Hub 23:10 - Hanunuu

¹⁰ Dapat alam di niya kang pagbuwatun. Pagka nasubukan niya aku, makitan niya malumpiyu aku parihu sa lunsay pag gintu.

Hub 23:10 Iomraidhean Croise

Gimpuunan 18:19

Pinili niku siya hampay ipatupad niya sa kay manga anak hanggan sa kay manga linahi kang manga palakaw, hampay bumuwat sida hustu ag matadlung. Sa panab-anan inda, matupad kang itinaratu sa kanya.”

2 Samwil 22:22

Dahil pagsundun niku kanmu manga kagustuhan, ag unman aku napablag sa kanmu, Panginuun niku Diyus.

2 Hari 20:3

“Panginuun, alalahana duy nimu nu kabitay aku nangabuhi matinupadun sa kanmu ag nagsirbi buu tagipusuun, ag nu kabitay aku nagbuwat mayad sa kanmu magbantay.” Ag nanlumi siya matnug.

Hub 10:7

Alam nimu unman aku may kasalanan, dapat si unu ti manribri sa kangku ginan sa kanmu?

Hub 23:7

Ti matadlung pag tawu ga kangku mahimu makapangatwiran sa atubangan Diyus, kang Manughusay, ag palpasan niya aku tugka aban.

Hub 31:4

Magkaalaman gid Diyus ti tanan niku pagbuwatun.

Hub 31:6

mana parusahan aku Diyus. Dahil siya ti nakaalam nu nagsalan aku.

Hub 33:9

‘Unman aku may kasalanan; malumpiyu aku ag unman may salan.

Hub 6:29

Apasi yi kanyu magbangdan sa kangku, dahil unman aku may kasalanan.

Hub 7:18

Pag-usisaun nimu siya kada surip bag-u pagsubukun sa tanan pag udas.

Kanta 1:6

Dahil pag-alagaan Panginuun ti manga magkabuhi matadlung, dapat ti magkabuhi sa kadautan, kadautan diman ti dumara tag sa kadamhakan.

Kanta 11:5

Pag-usisaun niya ti manga matadlung hanggan ti manga daut. Pagkadat-an niya ti manga maraisug pag tawu.

Kanta 17:3

Inusisa nimu kang tagipusuun una yabi. Sinubukan nimu aku ag unman kawu may nakitan kasalanan sa kangku. Naggayak aku balaw mamagaw daut

Kanta 66:10

Diyus, sa ungud pagsubukan nimu kami; linumpiyu nimu kami parihu sa pilak ipinalakaw sa apuy.

Kanta 7:9

Amparaha ti pagbuwatun kadautan manga tawu, ag papaladi ti manga matadlung, dahil matadlung kawu pag Diyus, ag pag-usisaun nimu kanmi manga naisipan hanggan tagipusuun.

Kabagawan 17:3

Pagsubukan Panginuun kanta tagipusuun parihu sa gintu ag pilak pag-ipalakaw sa apuy nu ungud lunsay ngatay unman.

Hirimyas 12:3

Dapat aku kilala duy nimu Panginuun. Mag-akitan nimu kang manga pagbuwatun hanggan alam nimu kang basad tagipusuun. Guyuda nimu inda pag manga tawu ga manga karanidu atag sa iriyawan. Ipablag duy nimu sida hampay iyawun.

Sakaryas 13:9

Ag ti ikatlu pag bahagi masawad lumpiyuhun niku parihu sa pilak pag-ipalakaw sa apuy. Subukun niku sida parihu sa gintu pag-ipalakaw sa apuy nu lunsay ngatay unman. Mandarangin sida sa kangku ag sagtun niku sida. Sabihun niku, ‘Sida kang nasakupan.’ Ag sabihun diman nida, ‘Ti Panginuun kanmi Diyus.’ ”

Huwan 21:17

Sa pakatlu pag pinmaingana si Hisus magkun, “Simun, anak ni Huwan, pagmahalun aw nimu aku?” Nagmaruku yi si Pidru dahil sa kay paingana ni Hisus katlu gin magkun, “Pagmahalun aw nimu aku?” Nakan sinabi ni Pidru magkun, “Panginuun, alam duy nimu ti tanan-tanan pag manga bagay. Alam diman nimu kawu kang gid pagmahalun.” Bag-u kay sinabi ni Hisus sa kanya magkun, “Alagai duy nimu kang manga karanidu.

1 Kurintu 3:15

Una sitapu pag tawu nu mairub kay binuwat, lugi gid siya. Dapat siya kay apu makaribri di. Dapat sulu lang bilug ti nakaribri sa apuy.

Diyuturunumiyu 8:2

Isipa niyu nu kabitay kamu inibahan Panginuun niyu Diyus sa kanyu maglakaw sa pangawakawaan sa sulud upatpulu ka timpu. Binwat niya inda hampay kamu pumakumbaba ag sinubukan kamu hampay maalaman nu hintay gid ti basad niyu tagipusuun, nu tupadun niyu kay manga sugu ngatay unman.

2 Timutiyu 2:19

Dapat marig-un kay ipinakana Diyus pag manga tudlu magkun, “Magkakilala di Panginuun nu si unu ti sa kanya.” Ag “Ti kada tawu magtawag sa Panginuun, pagpakarayu sa magbuwat kadautan.”

Hibriyu 11:17

Si Abraham ti pinangakuan Diyus. Sinubukan siya Diyus, dapat dahil sa kay pagsarig, alistu siya hampay matyun niya ipakaun sa Diyus kay anak madi usa-usa, kay ngaran si Isaak.

Santiyagu 1:12

Papaladan Diyus ti tawu nu marig-un sa kay pagsarig una may paglakawan siya pagsubuk. Pagka nakalawuy yi sa pagsubuk, makatanggap siya buhi unman may katapusan, imaw kay atinaratu Panginuun pag pirimyu sa manga magmahal sa kanya.

1 Pidru 1:7

Ti gintu kabay madi madaut di aban, pagtunawun nida sa apuy hampay makitan nu lunsay yi ngani gintu. Katida diman waydi kanyu pagsarig subra waya sa gintu kay kahalaga, pag-ipalakaw sa manga subuk hampay maalaman nu ngatay buu. Nu buu kanyu pagsarig, kamu aban bayaun, purihun hanggan dayawun ati katpung aban sa kay kaudasan nu mihayag si Hisu-Kiristu.