Hub 3:13 - Hanunuu

¹³ Nu namatay yi mana aku kaybi, mahim-ung yi mana aku kainda magkaturug ag magpahari

Hub 3:13 Iomraidhean Croise

Hub 10:21

habang unman waya aku mag-atag sa ulian mapanglaw ag madulum, nu naan balaw yi aku makabalik sitay.

Hub 10:22

Madulum gid ati; pasay lang yabi ag unman gid may rayaw, ag unman ati may kahusayan.’ ”

Hub 14:20

Pagtaluhun nimu siya pirmi ag magkamatay siya, ag pagbag-uhun nimu kay uyahun nu tigbak yi siya.

Hub 16:22

Dahil udyi dugay mamatay yi aku ag udyi bumalik.”

Hub 17:13

Nu may pagsarig gid waydi aku, kang sarigan ti makauli yi sa ulian manga namatay. Pagkaibgan yi niku ipauli kang igyaan sa inda pag madulum ulian.

Hub 19:25

“Dapat alam di niku buhi di kang Manugribri, ag sa uryan rumas-ug siya sa daga agud apinan aku.

Hub 19:27

Makitan niku duwa ka mata siya, ag balaw yi siya tuhay sa kangku. Daka gid kang gustu makitan siya.

Hub 21:13

Magkabuhi sida abunda ag magkamatay may kahusayan.

Hub 21:23

May manga tawu nagkaramatay abunda ag maariwaya kanda kahamtangan,

Hub 21:26

Dapat parihu lang sida ilbung sa daga ag kan-un manga sapat.

Hub 24:19

Nu kabitay ti snow magkatunaw ag magkadura dahil sa init, ti manga makasalanan madura diman sa kalibutan.

Hub 24:20

Udyi sida alalahanun waya nu unman kalimtan yi sida una nida ina. Rurisun sida ga kayu pinukan ag kan-un sida manga sapat.

Hub 26:5

“Pagtakigan sa kadalaan ti manga namatay sa kanda nagkabugtangan ati sa basad danum.

Hub 26:6

Burayhaw gid sa Diyus ti rugar manga namatay. Unman may makatabun sa rugar kadamhakan.

Hub 3:12

Hayga waya aku inalagaan ag pinasusu niku ina?

Hub 34:22

Unman gid may madlum pag rugar nu naan makapatagu ti manga daut.

Hub 7:21

Nu nagsalan gid aku sa kanmu, hayga balaw yi lang nimu aku patawadun? Udyi dumugay mighit yi aku. Una aku hanapun nimu, unman yi makitan.”

Manugtudlu 9:10

Buwata nimu buu kabisugan kanmu pagbuwatun, dahil ati sa ulian manga namatay, nu naan kawu tabug, unman yi may tarabahu. Udyi may manga paggayakun ati, ag unman diman may kadunungan ag kaalaman.

Isikil 32:27

Dapat unman sida pinakan-an lubung parihu sa manga manuggira pag tawu unman magsarig sa Diyus, pagka ilinbung sida kanda baladaw sa kanda uluhan bag-u kanda panangga sa babaw dubdub nida. Pinarusahan sida dahil sa kanda kadautan katpung buhi waya sida pinadala diman nida ti manga tawu.