28:26

Alam niya ti kailangan niya buwatun dahil pagtudluan siya Diyus.

Danyil 1:17

Pinakan-an Diyus inda pag upat ka kan-akan kadunungan lalu yi gid sa tuhay-tuhay pag manga barasahun ag manga kaalaman. Bukud waya sa inda, pinakan-an niya si Danyil kadunungan sa pagtultul manga pangakakitun hanggan manga tagin-up.

Danyil 2:21

Siya ti magbag-u sa manga panahun. Siya ti mag-udyuk nu si unu ti humari ag siya diman ti mag-ilis sa kanya. Siya ti magpakaun kadunungan sa manga dunungin.

1 Kurintu 12:8

Dahil ti Ispiritu magpakaun bagaw kaalaman sa usa ka patar-ari, sa iba ti Ispiritu diman tigpaburayhaw sa manga bagay unman magkaalaman.

2 Timutiyu 3:16

Ti tanan Banal Kasuratan ginan sa udyuk Diyus pag nisurat nakan magamit diman sa pagtudlu katutuuhanan, sa pagpakilala sa salan pag manga tudlu, sa pagpatadlung sa manga maliku pag buwat hanggan sa pagbutung tabug sa mayad pag ugali,

Santiyagu 1:5

Dapat una si unu sa kanyu nu kurang sa kadunungan, paghagad siya sa Diyus, bag-u siya pakan-an. Dahil ti Diyus abunda kay pamakaun sa tanan tawu, balaw siya mag-irang.