Hub 24:9 - Hanunuu

⁹ “Pagbul-un manga daut pag tawu ti anak buranday ag pugri pag babayi, imaw ti bayad sa kanda inutang.

Hub 24:9 Iomraidhean Croise

2 Hari 4:1

May usa ka buranday babayi kaybi, kay asawa kaibahan sa gurupu manga purupita. Pagka sa usa ka sirang, naghagad siya awat sa kan Ilisyu. Magkun siya, “Namatay yi duy kang asawa, kanmu manugsirbi, ag alam nimu nu kabitay kay maggalang sa Panginuun. Taynguna, ti inutangan niya pag tawu rinmas-ug hampay bul-un kanmi duwa ka anak lalaki hampay buwatun suruguun bilang kabaydanan sa utang.”

Nihimyas 5:5

Una kami hanggan kanmi manga anak kaparihu diman nida manga Hudiyu, kailangan ipabili nimi sa kanda kanmi manga anak hampay may kuwarta kami. Sa tutuu lang, kay iba kanmi manga anak babayi ipinabili yi nimi bilang panawuhun. Unman kami may mabwat dahil kanmi manga tanman hanggan manga ubasan inapu yi iba.”

Hub 22:6

Pagbul-un nimu ti rutay nimu kaparihu bilang pilinda sa kay utang sa kanmu.

Hub 24:10

Maglakaw ti manga pugri kurang sa rutay; pagpabab-an sida manga inani tirigu dapat magkalun-us sida.

Hub 24:8

Magkabasa sida uran ati sa manga kabantudan, ag magpasuksuk sida sa gil-ang manga batu dahil unman sida may pasirngan.

Hub 29:12

dahil pag-awatan niku ti manga pugri maghagad awat hanggan ti manga unman may madangpan pag manga ilu.

Hub 6:27

Hayga, matadlung aw lugud kamu? Magkabwat ngani niyu ti usa ka ilu buwatun usa ka suruguun, aw ngatay ipabili ti usa ka kakilala!

Isayas 3:14

Pihuun niya ti manga paggurangunun hanggan ti manga takinan niya nasakupan. Inda kay bangdan niya sa kanda, “Dinaut niyu kang ubasan imaw kang manga nasakupan. Kanyu manga balay punu manga bagay bin-ul niyu sa manga makuri.

Diyuturunumiyu 24:7

“Nu natakdan ti usa ka tawu magdakup sa kay kaparihu Israilita ag binuwat niya suruguun ngatay ipinabili niya, kailangan matyun ti nagdakup. Kailangan duraun niyu inda pag kadautan sa kanyu.